#ادمنت_مدمن_مخدرات
🌹. الحلقة 10🌹
_
داري متخشيلهاششش تكلمي شن بتقووولي
نسمعع فيك!
ريان😭معش تكشخ خيرك.. انا كنت نبي نساعدك بس لا اقل ولا اكتر
قصي:😳شن دخلك فيا انتي ازح خليك في حالك بتهبليني راك
ريان شبحتله وركزت عليه: هادا عفن اللي تاخد
فيه عففففن ومضر أهلكت روحك خيرك مش
مسوتعب😭
قصي: بنسالك مره وحده بس وتجاوبيني علي سوالي! وين حطيتيهم؟
ريان: رميتهم ورفعتهم سيارة الكناسة
قصي: شنيي انتي شن تقولي انتي شن. دخلك
فيا من قالك مسي حاجه مش ليك ت ليش
خاشتلها الدار بكل
ريان قعدت تبكي
قصي شد أعصابه وخش لداره وصكر علي روحه
ريان: مستحيل نسمحلك تهلك روحك وانا نتفرج💔
_____
سحر: هي حبي انا بنروح تأخرت
سعاد: تمام حبي لاكن تعالي بكرا مشبعتش منك اليوم مهدرزناش لهيت😭
سحر: ان شاءالله سلام😻
سعاد: باي باي
✨....
روحت سحر لحوشهم
لقت نجلاء نايضه قاعده
نجلاء: روحتي. به كويس متأخرتيش
سحر: اي روحت شنديري انتي
نجلاء: حاطين فيلم مكسده نتفرج عليه
سحر: اها تو ندير فشار ونجي😻
نجلاء: هههه تم نستناك
ريان قعدت تفكر كيف تساعد قصي لين خداها النوم علي الصوفي
بعد شوي طلع قصي من داره بعد ماهدى يبي المطبخ
شاف ريان وهيا راقده علي الصوفي بلا غطاء
وشعرها جاي علي وجهها والوسادة في ايدها
قصي: يارب صبرني منبيش نظلمها معاي💔
جا قصي حول خصلات شعرها من علي وجهها
الطفولي وبعدين رفعها
ريان تحركت شوي وحطت رأسها علي صدره💓
قصي وقف لحظة يشبحلها
بعدين مشا لدارها حطها علي سريرها وغطاها
ورجع هوا لداره
_____✨
الصبح
ريان قاعده في سريرها تتكسل
ريان: اخخ رقبتي بنمووت شكلي رقدت رقده عوجه امس
ناضت ريان تلم في شعرها فوق في كوده
وطلعت للحمام غسلت وجهها.
خشت المطبخ لقت قصي لابس ومقعمز يفطر
ريان استغربت: صباح الخير
قصي: صباح النور هي وتي روحك وقت علي للجامعه
ريان😳 وقت علي شني
قصي: جامعتك وقت خفي روحك مش متتاخريش
ريان مستحيل نفهمه هالباني آدم هدا انا
قصي: انا برا بنسخن السيارة
فطرت ريان علي السريع بعدين خشت بدلت وطلعت
لقت قصي مقعمز يستنا فيها
ركبت ريان وانطلقوو
ريان: بتروح بيا انت؟
قصي: مفيهاش سوال هدي في غيري؟ وشبحلها
ريان ابتسمت وتبعت الطريق معاه💓
نزلت ريان ومشا قصي للعمل
قصي خش للمكتب وقعمز
جمال: قصي مبكّر اليوم
قصي: مش عارف خيرني حاس روحي مليح اليوم
جمال: هههه دوم ان شاءالله حبي
جاهم خالد في أيديه نسكافى
خالد: تفضلو علي حسابي
وقعمزو قعدو يهدرزو
_____
في الجامعة
ريان: بنات تعالن متت من الجوع
موده: حتي انا بناخد هي فوتي
فاطمه: انا نكمل كتيبتي ونلحق
ريان: تمام تلقينا مقعمزات
فاتن ريان وموده للمقصف شوي شبحت الشاب نفسه متاع الرقم
ريان: موده استني تعالي نرجعوا
موده: خيرك؟
ريان: معش خاطري نبي نرجع
موده: ريان قولي شن شفتي
الشاب شبح لريان لقاها تشبحله
ريان حولت نظرها من عليه: في شخص اهنا منبيش نصادفه
موده: تعالي نمشو للقهوه امالا
ريان: ايه هيا
الشاب ناض ولحق عليهن
_____
نجلاء : ت خلااص ي روحي اسكتي ماما
سحر : مابعدك تعرفي نشفق عليك مرات😂
نجلاء: ايه اسكتي اسكتي ماتتشمتيش اليوم دورك حيجي يوما ما
سحر : بس صغاري حيكونو هادئين ومادبين عادي😌
نجلاء: سحر نوضي ديريلك حاجة قاعده علي راسي تزني😏
سحر: اسمعي مستحقين حاجات تعالي تمشي معاي السوق القريب
نجلاء شاده الصغار يعيطو: لا والله نمشي معاك ونسيبو هادو في الحوش ولا؟
سحر: ووه به انا طلعت
نجلاء: به انتي ماشية ماشية هاك فلوس جيبيلي شمالات وحليب
سحر:😳 شني
نجلاء: كملوو من عندي تعرفي امس عبودي قعد بلاش
سحر خدت الفلوس وطلعت هكي😭
😂😂
يوسف كاين يدهور بسيارته في السوق
يوسف: ازح هادي شن اتدير اهنا😂
شاف سحر خاشه لمحل أطفال لحق عليها
يوسف: بخ
سحر: ووه منين طلعتلي انت😳
يوسف: كبستك شن اتديري في محل اطفال😂
سحر: شن دخلك 😑
يوسف: هيئ احترمي اللي اكبر منك مش معناته
كان قاعده في ارضك وبين ناسك تتجكتري عليا😂
سحر شبحت بحداها لقت عرم صغار يعيطو
ويجرو مدايرلنهم ألعاب في المحل
سحر: ههه واو مبردك حول من قدامي
يوسف حول مبتسم ودار ب أيديه الطريق
سحر:😒😒
سحر مشت جيهة الشمالات ويوسف وراها يمشي
سحر خدت زوز حطتهم في السلة
يوسف: 😂😂 لمن تشري فيه
سحر: ولاد اختي
يوسف: اها 😂
سحر مشت خدت حليب وجت بتخلص ويوسف واقف معاها
اللي يخلص شبحلهم
الراجل: ره الشمالات هادو كبار للي عمرهم اربع سنين..
أنتم كم عمره ولدكم ولا بنتكم؟ مش نجيب المناسبات لأعمارهم
يوسف ابتسم وشبح لسحر وسحر شبحتله وشبحت للراجا😳 وقالت
سحر: نبي لعمرهم سنتين
يوسف قال بسرعه: لي بنتنا لو سمحت😂
الراجل: تمام شوية بس
سحر: ي صامط شن تقول
يوسف: اسكتي جا جا😂
الراجل مدهله: تفضلو شرفونا ديمه وربي يهنيكم ويحفظلك بنتك
سحر خداته منه: شكرا وطلعت
يوسف: ويهنيك تسلم ويحفظك حتي انت😂
ولحق علي سحر
يوسف: ت استني ازح خيرك طايره
سحر: مستعجله مش فاضيتلك😒
يوسف: به خيرك حمقتي نبصر ره
متصدقيش😒😂
سحر: هاها لا هادا مناقص اكيد تبصر
يوسف: ايه
سحر: هيا سلام
يوسف سلامات ومشا ركب سيارته
وسحر كملت طريقها
______✨
قصي أها كويس
جمال ناض روح
خالد : قصي هادو ليك من امس
قصي خدا الوراق وحطهم علي الطاولة
خالد: انا طالع للمكتبه تبي حاجه
قصي: لا سلامتك مانبي شي
طلع خالد من المكتب وقصي رجع هل الكمبيوتر
شوية وشبح لساعته لقاه وقت علي ريان خدا جاكيته وطلع
______✨
ريان وموده مقعمزات علي الطاوله ويفطرن
ريان: معش في محاضرات ولا؟
موده: لالا في متاع أستاذ محمد بس غايب
ريان وهي تشرب في قهوتها: اها لالا مش حنحضر
موده: ولا انا خلاص نبي نروح
ريان: هههه زيك
موده: زيني عينك انتي تروحي تلقي راجلك
معاك😻 وانا نروح لهزايب نبع الحنان تبيني نغسل الماعين😭
ريان اتضايقت حطت القهوة علي الطاولة
وابتسمت بلا نية مقدرتش ترد💔..
علي اما راجل تحكي؟...
تحسابني سعيدة وحياة ماناقصها شي ..
ياريت امي تهزبني مش نغسل الماعين..
ياريتها حية! والله نغسل الماعين لآخر نفس نتنفسه..
وياريتها تهزبني كل يوم بس تقعد قدام عيوني ونصبح عليها ونمسي علي صوتها💔..
ياريت ياريت ياريت
ريان شدت روحها مش متبكيش وكملت شرب قهوتها قدام صاحبتها..
موده: بنجيب كندر نجيبلك معاي
ريان: جيبي😻
ناضت موده وريان سرحت في الفنجان
فجاءه
..: عفوا ريان؟
ريان رفعت رأسها لقت الشاب واقف عليها
ريان: شن تبي مني خيرك متتحشمش
الشاب: غر اسمعيني والله انا..
ريان وقفت قدّامه وحطت يدها قدامه: في خاتم
اهواا تشبح فيه ولا تبي نظرات
الشاب:😑
ريان نزلت أيدها وجت بتاخد شنطتها وبتمشي
شوي الشاب شد ايدها
جت موده
موده: ريان😳
ريان شحت يدها منه ووخرت لقت موده واقفه وتشبح
ريان التفتت لقت قصي جاي تجاهم
ريان😱😱لاا
قصي جا للشاب وعطاه ضربه طيحاته وخلاته ينزف
قصي شبح لريان
قصي بحمق: اركبي في السيارة
ريان شبحت ولموده ومشت جسمها يرعش مع بعضه
قصي شده من سوريته ورفعه وقعد يضرب فيه في ضرب شين
قريب مات الولد تحت ايديه مش عارفه كيف هرب منه واختفي
قصي رجع للسياره مداير قرون ويطلع من دخان
قصي خش ومقال شي ولع السيارة وانطلقو
ريان تدعي في سرها خايفه
كان تلقا يخفف من السرعة مش ميوصلوش للحوش
ت علاش ساكت هزبني عيط دير اي حاجه لاكن أرجوك متسكتش هكي💔
مبتش حتي تتنفس من الخوف قعدت متجمدة لين وصلوا..
نزل قصي ونزلت ريان بعده
خش بسرعه قبلها للحوش
ريان تبي تهرب و لا تخش للحوش بس
خافت يزيد يكشخ عليها مشت تجري لحقت عليه
لقت الباب مفتوح خشت لقاته يحوس في الصالة
قصي شبحلها:😡 هادا علاش بتموتي تبي الجامعة هااااا علي هادا الزفت ولد ال..
ريان سكتت قعدت ترعش من عيونه وكيف يفنصو
قصي كشخ: تكلمي قولي اي شيئ خيرلك خيرك ساكته
ريان متحملتش قعدت تبكي بالعبرهً
قصي: دموع التماسيح والله ما هُن عليا..شن بتتكلمي ولا لا!
ريان: والله منعرفه جاني بروحه😭
قصي: اسمعي ره انتي سكتلك هلبا ره مش
معناته تتخطي حدودك واتديري اللي تبيه فاهمة
ولاااا تفهمي فيا تسمعي فيا شن نقول
قصي حمق كسر الفخار اللي علي الدولاب وطلع من الحوش
. المطر كانت تصب وصقع هلبا..
كان قصي يسوق في سيارته في كل مكان مش يهدى من روحه...
ولما اقترب من الحوش خربت سيارته فجأه
وقف قصي سيارته ورجع للحوش مشـــــــي
كان الجو صقع ولما وصل للحوش كان مبلول ويحس بالصقع دق بــــاب شقته
وفتحتله ريان الباب وطاح مغشي على الارض
ناضت ريان ورفعاته للدار وسهرت بجنبه طول الليل ودارتله الكمادات كان قصي يهمهم من كتر الصقع عطفت عليه ريان وحضناته زي ماتحضن الام ولدها. بدت حرارة قصي تنزل كان قصي كل ما يفتح عيونه يلقا ريان تشبحله وهيا تبكي على حاله، حس بانها صادقه في مشاعرها
الصبح ناض قصي لقا روحه في دار ريان وعلي سريرها
ريان حاطه رأسها علي حاشية السرير واخذها النوم
قصي أنصدم وتذكر انها سهرت عليه الليل كله
ريان تحركت شوية وفتحت عيونها..
يتبع
