#ادمنت_مدمن_مخدرات
🌹. الحلقة 12🌹
قصي: خلاص موافق نرفعك لاكن بشرط
ريان: شن هوا
قصي: سيبي الكلية
ريان: 😞علاش
قصي: معش تمشي هادا شرطي
ريان في خاطرها قولي باهي توا واقنعيه بعدين💓
ريان: اوكى تمام
قصي: غدوا امشي لجامعتك خودي منهم إدن ع
غياب وفوتيهم معش تمشي وانا نظم أموري في العمل
ريان اكتفت بابتسامه
قصي: تصبحي علي خير وناض لداره
ريان: ناضت تلم في الماعين
بعدين نزلت لوطه لنجلاء
نجلاء: قاعده نايضه انتي مرقدتيش
ريان: هههه ايه كنت نكلم في قصي علي العرس
نجلاء: ايه شن قال؟
ريان: وافق😻
نجلاء: هههههه الحمدلله
ريان: ايه غدوا بنظم أموريي في الجامعة
نجلاء: تمام سحر رقدت تو نخبروها غدوا
ريان: تمام حتي انا بنركب نرقد غر نزلت مش نقولك بس...تصبحي علي خير💓
نجلاء: وانتي من اهلوو
طفت الضي وخشت لدارها
الصبح
ريان: قصي واتيه انا هي اطلع
قصي يلبس في ساعته: هي هي اطلعي للسيارة
ركبوا السيارة وانطلقوا للجامعة
قصي: قوليلهم وتي روحك لما نكلمك بش نروح بيك بكري اليوم
ريان نزلت من السيارة
ريان: تمام اتفقنا
قصي هز راسه وتوكل للعمل متاعه
وفي طريق ولع دخان وقعد يدخن
وصل الشركه
خش غرفة المدير وقاله بناخد اجازة شهر ونظم اموره وطلع
مراد: شهر!
قصي: ايه مش هلبا والله تحسابني غر نبي نريح أعصابي شوي في المزرعه، ماناقصني أعراس
مراد: عندك حق صح برا في الوسع والهوا النقي بعيد علي الدوشة
قصي: ايه
_______
نجلاء رمت الوسادة علي سحر
نجلاء: نوضي الساعه 11
سحر لفت البطانية
: حولي امسس مرقدتش
نجلاء: وشن مسهرك مرقدتيش....نوضي ساعديني بنلم شناطينا
سحر شبحتلها: شناطي شني؟
نجلاء: الليله ماشيين للمزرعه رافعنا قصي
سحر نقزت من ع السرير: قصي بيرفعكم للمزرعه؟😳
نجلاء: ايه ت نووضي حولي راقده علي الدبش
سحر: باهي خلاص هاني نضت😒
خدت نجلاء اتطبق في الدبش الضروري وتحط في الشنطة
سحر: حتي قصي قاعد معاكم غادي؟
نجلاء: انضني ايه بيقعد
سحر: وانا بروحي اهنا بنقعد
نجلاء: ايه مع بوي وجارنا محمد الباب في الباب
شن بيصيرلك وقصي حيجي اهنا يطمن تخافيش
(جارهم محمد كبير شويه في السن وجارهم من لما امهم توفت وزي صغاره)
سحر فرحت: تمام
كملو تستيف شناطيهم
______
قصي ولى قعمز علي مكتبه شويه هكي وتجيه رحاب
رحاب: حقا سمعت عليك انك واخد اجازه شهر؟
قصي: ايه في مشكله
رحاب: والمشروع شن بصير فيه!!؟
قصي: بتكمليه انتي وجمال بداية من غدوا
رحاب رقالها: بس انا بديته معاك ف علاش واخد اجازه ؟
قصي شبحلها: وانتي شن دخلك! ناخد ولا مناخد ؟
رحاب وجهها راح احمر ورجعت لمكتبها
قصي شاف لساعته دار رنه لريان وطلع ركب سيارته
وصل للجامعة شوية ولمح ريان جايه
ركبت ريان للسيارة بجنب قصي
قصي: ها شني؟
ريان شبحتله مبتسمه: كله تمام☺️
قصي ولع السيارة وانطلقوا للحوش
نجلاء: اي حبيبتي بنجو الليله
خلود: تبصررري واخيرا😻😻
نجلاء: هههههه ايه انا وقصي ومرته ريان
خلود: واو وبنتعرفوا حتي علي ريان💓
نجلاء: ايه سلميلنا علي العيله غادي كلهم هي
صكري حبي نتلاقو في الليل
خلود: يوصل سلامك هي مع السلامة
حطت نجلاء التاليفون وناضت
سمعت الباب يدق مشت تفتح
تلقا....
خشوا ريان وقصي
ريان: قلتيلها بنجو الليله
نجلاء: ايه قلتلها وتينا حتي الشناطي احنا
ريان: مزال انا مدرت شي وركبت لحوشها ولحقت عليها نجلاء
وقصي قعد واقف معبره حد هههـ
فجاءه سمع بوه يكح في الدار
اقترب من الباب لقاه مردوده قرب اكتر لقا بوه راقد ملفوفة عليه البطانية ويكح
قصي شاف سحر جايه وخر الورا!
سحر: قصي امتا جيت!
قصي: توا جينا
سحر: ريان فوق؟
قصي. ايه
ركبت سحر فوق لريان وقصي طلع يكسدله اخر تكسيده في الاستراحه..
قبل لايطلع بعت مسج لريان
" كلميني لما تجهزو.."
المهم بعد ساعة روح قصي للحوش وحطوا الشناطي في السيارة
ودعتهم سحر من الباب وهما طالعين
سحر: توصلوا بالسلامه
نجلاء: ردي بالك من روحك
سحر: متخافيش عليا
قصي: حنجي انا اهنا كل يوم
سحر: ايه فهمتها قلتوها ستين مره😂
ريان: خلاص هي باي حبيبتي
سحر: مع السلامة💓
ركبت ريان جنب قصي لقدام ..
ونجلاء وصغارها الزوز الورا
وانطلقو للمزرعه..
كانت الطريق طويلة كلهم ساكتين ومحد تكلم
فتح قصي المسجل مش يقطع السكوت
ريان غفوت علي الكرسي
قصي قعد يشبحلها مره مره ومن المرايه يشبح
لنجلاء اتدور في حاجة في الشنطة متاع ولدها..
بعد ساعات وطريق طويلة اخيراً وصلوا للمزرعه العشية..
قصي: ريان ريان نوضي وصلنا
والتفت للورا: نجلاء وصلنا
نجلاء فتحت عيونها وناضت
قصي يضرب في شدق ريان: نوضي ريان وصلنا نوضي
ريان فتحت عيونها وشبحت لقصي
قصي ابتسم: وصلنا نوضي
ريان ناضت وشبحت من الروشن حوليها لقت
شجر وأرض كبيررررره وقدامهم في حووش كبيرر
ريان استوعبت انه هادي المزرعه وأنها مش في حلم
نزلوا التلاته ورنت نجلاء الجرس
ريان وقصي واقفين وراها قصي شاد الشناطي
قصي: ندمت ي ريتني ماجيت
ريان: ههههه فات الاوان
فتح الباب وطلع عمهم يرحب بيهم ودخلهم لداخل
اهنا جت خلود وعانقت نجلاء وفرحت بيها
وسلمت علي ريان وقصي سلم علي الشباب في المربوعه
خشوا لصالة الضيوف ضيفوهم وفرحوا بيهم لان
نجلاء وسحر زمان وهما صغار ديمه
يجوهم ويقعدوا وهكي بس بعدين قطعوا بعض الا نجلاء وخلود قعدن صحبات
خلود: تمنيت سحر تجي استاحشتها😭
نجلاء: والله عندها قرايه كنهدا جت
خلود شبحت لريان: اييي وانتي ريان صح☺️
ريان: ايه ريان
خلود: تشرفت بيك ونورتونا كلكم💓
جن بنات العيله وسلمن وقعمزوا يهدرزوا
طبعا خلود عندها ناس مش معندهاش غر تبي نجلاء تجي
اقاربهم كلهم جو هديك الليله بعائلاتهم
(طبعا بنسمي شوية بنات من العيله لاكن مش ضروري نعرف عليهم انتم غر اعرفوا إنهن من العيله بس💓)
وبما انه العائلات كلهم مجتمعين طيبوا ووزعوا حلويات وحاجات حاره
ياسمين: ي هديل جيبي الطاجين انحرق انضني خلي انقصصه
هديل تلف في شعرها فوق: ت مش فاضية انا ندير في البصلة
ياسمين: انوض بروحي عنشكل اللي يكلمك
رهف: المقروض واتي💓
حنين: رهف هاك بما انك كملتي حطي اللوز علي الغريبه
رهف: هاتي هي
خشت خلود: شن ي بنات كل شي واتي
ياسمين: هي هي قصصته الطاجين وبطاطا واتيه
هديل: وانا بنسقي بسس هي واتي
حنين: انا مزال شوية
رهف وهيا تحط في اخر لوزه علي الغريبه
: ايه كملنا
خلود: ربي مايحرمني منكم حبايبي 😭😭❤️
حنين: ولو عروستنا💓😻
نجلاء خشت لدارها عطوها دار هيا وصغارها
جنها ريان
ريان: نجلاء بنكلمك وقربت منها
نجلاء شبحتلها : نعم ادوي نسمع فيك ان شاءالله خير
ريان: نحسابه احنا بس جايين ت قريب ست عائلات اهنا وين بنباتو احنا والحوش ميسدش؟
نجلاء: انا وصغاري اهنا في الدار وانتي
وقصي في الدار الخارجية
ريان: انا وقصي!😳
نجلاء: ايه مه معندهمش مربوعة اهنا وأقاربهم
يسكنوا قريب ف كل وحده رجالها بيبات في
حوشه يعني قصي بس بيبات اهنا لانه احنا مش من المنطقة
ريان: حي حي علاش مقلتيش هكي من الاول
وشن شكلها الدار الخارجية هدي؟
نجلاء: خلي نتعشوا ونرفعك
ريان هزت رأسها وطلعت من الدار
ريان: وووه بنقعد انا وياه ومش حناخد راحتي
افف فرحانه ومش فرحانه والله مقهورة بما يكفي مش ناقصه حركاته يجرحن💔
مشت الصاله لقتهم مقعمزين ويحطو في الصفر جت تعاون فيهن
كلهم تجمعوا قعمزوا وقعدوا يضحكو ويهدرزوا
وريان صاحبت بنت وقعمزن يهدرزن
كملو العشاء وناضن البنات يغسلن في الماعين
جت ريان بتغسلهن مخلوهاش
ولت للصالة مع باقي الصبايا وكملنها هدرزه
ريان فرحت هلبا وانسجمت حست روحها محبوبه 💓
ناضن البنات وحده بعد وحده للغرف لين قعدو نجلاء وريان وخلود
تاخر الوقت هلبا
نجلاء: انا بنخش نرقد تاخر الوقت
ريان: وانا بنطلع نشوف قصي وين
خلود: تمام انا راكبه فوق تصبحوا علي خير
مشن خلود ونجلاء كل وحده لدارها
وريان طلعت برا تدور في قصي
السكوت مالي المزرعه وظلام نور القمر بس ساطع💓
ريان شبحت هكي لقت قصي مقعمز علي
الدروج الخارجي ويتفرج علي المزرعه
جت وقعمزت بجنبه
قصي شبحلها: قاعده نايضه؟
ريان: ايه ..
قصي رجع نظره للسماء: تعرفي ي ريان..
يتبع
