سأظل بجانبك

الفصل الخامس

في قصر اياد 

- السلام عليكم يا ماما

- وعليكم السلام يا مريم برافو عليكي معادك مضبوط 

- شكرا يا ماما تحبي احضر فطار 

- اه يا حبيبتي عقبال ما اقول لعلية تصحي اياد

ذهبت علية لتوقظ اياد 

- اياد باشا صفاء هانم بتلغ حضرتك تنزل عشان الفطار

- روحي يا علية اعمليلي قهوة عشان مصدع عقبال ما اخج شاور و انزل 

- حاضر يا باشا 

******************

في المطبخ 

- انا خلاص يا ماما حضرت الفطار احطه علي السفرة 

- لا يا حبيبتي انا هقول لعلية 

- صباح الخير علي الناس الحلوين 

- صباح النور يا حبيبة 

- انتي قولتي اسمك ايه ؟ 

- مريم 

ابتسمت حبيبة 

- بقولك ايه ما تيجي نخرج انهاردة سوا نشتري شوية حاجات 

- بس مش هينفع انا 

قاطعتها صفاء

- روحي يا بنتي معاها غيري جو 

قبلت مريم جبهة صفاء 

- ربنا يخليكي ليا يا رب 

- امين خدي مج القهوة ده طلعيه لاياد عشان علية هتحط الاكل 

- حاضر يا ماما 

غادرت مريم بالقهوة 

- اتحجي بالقهوة يا صفصف اتحججي 

- بس يا بت ما هي علية هتحط الاكل مفيش غير مريم اللي تطلعها 

- عليا برضو ما انتي اللي خليتي علية تحط الاكل عشان مريم تروح لاياد 

قرصت صفاء يد حبيبة 

- امشي انجري قدامي علي الاكل 

- طيب متزقيش يا صفصف 

******************

في غرفة اياد

خبطت مريم علي الباب لكن لم تستمع لرد خبطت مرة اخري ثم دخلت 

- استاذ اياد ...استاذ اياد 

لم يستمع اياد اليها بسبب صوت المياه 

- انا هحطله القهوة هنا و امشي 

كانت مريم تخرج ولكن فتح باب الحمام وخرج اياد بمنشفة حوله فقط 

- انتي بتعملي ايه هنا ؟ 

جحظت عين مريم من المفاجأة وكاد فمها سيقع اخذت تتفحصه من فوق الي تحت