#ادمنت_مدمن_مخدرات
🌹. الحلقة 18🌹
جاته سحر تجري
: طمني ي دكتور 😭😭
جا يوسف وشبح للدكتور يقرا في الكلام من وجه قبل مايطلع من فمه
الدكتور: ان لله وان اليه راجعون عظم الله اجركم
سحر: 😳
يوسف جاها شدها قبل لاتنهار
يوسف: سحر تعالي قعمزي
سحر خشت في صدمة قلبها توقف راح بارد مبكتش
بعد ربع ساعه وصل قصي للمستشفي
خش يجري وريان قاعده ورآه تحاول تلحق عليه
قصي خش للإسعافات لقا سحر ويوسف مقعمزين
قصي جاها يجري وسحر لما شافت قصي زي اللي استوعبت قعدت تبكي وناضت تجري حضناته
سحر: بووي ي قصي بووي عدا
قصي حضن اخته بقوة من فتره طويلة وقعد يبكي معاها
في هدي اللحظة جت ريان داهشة وشبحتهم ضامين بعض فهمت كل شي
ريان: عمي مات💔
ويوسف كاين واقف علي الجهة التانية ومش عارف شن يدير
قصي ناض وخش للغرفة
ريان جت لسحر وضمتها وقعدت تبكي
قصي: بوي وينه يادكتور شن حاله؟
الدكتور: حضرتك خو المدام اللي برا؟
قصي: ايه ايه خوها أرجوك ارفعني لبوي
الدكتور: ربي يصبركم توا ممنوع تخشله
قصي: ت نقوله نبي نشوفه شن ممنوع ماممنوع
الدكتور: والله منقدر ممنوع لين ينحط في غرفة
قصي سيب الدكتور ومشي يدور ويخش لكل غرفة ويطلع
لين اخر سرير في المرر شاف بوه حاطينله خيوط في خشمه وعلي صدره وبالسيف مش عرف هادا بوه!
متغير ضاعف وشعره طاح ووجه شاحب
قصي: بوي😳
قصي أنصدم وقلبه غم عليه
تمنى يطلع مش من الدار نفسها... لا من المستشفي مره وحده!
متحملش تأنيب الضمير لما شاف بوه
كره روحه وحياته وكل شي كل شي بعده ووقف بينه وبين بوه
" بوي علاش معشتش واستنيتني راني بست إيدك وسامحتني ي بوي ليش والله مستاحشك هلبا انا وي كان عقلي بس ي ربي اخخ ي بوي..😭"
طلع قصي من الغرفة حامق ومقهور بيموت لقا ريان واقفه برا
ريان شبحتله ودموع علي عيونها
قصي شبحلها بعدين مر من جنبها وطلع من المستشفي
ركب سيارته شد تاليفونه واتصل ب شخص
رحاب: آلو !
قصي: انا روحت اليوم تعالي
رحاب: وين؟
قصي: ل@؟٨؛
رحاب: به جاية😉
قصي صكر ولوح التاليفون وزاد في السرعة
.
.
.
يوسف: سحر خلاص نوضي نروحو
سحر: مستحيل ً نروح بلا بوي ي يوسف😭
يوسف: الله يرحمه
جت ريان: مشفتوش قصي وين مشي؟
يوسف: طلع
ريان شبحت لسحر: ي حبيبتي خلاص معش تبكي ي سحر عمري
روحوا للحوش دارو خيمة والعشية جتهم الجتة
سحر قلبت الدنيا ونجلاء تبكي وريان تهدي فيهن
يوسف يستقبل في الناس برا والدنيا تقول وين قصي يبو يعزوه ويوسف مش عارف شن يقول هوا بروحه ميعرفش
جن صاحبات ريان وصاحبات نجلاء وجيرانهم
أقاربهم اللي في المزرعه جو حتي هما
الحوش كان مليان وزحمة وريان ملاحظتش غياب قصي تحسابه برا قاعد
جتها رسالة من يوسف " اطلعي للحديقه نبيك"
طلعت ريان لقت يوسف واقف
يوسف ت وين راجلك الدنيا تدوي عليه
ريان:😳 نحسابه قاعد برا انا
يوسف: لا مهناش حتي في عزا بوه دايح
ريان انصدمت خشت داخل خدت نقالها اتصلت بيه
رحاب: حبيبي نقالك يرن
قصي: فوتي مش مهم
رحاب: باهي حبيبي😻
ريان: رد يا قصي وينك رد
طلعت ريان لقت يوسف ومن وجهها فهم يوسف الاجابه ف طلع برا للرجالة
سحر: يا بووي علاش مشيت سيبني تعرف انا معندي حد في هالدنيا غيرك ت من قعدلي بعدك ي بوي😭😭
نجلاء: شن الكلام هادا ي سحر خيرك خلاص😭
جت ريان توزع في حليب وتمر والجارات يهدرزن وعادي وهيا تحرق
روحوا الناس وفضى الحوش شوية
لاكن الجيران والأقرباء قعدوا بوقت متاخر
سحر من البكا رقدت
يوسف روح..
نجلاء قعمزت تساير في اللي قاعدين مقعمزين
وريان مقعمزه معاها وكل شوي تشبح للساعة
ريان: انا نستأذن بنركب لحوشي
ركبت ريان وقعدت تراجي في قصي
ريان: زعمه وين مشي وشن يدير ي ربي😭
تاخر الوقت هلبا خشت ريان لدارها وع أساس بترقد
سمعت صوت الباب انفتح
طلعت تجري تلقاه قصي
ريان: قصي! وين كنت اتصلت بيك
قصي سكت وخش لداره
ريان: هييي لا خير منظره هكي لالالا ي ربي ميكونش رجع لعادته
ريان قعمزت تبكي وخافت مقدرتش تكلمه رجعت رقدت
الصبح ناضت ريان رأسها صداع من اللي صار امس
طلعت ملقت حد في الحوش - قصي طلع!
ريان غسلت وجهها ونزلت لوطه
دارو فطور فطرت هيا وشوية معاها لاكن سحر قالو مصكره علي روحها في الدار
ونجلاء مخاطرهاش
ريان مقعمزه علي أعصابها تفكر في قصي
تحملت تحملت لاكن مقدرتش ناضت طلعت للحديقه واتصلت بيه
مردش عليها
ريان: افف رد رد
عاودت عليه
رحاب: افف خيرها هدي اللصقه نرتاحش منها
قصي طلع من المطبخ: كلمتيني
رحاب شبحتله ودرقت التاليفون
رحاب: اه لالا مكلمتكش
قصي شبح لإيدها: نقالي عندك؟
جا وخداه منها وشافه لقا اتصال فائت من ريان
رحاب وجهها راح احمر
قصي حط نقاله في جيبه: انا طالع
رحاب: وين بتسيبني
قصي: نوضي هي
رحاب: ☺️😏😏
خشت رحاب داخل وقصي طلع نقاله ب يبعت مسج لريان لاكن مسحه بسرعه ورجع نقاله في جيبه
جت رحاب وطلعوا هما الاتنين
رحاب: اشبح شن جبت وطلعت شيشة من شنطتها: تبي نعطيك
قصي ليه هلبا ع الشرب لاكن رحاب مدتله طاسة وكترت بلعاني
قصي خداه منها وشربه كل في مره
رحاب ابتسمت: نزيدك؟
قصي: زيدي
.
.
.
ريان ولت داخل للحوش بعد مافقدت الأمل من قصي
شبحت هكي لقت فتحية مقعمزه
ريان: ووه هادي ليش جت
فتحية جتها: ريان عظم الله أجرك وربي يصبره راجلك
ريان: سلمك ان شاءالله😒
مر اليوم وجو ناس اغلبهم استقبلتهم ريان .. نجلاء تحاول تكلم سحر
ركبت ريان لحوشها فتحت الباب وخشت
اتصل بيها يوسف يطمن عليهم خل نقولو علي سحر ف ريان طمناته عليها
قعمزت شوية يخش قصي
ريان ناضت: قصي اسمعني
قصي: ريان مش الليلة تعبان راني
ريان قربت منه شمت صنه مش كويسه
ريان انصدمت اما قصي ف خش لداره
ريان ي ربي انا ماصدقت تصلح وتعالج علاش بسس 😞😭
ريان قعمزت علي الصالون مقابل داره ومقابل التاليفزيون
وكل تركيزها علي الباب تستنا فيه امتا يطلع
ريان: اففف ناضت وجت بتخش لدارها سمعت صوت
ريان قربت من دار قصي لقتها مردوده شوي والصوت وضح
يتبع
