🌹. الخلقة 15. 🌹
قصي ارتخي ع الكرسي وقعد يفتح في جاكيته: مفيش نفس ي ريان دايخ .....وغمض عيونه
😭ريان خافت وقعدت تطلب في مساعدة
.
.
لقت اتصال من كرم ومسج مكتوب فيها...
سحر ضروري نشوفك توا توا اطلعي لو متجيش اعتبري كل شي بيناتنا انتهى..
سحر: 😳
لبست وشاحها ع سريع وطلعت
______
ريان: ساعدوووني ارجووكم اي حد ي ناااس😭
قصي قلبي ي ريان مش قادر
قصي قعد يقول في الشهادة من كتر الوجع💔
ريان دموعها قعدوا ينزلو لا شعوريا
جو رجالة وساعدوها ركبوا قصي في السيارة ورفعوهم المستشفي ..
ريان: ارفعه لمستشفي خاص لو سمحت وهيا فيسع
قصي متكي علي ريان وريان شاده في ايده
دخلوا قصي للدكتور يكشف عليه وريان برا تدعي
الدكتور طلع: انتي زوجته؟
ريان: ايه انا زوجته شن حاله؟
الدكتور: ممكن تدخلي داخل مش تسمعي اللي بنقوله
خشت ريان لقت قصي راقد علي السرير وواعي باين عليه احسن شوي بس مش هلبا💔
ريان جت قعمزت علي الكرسي بجنبه
الدكتور: حالته في غاية السوء والمخدر بلغ في
جسمه 69%، وانا أسف مش حنقدر نعالجك وضروري نخبروا الشرطة
ريان شبحت فيسع لقصي لقاته خايف ويرعش
بعد ما ريان الحت علي الدكتور هلبا وقصي
حتي هوا كلمه وحكاله قصته, وافق علي انه يبدأ معاه في العلاج..
#قصي
قعدت ليله تحت العلاج ..
انا في دار وريان في الدار اللي بجنبي ممنوع عليها تقعد معاي💔..
قلبي يوجع فيا هلبا ونحس في جسمي تقيل ..
فجاءة
تذكرت الموت قدامي وكأنه يبي يهجم عليا،
وشبحت حاجات غريبه نعجز عن وصفها
الصراحة وخاصة في الوقت هادا..
نضت بسرعه ومن غير شعور للحمام وتوضيت..
طلعت خشيت لغرفتي كبرت وبديت في الصلاة
صليت بسرعه قبل مانموت في اي لحظه..
رميت روحي علي الارض علي جنبي الايسار واستسلمت للموت..
في هدي اللحظة تذكرت كلام بوي مره قال الميت
يرقد علي جنبه اليمين، ف تحركت وغيرت وضعي ورقدت علي جنبي اليمين
وانا نحس في حاجة تهز في جسمي هز قوي..
في هدي اللحظة مرت في خاطري صور
متلاحقة من تاريخ حياتي المليان ضياعه وإدمان
الحبوب المهلوسة وشرب الخمر واستاقضت انه روحي خلاص بتطلع ..
مرت لحظات وانا نستنا في الموت ..
فجاءه حركت رجلي ف تحركت! فرحت
هلبا..بعدين شبحت بصيص نور يشع علي
الغرفة، بصيص أمل من بين الظلمات..
غمضت عيوني مستسلم للتعب ومرحب للنوم..
#ريان
مش عارف شن صارلي اول ماشفته بهادي الحاله هكي في الحديقة..
قلب طاح من مكانه تمنيتها انا ولا هوا💔..
كل ثانية تمر، نفسي يضيق ودموعي يتسابقو وحده تجري ورا التانية ..
حسيت روحي بنخسره..
محد كان حاس بيا.. حتي هوا💔
طلبت مساعده بأسرع وقت وحاولت نقعد قوية بس في الحقيقه داخلي منهار..
علاش الناس اللي نحبوهم في حياتنا يختفوا ويخلو فينا بروحنا في الطريق اللي بديناها معاهم جميع ....؟
لو موصلناش للمستشفي بأسرع وقت انا اللي كنت حنموت من الخوف والحسرة
قصي أرجوك متسيبنيش وتمشي..💔😪
ادمنت كل حاجة فيك عيونك، فمك، ابتسامتك، شعرك كل شي فيك انا نغرمت بيك!
تعودت عليك وعلي وجودك وعلي ابسط تفاصيلك
فوق اللي درتيهلي كله والوجع اللي عشته بسببك مستحيل نقدر نكرهك 😔
علي اقل عوضلي شوية من اللي عشته وخليك جنبي طول العمر..
راضية ب تجاهلك ليا وب قسوتك عليا وحتي...بكرهك تجاهي!
لاكن بشرط تقعد معاي ونتصبح عَل وجهك وعلي صوتك..
وافق الدكتور علي علاجك!
وعدت روحي أني معاك خطوة بخطوة وبجنبك علي طول..
صدقني تقدر اتديرها! تقدر تغير هالطريق لطريق تانية .
وانا حنساعدك في هالشي..حنضحي ب روحي عشانك انت ...لو كلّفني الامر
الدكتور قال لازم يقعد اول تلاته ايّام في المستشفي بعدين يقدر يمشي ويجي من الحوش عادي..
اتصلت بالمزرعة وطمنتهم علينا..
" احنا في المدينة، عند صاحب قصي وقاعدين عندهم تلاته ايامً ومروحين.."
ليا ساعات في الدار هدي شكله خداني النوم!
قصي! كيف حاله؟ مطمنتش عليه ..
ناضت ريان لغرفة قصي لقت الضي مطفي وقصي راقد
فتحت الضي وشبحت لقصي لقاته يتصبب عرق..
فجاءه قصي ابتسم كأنه حس بوجودي 💓
فتح عيونه شوي وصكرهن لنوم عميق بعدها..
جيت وغطيته بعدين طلعت وخليت الضي مفتوح..
.
.
.
طلعت ورا حوشهم لقت كرم واقف
كرم شبحلها جاها حامق..
سحر: نعم شن في؟😳
كرم: معش تكدبي عليا احسنلك سحر😡
سحر: نعم! شن تقول مفهمتش
كرم: شفت ره شاب طالع من الحوش ت ع من تكدبي ودي خشيت ودبحته
سحر: يوسف!
كرم: ت وين نندري ترا معش تزيدي تهبليني😡
سحر: ت لا راك فاهم غلط غر اسمعني😭
كرم: حولي سحر أرجوك سادك كدب ومعش تزيدي الطين بله
سحر وقفاته: انا سمعتك توا انت اسمعني،
هاذا يوسف خو مرت خوي! وجا مش يشوفها
بسس قتله مش موجودة بسس والله علاش بنكدب عليك
كرم: كيف تبيني نصدقك وانا شفته بعيوني
سحر: شن شفت؟ 😐هوا لما واقف ع باب وبعدين طلع ولا شن شفت بزبط فهمني
كرم: مش عارف
سحر: تعرف هكي انت قتلي انك متوثقش فيا
بكل وتكدب فيا هكي عيني عينك ومتبيش تصدقني💔
كرم شبحلها: روحت معبي من العمل ولما شفته مش عارف شن صارلي أسف..
سحر: فهمتك وحتي انا اسفه لو فهمت حاجة
غلط قصدي مستحيل نفكر في غيرك❤️ وخاصة يوسف..
كرم: به معش تقولي اسمه خلاص عاد😐
سحر: هههـ به، سامحتني؟
كرم: هوا نزعل منك خلاص صدقتك
سحر:😭😭 اخر مره نوعدك
كرم ابتسم بعدين حضنها ومشا
_____
ريان: ي دكتور شن حاله بزبط؟
الدكتور: في فرصة كبيرة يتعالج ويتخلص كليا
من إدمانه بس حياخد شوية وقت وضروري عيلته
تساعده وتحاولو تبعدوه علي اي حاجة تاثر فيه مش ميرجعش لإدمانه..
ريان: تمام ي دكتور فهمت عليك💓 بارك الله فيك
الدكتور: ولو انا موجود في اي وقت
خشت ريان لدار قصي لقاته راقد قعمزت بحداه علي الكرسي
خداها النوم ورقدت بلا قصد..
ناضت الصبح لقت قصي مهناش!
ريان: 😳قصي
طلعت برا للممرات و..
يتبع
