ادمنت مدمن مخدرات

الحلقة 3

      #أدمنت_مدمن_مخدرات
الحلقة 3
‎
‎في الليل روح قصي متاخر وركب لحوشه فتح
‎الباب لقا الدنيا هدوء قعد شوي وخش لدار ريان..
‎لقاها راقده زي الاطفال لافه روحها في البطانيه
‎وضمت وسادتها ورقدت ودمعه قاعده ع خدها
‎وانصدم من الدار والحاجات ا لملوحه ع الوطا
‎قصي قرب وقعمز جنبها
‎قصي: اااه دنيا فاسده وشبح لوجه ريان وقمة
‎البراءه اللي فيه وكم يبان عليها مسكينه ومظلومه
‎قصي اتكى جنبها وحاول يغطي روحه معاها
‎لاكن ريان ناضت مخلوعه لما شافاته وطلعت من السرير
‎ريان: انا مدرت شي تربح مدرت شي واللهي
‎وقعدت تبكي😭
‎قصي انخلع من موقفها وناض وطلع من الدار
‎بدون مايقول شي..
‎الصبح✨
‎ناضت ريان دارت الفطور وقصي خش للحمام
‎دار دوش وجاها في المطبخ
‎ريان مبتش تشبحله بكل: فطورك ع الطاوله
‎وطلعت من المطبخ
‎قصي: ريان
‎ريان وقفت اول مره تسمع اسمها من فمه: شن تبي
‎قصي حمق من اسلوبها لاكن سكت وتحشم
‎منها: اه لالا غر بنقولك وشبحلها
‎ريان هزت راسها: شن بتقول؟
‎قصي: اسف ع امس و..
‎ريان: خلاص كملت؟ 😒حتي انا بنقولك حاجه
‎قصي: شني
‎ريان: نبي نمشي لحوش بوي
‎قصي سكت: الطلوع مش ع كيفك في حوشي
‎انا نرفعك كان نبي
‎ريان: كيف نبي نشوف خوي وتبي الحق بنجيبه
‎يسكن معاي اهنا😏
‎قصي: شني شني عاودي
‎ريان سكتت
‎قصي: حوش بوك هدا ولا روضة امك قاعده😒..
‎ريان: لو سمحت متجيبش سيرة امي ع لسانك
‎قصي: هه خيرها شكلها حتي هي خطت فيكم
‎ودارتلها واحد تاني تط..😏
‎ريان ضرباته كف وخافت
‎قصي عيونه ولن حمر وفنص فيها وطلع صكر
‎الحوش يدخن برا😡
‎ريان حي عليا علاش ضربته ووه بلكي يروح
‎ويدير فيا حاجه 😭قعمزت ريان تفكر
‎ناضت لبست وغطت رقبتها بوشاح لانها رايحه
‎حاله وجت بتنزل لسحر وباته لوطه لاكن لقت
‎الباب مصكر..
‎ريان: ووه خيره حابسني مش قادره نتنفس
‎معاه😞
‎ولت قعمزت في الصاله ومر اليوم ياءس بالنسبه
‎ليها هيا
‎في الليل روح قصي تعبان سمعت ريان صوت
‎الباب انفتح طلعت تشوف فيه
‎قصي شبحلها وخش لداره وصكر الباب
‎ريان قربت للباب وترددت بعدين قالت: درت عشا
‎تبي نحطلك؟
‎قعدت فتره واقفه ومرد عليها حد فتحت الباب
‎لقاته راقد
‎شبحتله كيف مرمي علي السرير وواضح عليه
‎التعب والارهاق
‎ريان حست بشعور شفقه تجاهة هكي حاساته
‎مظلوم في حياته وصايرتله مشاكل خلاته يدير
‎اللي قاعد يدير فيه..
‎كانه يشبهلها حتي هوا..
‎ااه ياقصي نبكي عليك ولا علي نفسي..
‎ولا نبكي علي ماضاع من أمسي..
‎ولا علي دنيا شبعتني ضرب من دون لمسي..
‎تاملت وجهه وحست بوجعه والكئابه اللي فيه
‎وقلبها رق ليه..
‎فوق اللي دارهلها واللي مزال بيديره💔..
‎ريان وعدت روحها انها حتحاول كل مابوسعها
‎مش تساعده وتغيره..
‎الصبح✨
‎ناضت ناشطه لبست جينز ازرق وبدي احمر
‎وفتحت شعرها وحطت شويه مسكره وروج
‎وعطر😍 وطلعت جهزت صفرة الفطور
‎ناض قصي خش للحمام غسل وجهه وخش
‎للمطبخ بيفطر
‎انصدم لما شاف ريان هكي لابسه وتحشم منها
‎ريان: صباح الخير💓
‎قصي شبحلها كيف تبتسم وفي خاطره محلا
‎ابتسامتها الفرخه
‎ريان: فطور جاهز تعال تفطر معاي
‎قصي مباش يشبحلها وقعد موطي راسه
‎جاته ريان ونزلت راسها وقعدت تشبحله رايحه
‎قزمه قدامه
‎قصي عيونه فنصو وقعد يشبحلها وحسها قريبه
‎هلبا منه😳
‎وعطرها فاح وقعد يتنفس فيه ونظرات ريان 💓خدرنه
‎قصي شد النفس متاعه لين قريب اختنق ووخر عليها وبعد نظره ع حاجة تانيه
‎ريان تحشمت ووخرت: منكش فاطر؟
‎قصي: طالع انا بنجي متاخر متراجينيش
‎ريان شعرت بخيبة امل 😞
‎قصي وقف في فم باب المطبخ: حقا اليوم
‎امشيلهم اهلك كان تبي واقعدي قداهم الليله وطلع من الحوش
‎ريان فرحت شويه, ع خاطر بتشوف يوسف
‎غيرت ملابسها وطلعت
‎تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ✨✨
‎ريان: ههههههههههه قصدك هادا احمد من
‎الابتدائي زاد راح قصير
‎يوسف: ايي شفته اول امس في مقهي 😂😂
‎ريان: قاعده نتذكر لما استاذ شدكم انتم الزوز
‎بعد المدرسه وكلمني عليكم يحسابه خونا هههههههه
‎يوسف: اي اي من لاخير هداك اليوم
‎هههههههههههههه
‎فتحية مقعمزه في الزاويه ودايره روحها تتفرج
‎علي التاليفزيون
‎فتحية: وينه راجلك تاخر الوقت شن مش مروح بيك😒
‎ريان سكتت
‎ناصر: حقا وينه هو مجاش معاك
‎ريان ارتبكت معرفتش شن تقول: عنده خدمة
‎طلع وقالي مرات يشدوه ويتاخر كان هكي قالي
‎اقعدي الليله وغدوا بيروح بيا
‎فتحية نطت: شن المناسبة علاش قاعده ومليكش
‎اسبوع متزوجه؟
‎يوسف: خليك في حالك😑😒
‎فتحية حمقت وناضت لدارها
‎ناضت ريان دارت عشا لبوها ويوسسف وضمت
‎الحوش كله والحمامات حشاكم ودارت لفة علي
‎كل شي مش اطمن بالها وخشت رقدت
‎الصبحح ناضت وتت الفطور وودعت يوسف
‎ لدراسته وقعمزت علي التاليفزيون
‎جتها فتحية: نوضي نظفي الحمام
‎ريان: امس في الليل بس نظفته؟؟😳
‎فتحية: في احلامك امالا منظفتي شي نوضي
‎شوفيه
‎ناضت ريان لقاته مبزع عليه اميه مسخه علي الحيطان وكل شي مفركس😠
‎ريان حمقت والتفتتلها: انا متاكده من روحي زي
‎اسمي اني نظفته طروحك مايمشنش عليا
‎فتحية: نظفي وانتي ساكته😏
‎ناض ناصر
‎ناصر: صباح الخير درتو فطور؟
‎فتحية: صباح الفل اي توا بنديرلك وشبحت
‎لريان وقتلها "هيا خفي روحك في شن تراجي"
‎ومشت المطبخ
‎ريان مقدرت تقول شي قدام بوها وتفادت
‎المشاكل وبدت اتنظف
‎ريان: اخخخ اخيرا كملت بنخش نغير
‎فتحية: ماكملتي شي اماعين الغدا في المطبخ😌
‎ريان: وانتي ش درتي؟
‎فتحية: هه طيبتلكم الغدا شن تبي تاني؟
‎ريان: راجلي بجيني يروح بيا اغسليهن انتي😤
‎فتحية: لالا ي بنت بوك انتي بتغسليهن
‎ريان: اسمع..وجاها اتصال من قصي
‎ريان ترددت شوي وفتحت عليه
‎قصي: وتي روحك جايك
‎ريان: تمام واتيه😊 وصكر عليها
‎ريان: شفتي قال في الطريق راجلي اغسليهن
‎انت هي سلام 😂😏وركبت لدارها
‎فتحية انقهرت
‎جا قصي وركبت ريان وقعدو طول الطريق ساكتين
‎خشو حوشهم ومشت ريان لدارها غيرت لبست
‎حاجه خفيفه وكيوت ودارت شعرها ضفيره
‎وطلعت لقت قصي مقعمز في الصاله
‎مبتش تكلمه وجت قعمزت في الصوفا اللي جنبه
‎وفتحت التاليفزيون
‎قُصي: نطلبو عشا؟
‎ريان ساكته
‎قصي شبحلها وفي خاطره: اياه طروح حرجانه توا
‎قصي: نكلم فيك انا
‎ريان شبحتله: مسمعتش شني
‎قصي: نطلبو عشا من المطعم؟
‎ريان: انا شبعانه كليت اطلب انت😏 وناضت لدارها
‎قصي طلب عشا وجابلها حصتها في الدار
‎قصي: كان جعتي اهوا اهنا
‎ريان: منبيش خوده انت
‎قصي: خيرك قالبه خليقتك انتي😒
‎ريان: شي سلامتك من الفرح
‎قصي رفع حاشية فمه: براحتك😏 وطلع
‎بعد شوية
‎ريان ووك جعانه مكليت شي من الفطور💔
‎ناضت ريان للمطبخ وقعدت تفتش علي حاجه تاكلها
‎ريان: مافي شي خفيف ومخاطريش نطيب توا
‎قصي: وهادا علاش قتلك نطلبو انا
‎ريان انصدمت من الصوت والتفتت لقت قصي واقف في الفم
‎في خاطرها هادا مشش رقد?
‎قدم قصي وحط الشكاره ع الطاولة : هاك كولي
‎ريان شبحتله ومقالت شي
‎قعمزت كلت وقصي واقف يشبحلها
‎قصي في خاطره واضح مكلت شي😂
‎ريان رفعت راسها شبحتله شوي قصي حول
‎عيونه ع حاجة تانية وع وجه ابتسامه
‎ريان: خيرك تشبحلي
‎قصي: منشبحلكش😒
‎ريان: كنت تشبحلي😒
‎قصي: ميت عليك 😑وطلع سيبها
‎ريان: خيره هدا
‎شبعت بطنها وطلعت لقاته واقف قدام دارها
‎ريان: خير 😳مرقدتش؟
‎قصي شبحلها: امبكري سحر ركبت تبيك لاكن
‎قلتلها مهناش, غدوا انزلي شوفيها
‎ريان: به تصبح علي خير
‎قصي: وانتي من اهله ومشا لداره وريان خشت دارها
‎ـًًـًًـًـ
‎ ـًًـًًـًـ
‎الصبح
‎ريان ناضت دارت الفطور قبل ماينوض قصي
‎وخشت للدوش بتتسبح
‎ناض قصي بيستعمل الحمام مقدرش نزل لوطه
‎غسل وجهه وركب تاني بيغير دبشه
‎خش لدار ريان لانه عنده فيها دبش شوي هكي
‎لقاها حاطه عطر وملابسها علي السرير
‎خدا حاجته وطلع
‎قصي: خفي روحك وانتي ساعة نبي الحمام
‎ريان حيي دبشي نسيته في الدار ي حشمتك ي ريان هييي😱😱
‎قصي: تكلمي فيا انتي?😒
‎ريان: لا نموت ولا نقوله مدهولي وووه😳😑
‎ريان لفت شعرها فوق وحطت فوطه وتاكدت انه
‎مش قدام الباب وطلعت تجري لدارها علي طلعته هوا منها
‎ريان:😱😱
‎قصي: 😨😨😳
‎ريان حاطه معطر جسم فاح 👀👃
‎ريان: اسفه دبشي داخل وخشت لدارها
‎وصكرت الباب وقصي قاعد واقف ومنظره هكي😳
‎ريان: وووه حظي علاااش
‎قصي في خاطره خيرك ياراجل رد لوعيك هادي بتطلع زي امها😒😠
‎وهوا ميعرفش امها متوفية 💔يحسابها
‎مسيبتهم ووو افكار سيئه
‎قصي نسا وفتح الباب ع اساس بياخد تيشرت
‎ريان: ي هيييي وين خاااش😳😳
‎قصي قلب وجهه وطلع يجري من لصدمه😂
‎ريان:😭😭😭
‎لبست ريان بدي ومعاه جينز ودارت شعرها كيكه
‎وبودره ومسكرا وروج😍💄 وبخت صنه
‎وطلعت
‎قصي كاين امبدل وطالع من داره تلاقو الزوز
‎قصي في خاطره حيي حيي معرفتهاش😍
‎ريان يشبحلي شكلي عجبته😊
‎ريان ابتسمت وقصي لاحظها شوي مدورهاش
‎وقلب وجهه للباب بيطلع
‎قصي: طالع انا
‎ريان: بتسكر واتدير كفائر كلهن وتعال
‎قصي: شن قلتي?
‎ريان: قتلك تمام وانا نازله نشوف اختك ونسلم عليها
‎قصي شبحلها: هكي😳
‎ريان: شن فيها اختك قاعده بس ولا
‎قصي: بوي😒
‎ريان:😑 تو نلبس جاكه
‎قصي; ووشاح وامسحي الاحمر هادا مناقص غر لمن اتديري فيه😏
‎ريان انصدمت: لمن اندير فيه?😳
‎قصي مقال شي وطلع من الحوش
‎ريان: شن حضرته ناسي من انا? 💔انا
‎زوجتك ياعديم الاحساس قالي لمن اتديري فيه
‎وعلاش التكشيخ والاسلوب هادا بسس
‎ريان لبست وشاح وجاكه ونزلت لحوش بات قصي
‎لقت سحر في الصالة
‎ريان: صباح الخير
‎سحر ناضت: اهلين اهلين زارتنا البركة😍
‎ريان فرحت بالكلام والترحيب
‎ريان: اهلين فيك
‎سحر: قعمزي ومشت جابت عصير وقعمزن يهدرزن
‎سحر: بوي راقد ينوض وسلمي عليه😊
‎ريان: خلاص اوكي
‎سحر: ايي احكيلي قصي شن جوه معاك
‎ريان: الحمدلله
‎سحر: تغير بعد الزواج?🙂
‎ريان مفهمتش شن تخرط هدي لاكن وجعتها
‎الكلمة سكتت معندها ماتقول حتي بالكدب💔
‎سحر فهمت ع طول: صار متغيرش😔
‎ريان: عفوا مفهمتش شن تقصدي?
‎سحر: خل نحكيلك...زمان>>
‎ريان: شنو😭
..
‎يتبع