سأظل بجانبك

الفصل الاول

في احد احياء القاهرة 

استيقظت مريم علي اذان الفجر ادت فريضتها ثم قرأت بعض ايات من القرأن فذهبت الي غرفة اخيها 

- يلا يا احمد اصحي عشان المدرسة 

- 5 دقايق يا مريم سيبيني انام 

- قوم بلاش كسل عشان نفطر مع بعض 

- طيب هقوم حضري انتي الفطار عقبال ما اجهز 

-  طيب يا حبيبي 

خرجت تقي تحضر الفطار وخرج احمد من غرفته مرتديا ملابس المدرسة فهو في الصف الاول الثانوي

- عامل ايه في المدرسة  ؟ 

لم يرد احمد 

-احمد انا مش بكلمك 

- بصراحة يا مريم اكلك تحفة و شكلي هخلصه كله 

مريم بفخر :

- طبعا مش انا اللي عملاه اكيد هيبقي حلو المهم ما توهش في الموضوع عامل ايه في المدرسة ؟ 

- انا عايز اشتغل يا مريم 

- نعم بتقول ايه ؟! 

- بقول عايزة اشتغل 

- لا يا احمد وعلي جثتي انت هتكمل تعليمك و هتشتغل بشهادتك وان شاء الله هتبقي دكتور زي ما كنت بتتمني 

- بس انتي بتتعبي في الشغل و انا عايز اساعدك 

- ملكش دعوة يا حبيبي المهم انت تركز في مذاكرتك عايزة درجات حلوة زي ما كنت بتقول لماما وبابا الله يرحمهم 

احمد بحزن 

- الله يرحمهم 

- يلا روح علي مدرستك وانا هقوم الحق الشغل عشان اتأخرت 

- ماشي يا مريومة السلام عليكم 

- وعليكم السلام 

ذهبت مريم للمطبخ و قامت بغسل الاطباق ووضعها في مكانها و خرجت للعمل 

*********************

في قصر اياد الدالي

استيقظ بطلنا علي صوت المنبه المزعج 

- علية القهوة بتاعتي عقبال ما انزل 

اخذ يستحم و خرج بمنشفة تلف حوله اخذ يجفف شعره الاشقر و لبس بدلة من اللون الاسود والقميص الازرق 

نزل الي غرفة الطعام 

-صباح الخير يا ماما 

- صباح الخير يا اياد 

- القهوة يا باشا 

- شكرا يا علية 

- عامل ايه في الشغل يا ابني 

- الحمد لله يا ماما الشغل ماشي تمام متقلقيش

- يا ابني انا مش قلقانة علي الشغل انا قلقانة عليك انت