ادمنت مدمن مخدرات

الحلقة 4

#ادمنت_مدمن_مخدرات
🌹 حلقةة 4  🌹
‎سحر فهمت ع طول: صار متغيرش😔
‎ريان: عفوا مفهمتش شن تقصدي?
‎سحر: خل نحكيلك..خوي كان بتعلق بامي هلبا
‎اكتر منا انا ونجلاء مش حتصدقي وامي كاينه
‎ديمه معاها وهي متعلقه فيه بس بوي يديرلنا في
‎هلبا مشاكل زمان ويضرب في امي💔 وقصي
‎كاين يبكي لما يشوف في امي تبكي لين جانا
‎اليوم المشئوم لقينه ماما هاربة وطالبة
‎الطلاق..كانت اصعب فترات حياتي كلنا نبكو
‎ونترجو فيها متسيبناش الا نجلاء كانت كبيره
‎وواعيه وحست هادا انسب حل لامها مكانها مش
‎مع باتي..فاتت فتره ومشاكل وتطلقو باتي وامي
‎وخدت حاجاتها كلهن من الحوش وسيبتنا قعدنا
‎مع بوي كنا صغار هلبا مش فاهمين شي غر انه
‎امنا بتسيبنا..هربت مع واحد واحنا قاطعنا
‎خوالي..قصي قعد يبكي هلبا وماما حاولت
‎تاخده معاها قبل لاتمشي لاكن بوي قال لا
‎ومخلهاش وهددها وكل شي...المهم منحكيلكش
‎قعدنا نوضو من النوم نبكيو ونرقدوا واحنا نبكو
‎لين تعودنا ع الوضع ورحنا عادي
‎الا..قصي..قصي كل يوم احرف من اليوم اللي
‎قبله ومايبي يكلم حد وراح يكرهنا بشكل رهيب
‎وفي الليل يحلم وينادي في امي😔...كان هيل
‎ويتأثر هلبا تعبت نجلاء هلبا هيا اللي دارتله كل
‎شي وحتي لما بدت المدرسه قعد انطوائي ومش
‎مصاحب حد لين فجاءه الكل عرف بقصتنا وانه
‎امنا سيبتنا وقاعدين بلا ام ف في صغار هزو
‎علينا وقعدو يضحكو انا ونجلاء معدلناش ودرنا
‎اللي علينا لاكن قصي زاد كره امي وكره روحه
‎ والناس وراح شيطان لدرجة كل يوم استداع
‎ولي الامر ضارب فلان وساب فلان وراح قصي
‎جديد مش قصي خوي الشاطر في قرايته
‎بكل..خالط شلة اعود بالله في المدرسه وديمه
‎مشاكل هوا وياهم وبوي يعارك فيه ديمه لين قعد
‎مرات يضرب فيه قدامنا😞..تطورت الحاله وقعد
‎يصاحب فيهم حتي بعد المدرسه ويطلعو جميع
‎ويروح يدير عركة مع بوي ويرقد وتكرر الروتين
‎وبوي مرض وقعد تعبان معش عنده جهد فتره و
‎تزوجت نجلاء وطلعت من الحوش وقعدت انا
‎نعاند في بوي وقصي مش هامه شي يطلع
‎ويجي في اي وقت يادوب يجيب دواء وماكله
‎يعني منقعمزوش ديمه ونهدرزو زي الخوت
‎لالا..ف نجلاء قالت نزوجوه بلكي يتغير..خوي
‎كويس لاكن صاحب الاشخاص الغلط وظروف
‎غيراته لانسان عصبي وديمه يتعفلق ومطنش..
‎ريان في خاطرها ومحشش ومتاع سكير ومخدرات ووو
‎سحر: تعرفي ي ريان مش عارفه شن نقول
‎حسني تاثرت😭, هلبا حاجات صارت بس
‎منبيش نكتر عليك ولا انا نبي نحكي فيهن
‎ريان: تحكي جديات انتي😭
‎سحر: اي اسفه شكلك تاثرتي لاكن قلت لازم تعرف
‎ريان في خاطرها ي ناري مر بالحاجات هذين كلهن💔
‎ريان تاثرت هلبا باللي سمعاته وشفقت ع قصي
‎امهم سيبتهم وهوا صغير وهوا محتاجها في
‎اكتر فترات حياته ومعنده حد ووو حيي نفس
‎قصتي امي سيبتنا حتي هي لاكن السبب
‎يختلف بس الله يرحمها💔 لاكن انا حتي تاترث
‎لما سيبتنا وقعدت فاقده شي عندي فراغ ماحد
‎قدر يعبيه😞 وكرهت حياتي من لما الافعي هديك خشت حوشنا
‎ريان وحي شكلها متعرفش انه يسكر ويحشش
‎ومش عارف شن ياخد😳 لالا مش حنقوللها وانا
‎بنغيره وبنرجعه لطبيعته ومش ضروري يعرفوا هما💖
‎سحر: ارجوك ساعدي خوي خليه يرجعلنا زي
‎قبل بوي مريض ومش مدوره ولا يسال وبوي
‎وجعاته زي ماواجعتني انا حالة بوي
‎ريان: ان شاءالله حندير اللي عليا
‎سحر: شكرا هلبا😍
‎ريان: عفوا
‎سحر: اكيد قريب يجي قصي اتنوضي نديرو غدا
‎ريان: هي😊
‎ناضن للمطبخ وقعدن يطيبن في غدا وريان حولت الجاكه
‎روح قصي ركب طول لحوشه لقا ريان مهناش غير ملابسه ونزل
‎يسمع في ضحك وهدرزة في المطبخ خشلهن لقا
‎سحر اتدير في سلاطه وريان محوله وشاجها
‎وجاكتها وواقفه ع الطنجرة
‎قصي: ريان😐
‎ريان التفتت محستش بيه جا
‎ريان: نعم
‎قصي شبح لقا سحر تشبحلهم متكلمش: تعالي
‎نبيك فوق
‎ريان ارتبكت بسس حطت الكاشيك وركبت معاه
‎قصي: شن قتلك انا😠
‎ريان: به خيرك حامق اعصابك ياخي
‎قصي: متفهميش انتي متفهميش ولا شني
‎ريان: شني؟؟؟
‎قصي: شوفي منظرك😒😒
‎ريان: اها قصدك ع هدا ت منظري عادي شن قالولك
‎قصي شبح لقا اوشحه معلقه خدا واحد ولفه
‎لريان ع سريع وريان مصدومه😳
‎قصي: توا انزلي نبي نرقد ولو ننزل نلقاك
‎محولاته تعرفي شن يصير انتي
‎ريان: افف وفتحت الباب ونزلت
‎سحر شبحتلها وشاحها مش مسواي بكل
‎سحر: خير ان شاءالله😂
‎ريان حولاته ورجعت تواسي فيه
‎ريان: خوك حالة😡
‎سحر: نعرف😂
‎تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ✨✨
‎حطوا الغدا وناض بو قصي قاعد في داره
‎مريض حطوله غدا
‎ريان: اكيد قصي ناض خل نرفعله ونجيك ناكل معاك
‎سحر: هي ارفعيله وتعالي نستنا فيك
‎ريان: به
‎خدت الصفرة وركبت بيها لقت قصي كيف طالع
‎من الحمام غاسل وجهه
‎ريان: الغدا وين نحطهلك
‎قصي: حطي في الصاله
‎ريان حطت الصفرة وجت بتنزل
‎قصي: وين
‎ريان: بنتغدا
‎قصي: به انتلفي
‎ريان:😒😒😒
‎نزلت ريان وقعمز قصي بيتغدا
‎جاه اتصال جمال
‎قصي: ها بردر
‎جمال: شن جو حبي
‎قصي: اهو وانت
‎جمال: في تكسبده الليلة تجي
‎قصي: تكسيدة شنو
‎جمال: وحدات 😍فيها جو ي ربردر
‎قصي: نجي ليش منجيش بتجي جماعة
‎جمال: ايي كلهم وحقا اليوم قريب طردو مراد من عمله
‎قصي: علاش😳
‎جمال: سمعو عليه يتاجر وهكك لاكن مش عارف
‎كيف كدب عليهم وصدقوه منطردش
‎قصي: فالح خونا احنا توا دور علينا لازم نتبهوا
‎جمال: ايي منور عليها هي سلام
‎قصي: سلام
‎قصي كاين تعبان كلا شوية من الرز واتكى ع الصوفي
‎قصي: وينها هدي بنطلع
‎ناض حول الصفرة للمطبخ ولبس جاكيته ع ركبة ريان
‎😒قصي: جيتي واخيرا
‎ريان: بنجيب عصير علاش؟
‎لقاته لابس وماشط وواتي بيطلع
‎قصي: طالع
‎ريان: وبتسيبني😞
‎قصي انصدم شبحلها لقاها زعلت وتشبحله 😳
‎قصي: شن بنسيبك سحر معاك مش بروحك
‎انتي
‎ريان: نبيك انت انا
‎قصي:😳😑 نسيب اعمالي ونقعد ماد وجهي
‎بحداك ولا
‎ريان: اعمالك ياي😒
‎قصي: هي سلامات
‎ريان: به متعطلش
‎قصي: خطيني ازح😒 وطلع
‎ريان: 💔💔
‎نزلت ريان زعلانه وكملت اليوم مع سحر وهيا
‎معندهاش جو وتفكر في قصي
‎في الليل
‎ريان: اكيد قصي قريب يروح خليني نركب انا
‎سحر: به حبيبتي والله غيرتيلي جوي اليوم💘
‎ريان: انتي اللي غيرتيلي جوي حبي ههههههه
‎سحر: خلاص اركي لراجلك هي وتعالي غدوا
‎ريان: ان شاءالله هي وسلمت عليها وركبت
‎لبست توتة وفتحت شعرها وقعمزت في دارها
‎تستنا شوي قعدت سارحه تفكر
‎ريان علاش كلهم يكرهوني انا مش دايره شي
‎لحد حرام عليهم ,محد مدايرلي اعتبار ولا حد
‎يدور انا خلاص مليت من روحي وانا بروحي
‎كرهتها نفسي 💔مفيش حاجة اسقمت معاي لا
‎راجل لا بو لا قراية لا شي مابعد ماسيبتني امي
‎وانا انقلبت اموري كنت متعلقه بيها
‎هلبا استااااااحشتها😭😭 الله يرحمك
‎يا امي والله محتاااجاااتك معاي اكتر من اي
‎حد وقعدت تبكي بالعبره ع خشة قصي
‎قصي:
‎ريان رفعت راسها😳
‎..يتبع