#ادمنت_مدمن_مخدرات
🌹. الحلقة 16🌹
طلعت برا للممرات والغرف ملقت حد..
طلعت للحديقة متاع المستشفي لقاته مقعمز برا وسارح في الأجواء
جت وقعمزت جنبه
قصي شبحلها: ريان نضتي وأخيراً
ريان شبحتله وابتسمت: شن اتدير انت اهنا خفت عليك لما نضت وملقيتكش
قصي: جيت نشم في هواء ولما شفتك راقده مبيتش نوضك
ريان ملتفته للطبيعة: يجنن الجو اليوم💓
قصي: ايه
ريان استغربت من نبرة صوته زي الحزين
شبحتله وقالت: متخافيش حتتعالج وتكون احسسن صدقني😌💓
قصي شبحلها وتاملها كيف كلها مليانه تفاءل وايجابية ..
ابتسم مجاملة: هي نخشوا داخل ..
مضوا تلاته ايامً في المستشفي..
قصي بدا في مراحل العلاج والدكتور متابع معاه
رابع يوم روحوا للمزرعه ومحكوش لحد شي
نصحه الدكتور انه يبتعد عن هدا الطريق نهائيا
لانه حالته مش مطمنه..
#قصي
طلعت من المستشفي وحسيت ربي عطاني حياة جديده ويبيلي الخير
قررت نبدأ نغير من روحي ونعطي ريان فرصة
ونريح راسي اهنا في المزرعة شوية وبعدين نروح نحول من الشركة وناخد رضا بوي ونجيبه ونسكنوا اهنا
ونبدأ حياتي من الصفر...ً
قعد كل مايولع دخان يتذكر اللي شبحه في المستشفي وشعور " ع وشك الموت " ينوض يطفيه
وفي الليل يحس في حد ينادي فيه ينوض يتوضأ ويصلي 💓
بدا يتغير وريان لاحظت هالشي
(عرس خلود بعد اسبوع..)
الكل يطلعوا ويجهزوا في كل شي
قصي كل يوم يمشي ويجي علي المستشفي هوا وريان
نجلاء روحت تشوف في بوها وتطمن عليه وبترجع بعد يومين..
خلود: حجزت في الكوفيره وكل شي تمام انا اول وحده سجلت مش بعدين منقعدش متاخره ونطلع في الليل💓
حنين: وانا امبكري مشيت انا وحمزة (خوها) حجزنا في حلويات وحاجات حاره والجو اهوا جبنا اللي في القائمه
خلود: تمام حبيبتي 💓
ريان حست بشوي شعور من الغيره لانه مدارتش
ربعه اللي داراته خلود في عرسها ومفرحتش ربع فرحتها توا..
بس ساهمت طلعت هيا وياها للمحلات وخدت اكسسوارات وحاجات
ريان: خلود هادا بيطلع يجنن عليك ترا تعالي
خلود: الله يهبل يهبل😻
ريان: خودي قيسيه 💓
خلود: كم رقمه؟
ريان: هادا اكبر رقم &£@
خلود: خساره مش رقمي بكل لاكن عجبني تعرفي
ريان: حقا! خسارررره
خلود: بس هادا رقمك انتي ولا جربيه😻
ريان: هههـ لالا متجيش نلبسه وانتي عجبك
خلود: شني😕 ت نوضي قيسيه بلا جو
ريان: هههه به
خشت ريان اتقيس فيه
خلود وقفت برا تستنا فيها شوية وطلعت ريان لابساته💎😻
خلود: لاااا😳 تهبللللللللي حبيت😻❤️
ريان: ههههههـ خلاص ناخده
خلود: مستحيل يطلع عليا احلى منك
ريان: خلاص عاد تبيني نصدق روحي وتشبحي ريان تانيه😂😂
خلود: هههههههه خزي هي قدامي مزال الاكسسوارات والاحذية وو
ريان: اليوم مش حنخلص منك انا😭
خلود: ولا في الأحلام تفكريش😂
.
.
.
سحر: تمام حبيبي مع السلامة
كرم: سلامات
نزلت سحر لوطه لقت نجلاء
سحر: بتطلعي توا للمزرعه؟
نجلاء: ايه عرس خلود الأسبوع الجاي وليا اهنا تلاته ايامً بنرجع
سحر: شن حال ريان وقصي؟
نجلاء: يطلعوا كل يوم يدهورو ويجو 😉
سحر: حي حي فاتني الجوو ههههه
نجلاء: ايه انتي اهنا كل شي تمام ولا بنطلع عبدالله برا
سحر: ايه ايه مافي شي خلاص امشي 😌
نجلاء سلمت عليها وطلعت
مشت سحر قعمزت في الصالون سمعت حد يدق في الباب
سحر: حيي زعمه شن نست هادي؟
ناضت فتحت الباب لقاته يوسف!
سحر: ت انت شكلك حليت الجيه هنا شن تبي بنصكر
يوسف: ت خيرك هكي ي فرخه انتي تدوي..نبي ريان معش اتصلت قلت روحت
سحر: لا مروحتش هي كملت؟ سلامات وصكرت الباب علي وجهه يوسف
يوسف خيرها هدي💔
روح يوسف وسحر خشت حمقت منه..
.
.
.
روحن خلود وريان للحوش، شبحوا قصي واقف برا
خلود: انا خاشة😉
ريان: تمام
مشتله ريان : شن اتدير انت هنا بروحك😂
قصي: هههه كسدت طالعين الشباب
ريان: وعلاش مطلعتش معاهن
قصي: مش عارف قعدت
ريان: اها به انا خاشة
قصي: ريان ديري شاهي وجيبيه في الدار
ريان: به
خش قصي دار دوش وجابتله ريان الشاهي
قصي: طالع انا شوية بنلف
ريان؛ وين؟
قصي: اهنا مش متباعد مليت
ريان: تمام
قصي: ميه ميه طفي الضي
قصي ولع سيارته وطلع يلف شوية..
خشت ريان للحوش تلقا البنات متجمعات وكانو يراقبوا فيها وقصي!
ياسمين: لاا طرررف راجلك ي ريان😭
هديل: انتم متاكدين هوا نفسه قصي اللي يجينا زمان المتشرد الرقيق هداكه؟😂
حنين: هههه ما شاءالله تغير هلبا
ريان: ت خلااص انتي وياها معش عندكن ماتديرو😐
هديل: غارت حييي😂😂😂
ياسمين: عندها الحق الصراحه😂
ريان قعدت تجري وراهنًً وهن يضحكن
خلود: شن صاير تلعبوا من غيري
هديل: محد يلعب تحري ورآنا خايفه علي قوزها😂
خلود: شني مفهمتش ههههه
ريان: فوتي فوتي تعالي خلودي نبيك نبيك
خلود: هههه جيت
في الليل
روح قصي وجاب معاه عشاء من برا..
لقا ريان نايضه خدت العشاء وقعمزوا علي الصفره
قصي كان يأكل شوي ويشبح لريان شوي..
عقله مش مصدق انه يحس بمشاعر تجاهها
شعر ريان قعد يضايق فيها ومقدرتش تاكل
مسكت شعرها وقعدت تربط فيه للورا
قصي قعد سارح فيها وشبح كل شي بالحركة البطيئة ..💓
عيونه محولوش من عليها
بعد كملت ريان شبحتله لقاته يشبحلها
لما التقت عيونهم، خفض قصي نظره
كملو العشاء وناض قصي ارتمي علي الفراش وريان قعمزت علي نقالها لين تاخر الوقت بعدين جن حتي هيا علي حاشية السرير..
الزوز ساكتين متكلم خد لين قطع عليهم صوت نقال قصي...
ريان شبحتله، طلع قصي النقال لقاه
...يتصل
يتبع
