سأظل بجانبك

الفصل الرابع

- انتي ؟ 

- انت ؟ 

صفاء بذهول : انتو تعرفو بعض قبل كده 

بنفس الوقت : اه 

- اتقابلتو فين ؟ 

- قابلتها يا ماما في المطعم و تخيلي دلقت العصير علي فستان سلمي 

- بجد ! الله ينور عليكي يا مريم 

ابتسمت مريم وحاولت ان تكتم ضحكتها 

- الله ينور عليها ؟  بقولك يا ماما دلقت العصير علي فستانها وتقولي الله ينور عليها 

- وانت مكبر الموضوع ليه يا اياد اكيد مش قصدها وبعدين سلمي شايفة نفسها تقدر تجيب غيره 

- انا اعتذرت منها كذا مرة يا استاذ انت ومش معني انها مشهورة انها تفتري عليا 

- شفتي في الاخر هتبقي ايه من عملتك حتي خدامة عندي 

- ايااااد صفاء قالتها بصريخ 

دمعت عين مريم و كانت تود ان ترحل من هنا ولكن حاجتها للمال من اجل اخيها بقت للتتحمل الاهانة 

- اعتذرلها حالا انت صحيح رجل اعمال والليدر في السوق لكن بعد كل ده متنساش اني امك البنت مغلططش في حاجة وسلمي عارفة كويس اوي انها تقدر تجيب غير الفستان اللي كانت لبساه و مش بعيد كمان انت اللي خليتها تترفد وكل ده عشان خاطر الست هانم 

مريم هتخدمني هنا بس عشان مش هي خدامة لا هي زي حبيبة بالضبط سامعني ؟ 

- اللي تشوفيه يا ماما عن اذنك 

- استني هنا انا مش بكلمك اعتذرلها حالا

- انا اسف مع السلامة 

ذهب اياد وهو يتوعد لمريم باشد العقاب فوالدته لم تصرخ عليه هكذا من قبل ولكن لم ينكر الشعور بداخله بانه سوف يراها في المنزل ولكن حبه لسلمي سيطر عليه 

*****************

استوديو****

كانت سلمي تصور اعلان جديد حتي جاءها اتصال من اياد 

- ايه يا حبيبي ؟ 

- سلمي تعالي عندي في الشركة وحشتيني اوي 

- اياد انا عندي تصوير مينفعش اسيبه 

- سلمي انا بقولك عشان خاطري الغي التصوير وتعالي عايزك 

- يا اياد مينفعش ده شغلي و مقدرش اسيبه 

- خلاص يا سلمي انتي حرة 

- طب اوعدك اخلص الشوت ده واجيلك 

- لا خليكي خلاص سلام 

- باي يا روحي 

-يلا يا سلمي التصوير

- حاضر جاية 

***************