#ادمنت_مدمن_مخدرات
🌹 حلقةة 5 🌹
طلبتوها الليله ف تفاعلو عليها💓💓
غدوا نطول في الحلقه غر اليوم مفضيتش.
.
.
قصي: اسف غر كنت نبي نغير ملابسي
ريان رفعت راسها ومسحت دموعها حي عليا
زعمه كاين واقف يسمع فيا
ريان: اها خش عادي
خش قصي خدا ملابسه وطلع لدار متاعه
قصي في خاطره معقولة اللي سمعته مش مصدق😳
امها متوفية!
رقدت ريان وقصي قعد يفكر لوقت متاخر
وبعدين رقد
ناضت ريان ونوضت قصي
ريان: قصي نوض
قصي: شن تبي مني
ريان: ارفعني للجامعة
قصي: ت فوتيني بنرقد ساعة 7
ريان: عندي جامعة غر وصلني
قصي: امشي في الحافلة
ريان شبحتله وقلبها هكي💔😔
لبست وطلعت وصكرت الباب وراها
ناض قصي مع ساعة 1 غسل وجهه وخش بيفطر
قصي:مدارتش فطور ازح
دار قهوة وطلع لقا ريان مروحه هيا بس نازلة من
الحافلة وهي والسواق يضحكو واضح عليهم في
حاجة يضحكو عليها وجوهم مليح
نزلت ريان ومشا صاحب الحافلة
قصي: ما شاءالله ما شاءالله جوو مليح انتي وياه شني😒
ريان: ت شن تخرط انت وسيباته بتركب
قصي ضغط يده وغمض عيونه
قصي: معش تمشي معاه!
ريان معدلتش عليه وخشت الحوش
قصي تنرفز من برودة ردة فعلها ولحق عليها
قصي: طيبي غدا
ريان التفتت: مش كنت بتطلع😳
قصي: لا قاعد في الحوش
ريان: اها وخشت غيرت لبست قفطان طويل
رصاصي لاصق ومعاه كمونو (زي جاكه) 😍
قصي قعمز وقعد يشبحلها
ريان فتحت شعرها وشبحتله لقاته يشبحلها
ريان ييه علينا ع شن ناوي هادا اكيد قعاده
اهنا مش حب في وجهي😒
ريان: خير مفيش عمل اليوم
قصي: اجازة😌
ريان: اها ومنكش طالع مع حد
قصي: نبي نرتاح
ريان: اها😕
قصي: حقا من هوا سواقكم هدا؟ شن اسمه😒
ريان اياه اهي فاحت لعبتك تو نوريك تمام😂
ريان: اها سواقنا هدا هههههه راجل دمه خفيف بكل عييت وانا نضحك
قصي حمق وانقهر: 😡اها ت من شكله واضح دمه تقيل زيك
ريان: حقا ترا احلف
قصي: ههه واللهي😎
ريان سيباته وخشت للمطبخ
قصي قعد مقعمز في الصالة ويراقب فيها من
بعيد شوية ومتحملش ناضلها
________
سحر: اي حبيبي شنجوك
كرم: تمام بسماع صوتك يا عيوني
كرم هادا ولدً جارهم
سحر: يا حليلي 💓💓
كرم: منك😍حبيبتي وينك اليوم مش ع أساس بنشوفك
سحر: تأخرت المدرسه مخلت حد يطلع
كرم: كيف هكي تخليني نستنا💔
سحر: اسفه الا زعلك مقدرش عليه😞
كرم: خلاص امالا غدوا نبي نشوفك😉
سحر: باْذن الله تو نشوف😞
كرم: هي حبيبتي صكري توا
طوط طوط طوط
سحر نحبه بس خايفه نخسره لو نرفضله طلب💔
________
متحملش ناضلها
قصي وقف يشبحهلها
ريان اللتفتت: خير صارت حاجة
قصي: لالا شن صار 😕مصار شي
ريان استغربت: ايي؟
قصي: شي كملي شغلك
ريان قعدت تقول خيره هدا مش طبيعي اليوم
قعدت تحوس ومعدلتش عليه
قصي: نبي مكرونة
ريان: مكرونة شني درت فاصوليا انا😓
قصي: وانا قتلك نبي مكرونة😒
ريان: تم😑
دارت ريان طنجرة جديده مكرونة
قصي: كتري فلفل وخضرة
ريان: ييه علينا
قصي: خيرك مش عاجبك😒
ريان: لا مش عليك
قصي: كويس😏
ريان:😒😒
قصي: معش تمشي معاه
ريان: منوو؟
قصي: عارفة مني انتي😑
ريان: اهاااا وقعدت تضحك😂
قصي ارتكب وتنرفز: علاش تضحكي به
ريان: قاعد تفكر في الموضوع قصدك
قصي: لا 😒ومايهمنيش غر منبيش ناس تقول طرطور مخلي مرته😏
ريان: مرتك صار ع اقل خليني نحس بيه مش كلام بس😒
قصي: شن قلتي؟
ريان: مكرونة واتيه😒
قصي جا قعمز ع طاولة المطبخ
وحطت ريان صونية قدامه
قصي: وين الصونية التانية
ريان؟؟😳
قصي: صونيتك؟
ريان: اها تو ناكل انا نبي نقرا قبل
قصي: حتي انا مخاطريش
ريان: 😳😳😳
قصي: قصدي مزال مجعتش تو ناكل بعدين وخلاص
ريان: به براحتك وطلعت خدت كتاباتها واقلامها وقعمزت في الصالة
قصي جا قعمز مقابلها ومقابل التاليفزيون
ريان فتحت كراستها وقعدت تكتب وتخطط ومنسجمة
قصي يراقب فيها ويغير في القنوات
قصي قعد يكح
ريان مبتش تشبحله
قصي رفع حاجبه😐
رفع صوت التاليفزيون
ريان: اخخ نقرا انا😶
قصي: وانا نتفرج هه😏
ريان: به نقص الصوت بتطرشنا
قصي: نحبه هكي انا ديمه😌
ريان: مششكلة حتي لو نمشي للدار قاعد عالي الصوت اف
حاولت ريان تركز لاكن مقدرتش
قصي ابتسم بانتصار😎
ريان: جعت بنوض ناكل
قصي: من شادك😕
ريان تجاهالاته وخشت للمطبخ
قصي دار روحه يتفرج لاكن هوا بروحه حس بصداع الصوت عالي😂
طفا التاليفزيون وناض للمطبخ قصي: حطيلي
ريان: به
حطتله ريان وقعمزو ياكلو
قصي: الحمدلله طالع انا
ريان: به
قصي طلع وريان رجعت تقرا
فجاءه دق الباب ناضت ريان تفتح وتلقاه..
ريان: 😳
يتبع
