سأظل بجانبك

الفصل العاشر

- صباح النور يا ولاد 

- صباح النور يا امي 

- صباح النور يا ماما 

ردوا عليها اياد و مريم 

- ايه يا حبيبي انت مش رايح الشغل ؟ 

- لا يا امي عشان تعبان شوية 

- تعبان ؟ طب اطلبلك دكتور ؟ 

- لا يا امي ما هي مريم عملت الواجب و زيادة

ابتسمت صفاء و خجلت مريم 

- اقعدي افطري يا بنتي لقيتك صحيتي متأخر خليت علية هي اللي عملته 

- بس يا ماما اياد لازم ياكل شوربة عشان ميتعبش تاني 

- طب استني اخلي علية تعملهاله 

ردت عليها بسرعة

- لا لا انا اللي هعملهاله 

ثم همست في اذن صفاء 

- اي حاجة تخصه انا اللي هعملهاله انتي نستي ولا ايه يا ماما 

ضحكت صفاء و قالت 

- روحي يا بنتي 

اياد اندهش من ضحكة امه وقال 

- هي قالتلك ايه ؟ 

- لا متخدش في بالك حاجة بيني و ما بينها 

جاءت مريم وهي تحمل طبق به شوربة ساخنة

- اتفضل بالهنا والشفا

- لا مش عايز 

- ايه اللي هو مش عايز دي عشان متتعبش تاني 

- ااوف ماشي 

بدأ اياد بالاكل وصفاء و مريم يبتسمون 

- اياد انا  عاوزة انا و حبيبة نروح المزرعة نغير فيها جو 

- طيب يا ماما شوفي هتروحي امتي و السواق هيكون موجود 

صفاء ابتسمت لانها حققت مبتغاها من ذهابها الي المزرعة وهي ان يبقي مع مريم لوحده في القصر

- طيب هي حبيبة راحت المحاضرة من بدري  انا هعدي عليها و نروح انهاردة 

- تمام

- وانا هقول لاحمد يبات عند صاحبه 

- تمام انا هجهز نفسي واحضر شنطتي

- استني يا ماما هساعدك 

*************************************

في ميلانو.ايطاليا 

- يعني ايه ما اقدرش انزل بعد بكره 

- يعني حضترك ماضية عقد معانا و مينفعش تنزلي الا بعد شهر

- بقولك عندي ظروف مهمة في مصر وانت تقولي عقد ولا مش عقد انا لازم انزل 

- تمام تقدري تنزلي مصر بس ادفعي الشرط الجزائي الاول