#ادمنت_مدمن_مخدرات
المقدمة💓
ابطال الرواية
قصي - م 89 امه سيبت بوه من لما كان هوا 5 سنين وبوه حرمه من امه طول عمره لا شافها ولا يعرف عليها شي, عاش طفولة متشرده ورافق رفاق السوء ودار هلبا حاجات في سن المراهقة.
شخصيتة عصبي 😡 وقاصي يعني لا رحمه من اللي صارله والمجتمع اللي عاش فيه😌✋موصفات عيونه سود مثل الليل 😍 😍 طويل وعنده عضلات ولحية خفيفه 😍
عنده اخت كبيره متزوجه وبصغارها, نجلاء م80 تسكن بعيد عليهم ومتجيهمش ديمه مره في الشهر بالكتير وعنده اخت اصغر, سحر م2001 منه قاعده مراهقة تعاند في بوهم كبير هلبا في السن ومريض وقاعده تقرا.
ريان - 1997بنت حلومه هلبا وطيبه, شاطره في قرايتها ومتحبش المشاكل ديمه في حالها, مدلعة هلها .
شعرها كستنائي 😍 عيونها بني فاتح شوي طولها متوسكه 😍 وطيبه هلبا
خوها يوسف م 1999 - طفولته عاشها قريب من اخته هلبا وهيا كانت اول صديق طفوله تعرف عليه وكبرو يحكو لبعض في كل شي ومافيش واحد يرضا في التاني حاجه.
امهم متوفية, بوهم ناصر ومرت بوهم فتحيه تعاملش في ريان كويس وكان تلقا تفتك منها اليوم قبل غدوا
الصبح
فتحيه: انتي يا بنت نوضي
ريان: ساعه خمسه توا مزال الجامعة
فتحيه: هه من أمتي نوض فيك ع خاطر الجامعة انا, نوضي ضمي الحوش قبل تممشي لجامعة مش خدامة امكم انا
ريان: الا امي رد بالك تجبدي سيرتها ع لسانك
فتحيه: ت نوضي ضمي ولا تبي نقول ل بوك يبطلك من قرايتك😡
ريان:لا نضت
نضت ضميت الحوش وانا خلاص نبي نرقد طول ليل ساهره نقرا.
تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ
ريان: روحت من الجامعة درت الغدي وكليت في المطبخ وخليت ل يوسف لما يروح وركبت داري نقرا ...شوي وجاني باتي ...
باتي: ريونه
ريان: خش ف الموضوع
باتي: ف واحد يبي..
ريان: لا
باتي:مكملتش كلامي انا
ريان: نعرف عريس وانا مانبيش😪
باتي: علاش ي ريان فكري فيها تديري حوش بروحكك و
ريان بدت تبكي: لاااا لاالا منبيشش انتم تبو تفتكوو مني متبونيشش معاكمم تبو تلزوني من الحوش لاول راجل يدق الباب لاااا منبييشش سيبوني بروحي😭😭
وخشت للحمام وصكرت ع روحها
جت فتحية : ها شن خيرها موافقتشش
ناصر: خليها توا نتاقشو معاها في الليل
فتحية حمقت: خل توا انا نكلمها😡
ناصر: لا خليها توا بروحها شويه طالع انا مشوار
فتحية نزلت معاه سلمت عليه وصكرت الباب وركبت لريان لقتها مقعمزه في دارها
فتحية: حتوافقي عليه هالمره هادي فاهمة😡
ريان: وافقي عليه انتي
فتحية: ي قليلة الادب ورمت عليها شنطة المكياج فيها بودره بس كسرتها
ريان: ي ربي ماعندي كان هيا علاش كسرتيها 😭ودموع في عيونها..لو سمحتي اطلعي من غرفتي
فتحية جتها وشدتها من شعرها..: حتوافقي تبي ولا متبيش انا مليت من وجهك كل يوم ومشاركتني في كل شي خليني نتنفس شوي وتحشمي ع وجهك محد يبيك في هدا الحوش فهمتي ولا؟؟ حتي بوك يبيك توافقي افهميها ي غبيه حتي هوا ميبيكش ومضايقتنا غر ساكت قدامك بس
ريان قعدت تبكي ودفتها لين طاحت
فتحية: لالا انتي امك مش مربياتك وتزودلها عطاتها كف ولوحتها علي السرير وطلعت, انضرب ريان ظهرها ع الحديده💔.
قعدت تتوجع وتبكي ومر عليها شريط ذكريات وتذكرت اخر مره شافت فيها امها واخر مره حضنتها وحست بشعور الحنان اللي انحرمت منه من اليوم اللي توفت فيه.
فجاءه قطع تفكيرها شخص خش للغرفه مصدوم من منظرها.
يوسف: ريان وجا يجري حضنها
ريان زادت تبكي
يوسف خاف: ريان خيرك شن صار في حد كلمك ولا دارلك حاجه؟؟
ريان سكتت قعدت متشبكه فيه بقوه
يوسف: ريان خيرك تبكي ي ريان قولي حاجه كلماتك هديك غر قوليلي بس😡
ريان: مكلمني حد😢
يوسف: به خيرك تبكي ريان راك تكدبي عليا
ريان: تذكرت امي💔
يوسف سكت وقعد يشبحلها
ريان قعدت تبكي..: نبي امي ي يوسف جيبلي امي😭
يوسف ضمها ليه وقعد يهدي فيها
"...آلُِلهـ يرحمــــــــــــهـآ"
فات اسبوع وريان تمشي وتجي للجامعة..
العشية
كانت مقعمزه تقرا خش باتها ووقف ع الباب يشبحلها
ريان حست بيه بس مبتش تشبحله ودارت روحها مركزه في الذكره وملاحظاتاش
وخر باتها وجا بيطلع
ريان: باتي
ناصر شبحلها: نعم
ريان شبحتله ودموع في عيونها: موافقه
ناصر شبحلها زين مش يتاكد, وفرح !
ناصر: بنتي انتي عارفه هادا لمصلحتك مش تبدي حياتك انتي واتديري عيله خاصة بيك..خير ماعايشه بروحك اهنا يوسف مش حيقعد ديمه معاك حتي هوا بيكبر ويتزوج ويسيب الحوش
ريان دارت روحها تبي تقرا ومعطتش ردة فعل ع اللي قاله باتها
ـًًـًًـًـ
ـًًـًًـًـ
ـًًـًًـًـ
في الليل تعشت وركبت دارها تقرا
خش يوسف وقعمز تعشا مع بوه وحكاله بوه ع العريس وانه موافقين وكل شي
يوسف: ما شاءالله وانا اخر من يعلم ولا
ناصر: ريان امبكري قتلي موافقه والناس يستنو فينا يبو كلمة رسميه
يوسف: وانا مش موافق وينها ريان
وركب فوق لغ♥̨̥̬̩رفة ريان
لقاها منسجمه مقعمزه تقرا وتكتب ملاحظتش وجوده
يوسف: ريان
ريان شبحتله: يوسف تفضل خش
يوسف خش قعمز: ريان بنكلمك حقا اللي قالهلي باتي
ريان نزلت راسها: اها حقا
يوسف شبحلها زين: وانتي موافقه متاكده؟ محد جبرك ي ريان قولي ؟ ومش تبي تكملي قرايتك قبل؟
ريان سكتت وتشبح لوطه للمذكره وبعدين شبحت ل يوسف تاملاتهه ونهدت: اي موافقة وشبحت للمذكره بسرعه قبل مايشوف دموعها.
يوسف شبحلها لاحظ عليها نظرات الاستسلام وخيبة الامل
كملت ريان: نبي نطلع من هادا الحوش مليت..نبي راحة شويه ونبي نقعد بروحي بلكي هكي نفتك شويه من همومي والمشاكل المليانه الحوش
يوسف: ريان ! متقوليليش تبي تتزوجي ع سبب اهوا؟ 😳اسمعي ريا..
ريان: لا ي يوسف انا اقتنعت وخديت قراري ارجوك متحاوليش تقنعني لان كان نقعد في هادا الحوش احتمال نموت وقرايتي نفشل فيها ارجوك وقعدت تشبحله وعيونها يلمعو من الدموع
قطعت قلب يوسف وضمها ليه بقوه ومعش يبي يطلقها وقعد واجعاته اخته وميقدر يدير شي..
✨تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ✨
كملو اهل العريس التجهيزات وطلبو يستعجلو في العرس
وكمل كل شي بسرعه وجا يوم العرس
لبست ريان الابيض وهيا مش شاعره بطعمته
وهيا تبي امها تحضر معاها هاللحظه وتنصحها وتقعد معاها في يوم زي هكك💔
ريان معندها حد غر صاحبات تعرفت عليهن في الجامعه..
مجرد صديقات مش خوات..
صداقتهم عاديه.. صديقات بالاسم بس..
ويوسف..
بوها مش مهتم بيها بكل وميسالش عليها الا في موضوع مهم ولا ميكلمهاش بكل
يوسف هوا بوها وخوها وصاحبها وكل شي
مودة: مبروك ي عروسه طالعه تهبلي ريونة😍😭
ريان شبحتلها وابتسمت بلا نية
جن السيارات ورفعوها لحوش العريس
الناس فرحانه وتزغرط ومدايره جو في عرسها..
وهيا اللي عرسها ومش حاسه بيه تبي تروح للحوش..
حوشهم متاع زمان وين ماكانت امها عايشه..
ريان: ي ريان راك تبكي فكك انتي فكرتي خلاص تحملي قراراتك😭
جتها فتحية: ابتسمي شويه حشمتينا منظرك تقول ميتلها حد
ريان: خطيني اصلا كله بسببك😭
شويه وقالو العريس جا
ريان حست روحها بيغمي عليها وقلبها قعد يدق بسرعه خافت من سرعت النبض مرات يوقف فجاءه!
هيا قاعده مشافتش عريسها هادا..😳
؟؟
من هوا؟ وشن شكله؟ ومن يكون؟
بلكي لان كل شي صار بسرعه ملقتش وقت مش تفكر فيه
وكان منتحملاش..
وكان منعجباش..
وكان وكان وكان...
غاصت في بحر من الافكار والاسئله اللي قطعها زغاريط النساوين ع خشة العريس
هدا هوا العريس !
هادا اللي بنيت عليه احلام..
وهادا اللي بيغير حياتي للافضل وبيعوضني ع اللي عشته في الماضي..
هادا هوا واقف قدامي..
عيوني وعيونه تلاقت واهو حسيت بيه واقف جنبي وشدلي ايدي..
جسمي فجاءه قعد يحرق فيا..
حسيت بحراره غريبه انشعلت داخلي..
ي ربي خايفه يحس بيا وبتوتري
فجاءه المخلوق اللي واقف جنبي تكلم
قصي: هيا نمشوو
ريان:...
يتبع
