سأظل بجانبك

الفصل الثاني

في صباح اليوم التالي 

في بيت مريم 

- مريومة مريومة ؟ 

نظرت مريم لاحمد بنصف عين وقالت 

مريومة يبقي في حاجة عايزها هات اللي عندك 

- هخرج انهاردة مع صحابي 

- بشرط متتأخرش عن الساعة 10 

- حبيبة قلبي يا مريومة 

قام احمد بتقبيل وجنتها 

- يالا عليا الكلام ده دلوقتي بقيت حبيبتك 

- اه حبيبتي وهتفضلي حبيبتي انا هنزل بقي

-اوك باي 

خرجت تقي الي المطعم 

*****************

في شركة الدالي

كان اياد مشغول ببعض الملفات حتي جاءه اتصال فابتسم

- اخر ما افتكرتيني

- ايدو وحشني موت بس انت عارف كان عندي عرض في باريس و مكنش ينفع ارفضه

- رجعتي ولا لسه هناك ؟

- لا خلاص رجعت عايزة اشوفك بقي يا حبيبي

- اوك نتغدي انهاردة مع بعض كانت ماما قالتلي انها كلت في مطعم هي وحبيبة بيقولو كويس ايه رأيك نجربه ؟ 

- ماشي يا بيبي يلا باي هروح اجهز نفسي

- باي يا سلمي 

*******************

في المطعم 

- من ساعة اخر مرة ما كسفتي مصطفي و هو مش بيجي المطعم خالص

ضحكت مريم وقالت

- احسن يستاهل 

- مريم في حجز باسم اياد الدالي هيجي بعد شوية و خليكي مؤدبة معاه مش عايزين مشاكل بحذرك  

قالها ادهم بخوف ( مدير المطعم )

- ليه يعني يا مستر يكون مين ده 

اسماء بدهشة 

- بقي متعرفيش مين اياد الدالي ده صاحب اكبر معرض سيارات في مصر وكمان عنده امبراطورية الدالي المعروفة بس سمعت انه مغرور و متكبر

- مسمعتش عنه ومتخفش يا مستر ادهم ان شاء الله الموضوع يعدي علي خير

بعد ساعة تقريبا 

دخل اياد ومعه سلمي وهي ترتدي فستان يكشف عن مفاتن جسمها وتضع المكياج علي وجهها تقدمت مريم اليهم وقالت

- مساء الخير يا فندم معاك مريم و ان شاء الله هنكون في خدمة حضرتك الليلة 

التفت اليها اياد و سرح في جمالها عينها الزرقاء و بشرتها البيضاء و غمازتها التي ظهرت عندما تحدثت ولكن عقله قال بان سلمي احلي منها فقال بهمس  دون قصد