#ادمنت_مدمن_مخدرات
🌹. الحلقة 20 ماقبل الاخيرة 🌹
قصي شدها من شعرها: وتي حاجاتك معش ليك قعده في الحوش😡 ...
بعد ربع ساعة طلعت ريان ودموعها علي خدودها
ركبت السيارة وروح بيها قصي لحوش هلها وروح بعدين هوا
فتحية فتحت الباب
فتحية: هيي شن جابك هنا انتي في هالساعه
ريان قعدت تبكي
فتحية😪
ريان خشت حطت شنطتها وخشت قعمزت
فتحية لحقت عليها: ره مزال مجاوبتينيش؟
ريان: طلقني
فتحية شهقت: كيف شني
قطع عليهم اتصال جاي لريان
ريان استغربت رقم غريب
ريان: الووو من معاي
الراجل: عفوا أسف انتي شن تقربي ل يوسف ال@£!
ريان: انا اخته علاش؟
الراجل: ره دار حادث وتوا في العيانه
ريان: شن تقووول انت اما مستشفي
ناضت ريان تجري نوضت بوها وطلعوا للمستشفي في الليل
الدكتور: حاله استقر فات المرحلة الخطيره ويمكن تروحو بيه غدوا الصبح بس الليله ضروري يقعد ك احتياط
روحوا ريان وبوها ومرت بوها هديك الليله بعد ما طمنهم الدكتور ع يوسف
ريان مشت لدارها وصكرت علي روحها
فتحية مقالت شي وخلتها الصبح لانها كانت نعسانه
كلا ريان قعمزت تبكي وتفكر كم هيا مش محظوظة في كل شي💔
.
.
.
رحاب: شني😳😻 تدوي جديات؟
قصي: ايه
رحاب: بنتجوزو! مش مصدقه به ومرتك؟
قصي: معش تدويلي عليها مفيش مرتي عدت
رحاب: تمام حبيبي😌
قصي صكر عليها الخط درس سيارته ونزل ركب لحوشه
لقاه فاضي مهناك حد🍃
بوه توفى وسحر رفعتها نجلاء وريان!..ريان حتي هيا سيباته.
وكلهم سيبو هداك الحوش بالسبب نفسه - قصي!
قصي فتح شقته وخش شبحلها هادية خش لدار ريان وارتمي علي السرير
عطرها قاعد علي الوسادة
قصي حس راسه تقيل غطّا روحه ورقد
الصبح ناض جسمه تقيل وتعبان
غسل وجهه ولبس
قصي: ريان درتي الفطور جعان؟
خش للمطبخ ملقا حد
قصي تذكر انه طلقها! خدا مفاتيحه وطلع
مشا الشركه
.
.
.
بعد يومين
روح يوسف وحاله باهي تحسن هلبا
ريان في المطبخ دارتلهم فطور واتلم في الحوسه مرت بوها بايره متدير في شي
ريان حست روحها دايخه خلاص ومتحملتش ريحة الدحي متاع الفطور
ريان في خاطرها: لالا مستحيل معقولة نكون..؟😳
ريان معرفتش شن اتدير
جا يوسف يفطر
يوسف: صباح الخير
ريان: أفطر نبيك ترفعني لمكان
يوسف: وين ع صبح؟
ريان: جنابي بنموت منهن نبي نعاين عليهن غر أفطر هيا
مشت ريان تلبس ويوسف سخن السيارة
جت ركبت وطلعوا للمستشفي
يوسف قعد يستنا برا وريان دارت تحليل حمل
الدكتور: مبروك حامل ي مدام
ريان: شني😭لا مستحيل علاش ي ربي
الدكتور: شن قصدك😳
ريان ناضت: شي بارك الله فيك
طلعت ريان
يوسف: ها شن قالك
ريان: نقولك في السيارة بالله طلعني من هنا
يوسف استغرب طلعوا من المستشفي وروحو للحوش
ريان محكتش هديك الليله سكتت لين تتاكد
.
.
خش قصي الشركه لقا رحاب
رحاب: صباح الحب😻
قصي: في الشركة احنا توا لو سمحتي
رحاب: اها اي لا صح اسفه😉
قصي هز راسه ومشي للمكتب متاعه
رحاب قعدت تشبحله بعدين جاته
رحاب: بننزل للكافيتريا تبي نجيبلك حاجة؟
قصي ناض: حتي انا ماشي اصلا هي
رحاب: به☺️
نزلو للكافيتريا، طلبوا قهوة
رحاب: استاحشتك😻 وحطت يدها علي يده
قصي شبحلها وحول يده
قصي: رحاب مصار شي بيني بينك ف فكينا من الجوو اهوا
رحاب حولت يدها وزي اللي زعلت
قصي شبحلها: خل نديرو العرس قبل مش محد يفهم غلط وشبح بعيد ع طول
رحاب شبحتله وابتسمت: امتا عرسنا؟
قصي: مش معروف
رحاب: كيف لازم يتحدد !
قصي: مزال بكري تو يتحدد
رحاب: تمام وانا بنوض
قصي: انا قاعد
مشت رحاب وجا جمال قعمز
قصي رفع حاجبه: جمال!
جمال: شن ي برو معش تلاقينا حسيتك لاهي ف حاجة تانية
قصي: شن قصدك؟
جمال: اسمعني من لاخير ي قصي نبيك تسمعني وصدقني هادي رحاب مفيش اوسخ منها ره ومتاعت فلوس بس
قصي: شن مناسبة الكلام هادا !
جمال: اسمع واضح انك تكلم فيها وهاني
حذرتك ودليلي هوا اكيد لاعبة عليك دور المسكينه
اللي مطلقها راجلها وضاربها ومش عارف شني
قول كدب المهم ي صاحبي حذرتك وانا نبيك
تاخد بنصيحتي لانه معش حتشوفني بنمشي
نحج وندورلي شغل معش بنرجع اهنا توبت ع كل شي خلاص هي نشوفك ع خير
ناض جمال وخله قصي مصدوم
قصي: خيره الكل يبيني نسيبها هه لانه هيا سيباته هادا علاش
.
.
.
ريان في دارها تبكي ً
ريان: مستحيل نقوله عليه ! قررت نربيه بروحي ايه🤚 بلا بوه
ناضت ريان مسحت دموعها وطلعت حكتلهم كل شي - بس مش سبب طلاقها.
يوسف وقف معاها وفتحية مقالت شي وبوها حتي هوا معلقش لان ريان فهمتهم انه قصي راح شي بالنسبة ليها!
ويوسف كل يوم يحاول ينسا سحر وحرم يمشي من المنطقة متاعتهم!
ورحاب كل يوم تشد في قصي تبيه يستعجل في العرس لانها خايفه يغير رأيه!
وقصي رايح زي الضايع يمشي للشركه ومش معدل ع اللي تقول فيه رحاب يساير فيها ويقوللها به!
بعد ست شهور🍃
لين جا اليوم اللي حدد فيه قصي العرس واعتبروا توا مخطوبين ..
' 28 - 4 - 2012 '
مزالو تلاته شهور!
رحاب فرحانه بتموت وتعد في الأيام
اخيراً بتتزوج! بعد كل هالسنين !
وقصي يشرب كل يوم واللي خله عقله ينقص بالشوية كل يوم !
وراح حتي هوا مهتم بالعرس!
رحاب تطلع تشري وتجهز لهادا التاريخ - يوم العرس!
ريان كاينة تلبس في عبايتها وشاحها بتطلع بيرفعها يوسف للمستشفي عندها موعد مع الدكتور.
ريان طول هذين الأربع شهور تعبت فيهن هلبا وعانت المسكينه بروحها!
اي بروحها.
مرت بوها متشمته فيها لانها متدير في شي بسبب حملها! ف العمل عليها هيا ف هادا علاش لما تطيب اتطيب شوية قيسها هي وراجلها وريان تجي اتطيب بروحها لروحها كلا يوسف يأكل برا
قررت تطلع وتاخد حوش وتعيش هيا ويوسف فيه
بس بوها موافقش وهيا من إرهاقها نست الفكره بدل ماتقعد تناقش فيه!
يوسف: هيا ريان
ريان طلعت: هي جيت
انطلقوا للمستشفي خشت ريان للدكتور كشف علي بطنها
ريان: مانبيش نعرف لو ولد او بنت ي دكتور بس لو سمحت قولي ع موعد ولادتي امتا؟
الدكتور: تمام براحتك وموعد ولادتك مقدر يوم 28 - 4 يعني مزالو تلاته شهور
ريان ناضت: تمام ي دكتور
الدكتور: ريان نبي نكلمك علي حاجة
ريان وقفت وشبحتله: شني الجنين كويس ولا مافيشي حاجة !
الدكتور: اي لالا الجنين الكويس الحمدلله لاكن انتي ..
يتبع
