٤٨ يوم '٢'

- ١١ -

#عمرو

انا : اه يانا يابا ياما يااليييهوييي لا لا مش قادر .. ندى !! بت يا ندى !!

ندى : ايوة يا مستر عمرو ؟!

انا : ينفع تاخدي الورق دا توديه لشريف عشان مش قادر بصراحة 😂💔

ندى : ينفع اوديه لحد تاني ☺💔

انا : لا وديه لشريف معلش انا عارف انه طلب رخم بس مش قادر والله عندي انتشفاخ 😂😂💔

ندى : كتك القرف 😒😒👊

انا : بس يا بت اتأدبي 👊 انا عمك 👊

ندى : انت هفأ اصلا اسكت 😒👊

انا : طب نفذي اللي قولت عليه بدل ما يتخصم منك عشان الهفأ بيزعل يا بنت الكلب ☺😂👊

ندى : اصلا عادي ☺

انا : ما تتأخريش يا ندى عشان عايزك ف شغل تاني !!

ندى : مش هتأخر طبعا انا هرمي الورق من تحت عقب الباب واجي 😂😂✋

_____________

#ندى

روحت عند مكتبه وخبطت .. ما سمعتش كلمة " ادخل " اللي كان بيقولها على طول .. فتحت الباب براحة ودخلت ..

انا : مستر شريف !! مستر شريف !!!

حطيت ايدي قدام وشه لقيته قاطع النفس .. مش عارفة من الخوف ما حسيتش ولا دا بجد

انا : حد يلحقني !!

جريت بسرعة على مكتب عمرو

انا : عمرو .. الحق .. الحقني

عمرو : اية يا بت مالك ؟!!

انا : مستر .. مستر شريف

عمرو : يا خبر اسود !!

نط من فوق مكتبه وجري برا .. روحت وراه

عمرو : شريف !! اطلبي الاسعاف يا ندى بسرعة

انا : هو ماله ؟! 😥

عمرو : اخلصي يا ندى مش وقت اسئلة !!

طلبت الاسعاف ولما جم ..

عمرو : انا رايح معاهم وانتي خليكي هنا اذا حد سأل قولي اي حاجة وقعت على دماغه واتفتحت ونقلناه المستشفى

انا : لا انا هاجي معاك !!

عمرو : ندى !! مش وقته مش هينفع !!

كان بيجري وهو بيكلمني وانا بجري وراه 😒

انا : هاجي يا عمرو !!

ركب عربيته ..

عمرو : مش هاخدك معايا

مشي بسرعة جدا .. وقفت ف نص الطريق ..

انا : عمرو !!! يا ربيييي

اتديرت على عشان ادور على اي تاكسي قبل ما عربية عمرو تختفي من قدامي .. لكن الحقيقة التكاسي ماتت مفيش ولا تاكسي لحد ما ربنا كرمني وبعتلي تاكسي