ادمنت مدمن مخدرات

الحلقه17

#ادمنت_مدمن_مخدرات
🌹. الحلقة 17🌹
الزوز ساكتين متكلم خد لين قطع عليهم صوت نقال قصي...
ريان شبحتله، طلع قصي النقال لقاه
...رحاب يتصل
قصي صكر نقاله وحطه تحت الوسادة
ريان: مني؟
قصي: اها لالا مش مهم من الشركة
ريان: اها
قصي التفت علي الجهة التانية
قصي: تصبحي علي خير
ريان: وانت من اهلوو
مرو يومين من تجهيزات العرس
الخميس الجاية العرس واليوم الاتنين
مر هداك اليوم الكل مشغول ولاهي في مش عارف شني
ريان داخل مع البنات وقصي طلع مع ولاد عمه
المهم
العشية موخر تجمعوا العيلة برا في
المزرعه ودارو كيك وشاهي وقعمزوا يهدرزوا
كانت الدنيا مظلمة شوية لاكن الجوو يهبل ومنعش
قعمزوا كلهم يهدرزوا الا ريان ساكتة مقالت شي
وقصي يشبحلها مره مره متاع خيرها ساكتة؟
ضحكوا وهدرزنا وناضوا كلهم كل واحد لحوشه
وريان وقصي لدارهم..
ريان: تصبح علي خير ورقدت علي طول
قصي شكلها تعبانه ولا خيرها مزال بكري اصلا
قعد قصي شوية بعدين رقد
.
.
.
يوم التلاتاء
جو بعض المعازيم وزاد كبر الحوش وزادوا الناس
كلهم لبسوا ومكيجو وحده احلي من التانية💓
وهلبا حاجات بس تسريع الأحداث ...
اللتموا كلهم في الليل ودارو شوط دربوكة👏😂
" و يلي مايعرف جووناا
إجعنه وااخد سوووناا👏👏
جيابين المال رباطي ان شاء الله كرسيهم ماايواطي 👏
جيابين المال حلال ان شاء الله ماايغيبو ع البال 👏👏
احني فلفل و الفلفل مرحي ماانديروش العرس المرخي 👏👏
اش عليه اش عليه 😂😂
اها دي دي اهو اللي يشعل ضي 👏👏 "
______
سحر كاينه مقعمزه في الصالون سمعت بوها يكح في كح غريب
ناضت بسرعه خدت ميه وجرت بيها لدار بوها
سحر خافت عليه وقعدت راقده بجنبه هديك الليلة
يوسف وقتها كاين مقعمز ويفكر في سحر
شاغله باله طول الوقت وميقدرش ينساها
يوسف: معقولة حبيتها ولا عايش في وهم
يوسف رقد من كتر التفكير
تسريع الأحداث
قصي تحسن حاله هلبا والمخدر شبه بيتخلص منه وحتي شخصيته تغيرت بسبب الشي هادا
ريان حايسة في العرس وحصلت رصيد كلمت بيه يوسف
يوسف يفكر ديمه وقرر يصارحها بحبه عن قريب
سحر وكرم يكلموا في بعض كا يوم وتشوف فيه بحكم هوا جارها
يوم العرس
طلعت خلود للكوفيره هيا وريان
وباقي البنات قعدن يجهزن في ارواحهن
خلود خلصت تجهيزاتها مزال ريان💞
دارت تسريحه خفيفة ومكياج خفيف ولبستها الفستان هداكه طلعت تهبل💓
طلعوا من الكوفيره وروحوا للحوش
وتم البنات وكل شي بعدين جن السيارات رفعوا العروس والعيله لأهل العريس
مش حنحكي هلبا علي عرس خلود بس كان احلي ايامً حياتها.
خشت العروس لحوشها وروحوا المعازيم
ريان قعدت شوية وروح بيها قصي بروحهم في السيارة
وصلوا الحوش ملقوا حد كلهم قاعدين في العرس
قصي: مهناك حد
ريان: انا جعانه تعال خش نشوفو حاجة ناكلوها
خشت ريان للمطبخ ولحق عليها قصي
ريان فتحت التلاجة
ريان: في بيتزا؟
قصي: جيبي
سخنت ريان بيتزا وحطت ياكلو
ريان في خاطرها ان شاءالله ملبزش فستاني ب هالبيتزا
ريان: انا شبعت الخمدلله بنوض نغير ونمسح مكياجي
قصي خدا شيشة البيبسي وكمل يأكل
ناضت ريان لدارهم لقت الضي هارب والدار مظلمة شوي حولت التسريحه قبل ماتمسح مكياجها وجت بتحول الفستان مقدرتش..
ريان: واللهي ماهو وقتك قسمبلا بلا جو في المحل تصكر وتفتح عادي
قصي: خيرك تهدرزي مع روحك😂
ريان حيي هادا مش كاين يتسمم
ريان: الفستان حاصله فيه
قصي: ارقدي بيه
ريان: هيئ مصح وجهك شن نرقد بيه😳
قصي: شن مطلوب مني
نعن جد نقوله تعال حولهلي مصح وجهي واك
ريان: تعال ديرهلي
قصي: 😂فهمت تمام
ريان: 😳قصي بلا سماطه
قصي بيضحك: نبصر نبصر تعالي هي
ريان جاته
‎قصي يفتح ف سريته عطرها فاح شوي شعرها حصل
‎ريان: شعري وووه شعري يا حمار شعري اه
‎😂قصي: خيرك
‎ ريان نعنجد خيرك هادا شعري حصل نحيه
‎ قصي قعد يحول ف شعرها ومقرب فمه ع
‎ظهرها وريان تحس بانفاسه ساخنات وجسمها
‎ينوض شوك شعور يهبل وفجاءه حط أيده
‎وباسها ف ضهرها ولفها ليه وقامها وووووووووووووووووووو😂....
مزال اسبوع ريان وقصي مش يروحوا من المزرعة
ريان وقصي تقربوا من بعض هلبا وتحسنت علاقتهم وريان فرحانه ب هالشي 😻
خلود وعريسها سافرو لمصر بعد تلاته ايامً
نجلاء روحت لراجلها ومدرسة صغارها وأقاربهم روحو وسيبو الحوش لريان وقصي الحوش
______
سحر كاينه تكتب في ملاحظات في مذكرتها تسمع بوها يكح تاني كحته مستمرة وعالية
ناضت سحر وهيا نايضه سمعت صوت غريب وفجاءة وقفت الكحة!
سحر ماتت خوف مشت لدار بوها لقاته مغمض عيونه ومفيش حركه
سحر قعدت تبكي وجاته تجري حاولت تنوضه عيطت عيطت ومباش ينوض
فجاءه رِن الجرررس
سحر عياطها على
يوسف سمعها: بِسْم الله شن صاير
فتح الباب لقاه مفتوح خش يوسف يجري يتبع في صوت العياط
لقا سحر شاده بوها وتبكي
سحر: يوسف ساعدني ي يوسف بوووي ي يوسف بووي نوضه😭
يوسف أنصدم : بسرعه خل نرفعوه المستشفي
رفع يوسف بوها ونقله للسيارة
لحقت عليه سحر تبكي وحت بتركب
يوسف شبحلها مشا يجري جاب وشاح وعباية لقاهم معلقات بحدا الباب صكر الحوش وطلع يجري
.
.
.
دخلوه للإسعافات
قصي: سحر شن الجوو
سحر تبكي: بوي ي قصي بوووي تعال بسرعه للمستشفي😭
وقف قلب قصي وحس الدنيا داخت بيه
ريان: قصي! خيره لونك تغير شن صاير الوو قصي
قصي: في اما مستشفي تكلمي!
سحر: مستشفي &@/😭
قصي ناض يجري وركب السيارة
ريان جاته تجري: قصي شن صار
قصي: ريان عندك دقيقه وماشي انا
لبست ريان كندرتها وركبت معاه وطلعوا يجرؤ وريان مش فاهمة حاجة غر انه صارت مشكلة كبيرة!
طلع الدكتور من الإسعافات
جاته سحر تجري
: طمني ي دكتور 😭😭
الدكتور
يتبع