#ادمنت_مدمن_مخدرات
🌹. الحلقة 7. 🌹
رحاب زادت قربت وحط يدها ع كتفه: شن شاغل الحلو
قُصي شبحلها وشبح لادها اللي كتفه
قُصي بنظرة حاده: خلي مجال لو سمحتي
رحاب انقهرت ووخرت شويه
رحاب: نبي نساعدك انا ولا اكتر
قُصي منقال نبي مساعده انا وناض بيطلع
رحاب: قُصي استنا دقيقه
قُصي التفت ورحاب قدمت و
________✨
سحر: يخوخم الفستان عنشكلك😭
ريان ههههه عجبك😍
سحر: ايه قُصي خوي راح فيها ع شبر
هادا😕
ريان نزلت رأسها وضحكت
سحر: هيئ جوو نتحشم نوضي عصا😒😂
ريان ضربتها بالوساده: مبردك نوضي نوضي راجلي قريب يجي😂
سحر: تمت المصلحه وتوا تلزو فينا به به😭😂
_________
قُصي التفت
رحاب قدمت وحطت ورقه في أيده وابتسمتله وطلعت
قُصي فتح الورقه لقاه رقم تاليفون
قُصي ابتسم هازي ولوحه في سلة القمامه جنب مكتب متاعه وروح للحوش
خش حوش بوه قبل مايبيش يركب لحوشهم
فتحت سحر
سحر: قُصي !😳
قُصي خش داخل درتو غدا ولا مزال؟
سحر ييه عليا هادا شن يدير هنا ومرته فوق تراجي فيه
سحر: لالا مزال😁
قُصي: طيبي مكرونه ع سريع
سحر: تمت المكرونة 😶
قُصي شبحلها: كيف!
سحر والله هكي صار تمت معش في😁
قُصي مقال شي طلع وركب لحوشه
سحر: اخيراً
فتح الباب وخش
ريان كاينه في دارها شوي طلعت لابسه الموف حاطه مسكرا وفاتحه شعرها😍✋️
قُصي شبحلها ع سريع وخش لداره وصكر عليه
ريان حيي علمه شككني في وجودي!
ريان استنت في الصالون لين طلع
قُصي غير ملابسه وطلع للحمام حشاكم
مر من قدام الصالون ومحسش بيا مقعمزه 😕
طلع قُصي من الحمام ومولي لداره وريان
مقعمزه تراقب فيه
قعدت تكح مش تلفت الانتباه
مر من قدامها ومباش يلتفتلها ولا حتي يشبحلها
خش لداره وصكر الباب
ريان: 😭😭خزوو
شويه وطلع للمطبخ وهوا مولي مر من قدام الصالون
ريان: احم احمم😒
قُصي متحملش قعد يضحك
ريان😳😳
قُصي: شن في ؟
ريان: لا سلام لا كلام😳
قُصي: تعبان شويه شكلي بنمرض
ريان: شني😵
ريان ناضتله وحطت يدها ع جبهته تقيس في
حرارته ووجهها قريب من وجه قُصي
قُصي 😰 وخر عليها ووجه راح احمر
قُصي: تو نصح عاديه مفيها شي
ريان: حرارتك مرتفعه😳
قُصي وهوا يتباعد عليها وخاش لي داره:
" لالا مافيا شي، تو نصحح غر نعسان نبي نرقد"
قعدت ريان واقفه تراقب فيه لين صكر الباب
بعدها خشت غيرت ملابسها وهيا مش مطمنه عليه بكل
✨تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ✨
ريان بدلت عندها جامعة اليوم
فطرت وحطت فطور قُصي ع الطاولة
ناض قُصي وجاها في المطبخ
ريان مستعجله: ها نضت فطورك واتي وهادا شروبو حواره استعمل منه
قُصي يحك في راْسه: وين ماشيه انتي ع صبح؟
ريان: عندي جامعة
قُصي: شني شني😒
ريان: لازم نمشي اليوم محاضره مهمة
قُصي: مريض منقدرش نطلع انا😑
ريان: نعرف، بيجيني السواق
قُصي: عاودي شني! شن مقايلك انا
ريان: عندك حل تاني قصدك😕
قُصي مفيش مشية مع السواق وخلاص
ريان: وعلاش😑
قُصي تو نسخن السيارة خمس دقايق ونلقاك
برا رآك تعطلي نمشي ونفوتك
ريان: لاكن مريض انت اقعد في الحوش
احسنلك عادي تو يرفعني السواق انا
قُصي: ازح قلت لا انا تو نرفعك انا كنهدا تقعدي في الحوش😑
ريان: به واتيه انا
لَبْس قُصي وركبو السياره
قُصي: وينها هي جامعتك
ريان: زيد لقدام
وصلو درس قُصي السيارة داخل الجامعة ونزل مع ريان
ريان: وين نازل؟
قُصي: لا غر واقف بس خشي انتي😂
ريان مشت لصاحباتها
ريان: صباح الخير😊
موده:😳😭 تقوليش الطرف هادا شورك
رنا: ريان😍😍 ي بنت
ريان شبحت ل قُصي شوي شيرلها بايده مبتسم
وركب سيارته وطلع
فاطمة: 😍😍😭💔
ريان: اياه هال مخادع 😒
وخشو كلهم القاعه
_________
قُصي في السياره
قُصي: ها وينك
خالد: في المكتب
قُصي فوت المكتب اطلع الاستراحه
خالد: ماصايره شوف جمال
قُصي: ت فوتك ي برو وتعال ريح راسك شوية
خالد: هههه مافيها كيف معاك هي هي جاي
قُصي تمام صكر
_________
سحر كاينه تبخر في الحوش شوي دق الباب
فتحت لقتها نجلاء جاية بصغارها
نجلاء مدتلها حمودي قاعد في القماط
نجلاء: شدي شدي هاك وخشت للصالون
سحر: ييه عليا الليلة ليلتي للصبح (تذكرت اليوم خميس ونجلاء تجي تبات عندهم)
نجلاء: سحر بالله شديها تبكي هبلتيني خل نخش ندير الغدا
سحر: اكيد ليش لا تعالو هنا ي بلوة حياتي انتي وياه😐😂
نجلاء: وين بوي؟
سحر: والله منعرف انضني في داره
نجلاء: كيف متعرفيش متشوفيش في بوك😒
خشت نجلاء لقلته نايض
نجلاء: بوي السلام عليكم كيف حالك ي بوي؟😍
بوها مريض هلبا: بنتي سامحوني سلم بنيتي😢
نجلاء: شن الكلام هادا ي بوي خلاص ارتاح متعبش نفسك
بوها: لالا تسمعيني نبيك تسامحيني عارف كنت
حارمكم من كل شي ي بنيتي وقعد يبكي
ع خشة سحر وتأثرت لما شبحت بوها يبكي
قعدت تبكي حتي هي😭
نجلاء سحر ييه علينا انا بنهديه تنوضي انتي تزيدي عليه
سحر مسحت دموع بوها وطلعت للصغار برا
نجلاء: خلاص باتي هي ارتاح مسامحينك احنا
هي ارتاح تو شويه ويطيب الغدا
وطلعت من الدار لقت سحر تبكي
نجلاء: سحر😳😒
سحر شبحتلها: انتي متشوفيش فيه بوي كل يوم
ومتعرفيشي هادي حالته ديمه وانا اللي يقهر فيا
بدموعه..مرات نقعد بالساعات في المطبخ ولما
نخش لداره نلقاه راقد ودموع ع خده نخاف
نحسابه..
نجلاء: خلاص ي سحر بتكيني معاك خيرك هكي💔
سحر: بوي مريض هلبا ي نجلاء خايفه نخسره
والله نموت بعدين.. وواجعه قُصي خوك اللي
معش سال عليه ول يبي يقابله..وبوي بسببه زاد
مرض ره خوك يبي من يكلمه ويفهمه خلاص
ساد السنين هادو عيلتنا تفركست والصراحه انا
مش مستعده نخصر حد اكتر من اللي
خسرتهم💔
نجلاء عانقت اختها لين هدتها
مش حنخصرو حد ونبيك تكوني قويةة ع خاطر
بوي مش تبكي قدّامه! أرجوك سحر معش
تعاوديها وبالعكس اضحكي مش حتي هوا يفرح
وقصي ان شاءالله ربي يهديه 💔 هي نوضي
بوك جعان نطيبو العشاء
مسحت سحر دموعها وناضتً
نجلاء: وين ريان ناديها
سحر: عندها جامعة اليوم قريب تجي
نجلاء: اها به
سحر: نرقد حمودي ونجيك
__________
قُصي يضحك: لالا ي راجل السرعة بشوية
جمال يزيد يجري
خالد خايف: ت وقف خلاص بنريحو فيها
فجاءه...
خالد: لااااا😳 قصيي😭
يتبع
