سأظل بجانبك

الفصل الثالث عشر

- وحشتني يا اياد 

التفت اياد الي مصدر الصوت 

- سلمي !

جرت سلمي نحو اياد و احتضنته ولكن لم يبدو علي وجه اياد سوي البرود ثم أبعدها عنه 

- ايه اللي جابك دلوقتي ما كنتي تكمل عروضك بره علئ الأقل الشهرة أهم مني بالنسبالك

لم تقل مريم كلمة ولكنها وقفت تستمع الي الحوار الدائر بينهم

سلمي بدموع تماسيح 

- يا اياد انت فاهمني غلط انا صحيح عملت عروض في إيطاليا بس السبب اللي قلتلهولك في الرسالة اللي سيبتهالك كان حقيقي 

- وانتي فكراني هصدق كلامك 

قالها اياد بغضب و ابتسمت مريم في سرها 

- يا اياد انا خطيبتك و كنت هبقي مراتك 

ثم التفتت الي مريم وقالت بغضب 

-  و كل ده بسببها هي صدقني يا اياد انا عمري ما كدبت عليك مش انت اللي كنت بتقولي أن علاقتنا مبنية علي الصراحة راح فين كل ده 

انفعلت مريم وقالت 

- انتي ايه اللي جابك هنا لو انا فعلا عملت زي ما انتي قلتي كنتي رحتليه و قولتيله لكن انتي بعتيله الرسالة بعد ما سافرتي بتسميه ايه ده لو انتي فعلا بتحبيه مش هتسيبي يوم فرحك و تسافري لو انتي بتحبيه فعلا مش هتسيبيه مهما كان السبب لكن انتي عشان أنانية رحتي و سيبتيه هنا لوحده لكن دلوقتي انتي مش واقفة قدام الجرسونة اللي شفتيها  اول مرة انا دلوقتي بقيت مراته وانتي استحالة هتكوني مكاني ابدا عشان انتي أساسا متعرفيش معني الحب 

انصدمت سلمي من شجاعتها وأخذت تتوعد لها 

- 24 ساعة 

سلمي بعدم فهم 

- مش فاهمة 

- قدامك 24 ساعة لو أثبتي أن مريم عملت فعلا زي ما انتي ما بتقولي انا اللي بقولك اهو مش هرحمها وانا متأكد أنها معملتش حاجة لكن لو بكره مجبتيش دليل علي الكلام اللي قلتيه ساعتها انا اللي هوريكي مين هو اياد الدالي الحقيقي 

توترت سلمي فكيف ستجد الدليل في يوم واحد فقط اما مريم فأبتسمت لانها تعلم بأنها لن تجد دليل عليها فهي لم تفعل أي شئ لها 

-  طيب يا اياد اللي يريحك يا حبيبي 

ثم أتت وطبعت قبلة علي خده 

فاشعلت نيران الغيرة عند مريم 

ثم خرجت 

*****************************

في مزرعة الدالي 

-احنا هنرجع امتي 

- كلها يومين و نرجع