ادمنت مدمن مخدرات

الحلقة 6

#ادمنت_مدمن_مخدرات
🌹 حلقةة 6  🌹
ريان: اهلين😳
نجلاء خشت: اهلين بيك😍
ريان: تفضلي قعمزي
خشت دارت قهوة وقعمزن يهدرزن
نجلاء: اي متعرفناش هلبا شن جوك وشن
مدايرين
ريان: الحمدلله اهو وانتي شن جوك وكيف حالك صغارك
نجلاء: سلمك حبيبتي كويسين
ريان ابتسمت
نجلاء حطت يديها ع رجلها و قالت: ايي شن قصي معاك مش واعر ولا واعر؟
ريان في خاطرها نفس السؤال ازف شن بنقول
ريان: الحمدلله
نجلاء: احكيلي حبي زي اختك
ريان اياه علينا اكيد عارفه خوها هادا علاش تسال😒
ريان: عادي اي
نجلاء: اها كويس وقعدت تشبح لريان
ريان امتا بتروح هدي افف نبي نقرا
✨تـٌـٌٌـڛـ,ـريعٌـِـِِـِـ آلُـِـِِـِِِـِِـِـآحـًـًًـًًًـًًـًـڊآثُ✨
قصقصت نجلاء ع اللي تبيه وروحت ورجعت
ريان تبي تقرا بس راسها يوجع فيها وصداع
خشت رقدت في سبات معش حست بشي..الا
لما سمعت حاجة طاحت داخل ناضت لقت قصي
باين مش طبيعي ومش قادر يمشي خطوتين
وطيح مزهرية ع الارض
ريان: قصي
ريان خافت منه شكله يخوف عيونه حمر وجسمه
مش متوازن وعقله مش في مكانه
قصي: تعالي
ريان وخرت خايفه
قصي: ريان تعالي قتلك
ريان ترددت: اا ن نعم
قصي شبحلها لقاها ترعش رفع جهة شاربه هازي
مشا للصالة وقعمز رخا جسمه وقعد يخرط يقول
في كلامه مليشي معناه بكل
ريان وقفت من بعيد تشبحله ومقدرتش تقرب
قصي ينهد ويهدرز مع روحه ومرات يضحك
ومرات نبرة صوته ضعيفه كانه موجوع
ريان حست في حاجة غريبه وتذكرت وعدها انها
بتساعده ف تشجعت شوية وقربت منه
وقعمزت جنبه وقعدت تشبحله وهوا يهلوس
قصي وقف وشبحلها وبعدين ابتسم
قصي: اسف
ريان انصدمت من الكلمة
ريان: علاش
قصي راسه تقيل مش قادر يقعمز شوي اتكى ع
الصوفي ونهد: مكنتش نحساب امك متوفيه
ريان عيونها كبرو وقعدت مصدومه فيه
ريان معرفتش شن تقول حيي عليا سمعني
نهارها وانا نبكي سمع كل شي
قصي شبحلها: حتي انا
ريان شبحتله: شنو
قصي اتكى ع الصوفي وكمل: امي سيبتني
ريان وجعها وقعدت مركزه ع اللي بيقوله..
قصي من صغري معندي حد وماحد يدور فيا
اصلا لو كانت تحبني ماكانتش سيبتني وانا
محتاجها اكتر من اي حد تاني..كنت طفل اي
حاجه قالوهلي صدقتها وانولدت فيا كراهية
الناس والعصبيه من اللي عشته ايام المدرسه
والصغار..محد كان حاس بيا كلهم عندهم
امهات وعايشين بسعاده وانا شافوني نختلف
عليهم..فشلت في قرايتي, كبرت ودرت شلة,
خالطت الناس الغلط وحسيتهم هما صحابي
وهما اللي يدورو فيا لان حسيت بفراغ بداخلي
نروح للحوش خواتي كل وحده ف دارها
‎وميكلمنش فيا الله اعلم علاش, خايفات مني؟
‎وبوي يهزب وكان رديت عليه نحصل طريحة نرقد
‎بيها ويحرم فيا من الاكل يقولي اعتمد ع روحك
‎ف تشردت وقعدت نطلع ونروح متاخر بكل ونفس
‎الروتين نتهزب لين كرهته بوي ومعش نطيق نقغد
‎ف الحوش بكل
‎ريان تسمع ومصدومه من قصي كيف يضحك
‎مستهزئ وهوا يحكيلها
‎قصي: انتي مش ملزومه بوجع الراس ف لو تبي
‎الباب قدامك, صدقيني مش حنمنعك
‎ريان انصدمت من اخر حاجه قالها وقعدت
‎تشبحله بعيون مفنصات
‎ريان: قصي نوض ارتاح بلكي تعبان غدوا نهدرزو
‎قصي: خليني
‎ريان في خاطرها منقدرش نرقد ونسيبه هكي
‎ريان: مش انت بس عشت طفولةكئيبه وواجهت صعوبات
‎قصي سكت وشبحلها مركز ع جملتها
‎ريان شبحتله وابتسمت
‎ريان بعد امي توفت بوي تجوز مش منحسوش
‎بحاجة ناقصه وحد يهتم فينا وياريته ماجابها
‎كنا حنكونو احسسن بهلبا ويمكن انا كنت في
‎مكان تاني توا مش اهنا بس كل حاجة ليها
‎حكمة ونصيب وتاملت قصي اللي يشبحلها
‎وساكت
‎ريان كملت: كنا صغار هلبا بس نعرفو من كانت
‎امنا وانه هادي مش امنا..ف متقبلناهاش وهيا
‎محبتناش انا وخوي يوسف كرهتنا وتغيب فينا
‎من المدرسه مش هيا ترقد ولو نفسدو ولا نكسرو
‎حاجه بدون قصد ننضربوا في ضرب شين
‎ومتلبسش فينا نلبسسو بروحنا, هيا طيب بس
‎وتحطلنا ناكلو وبين فتره وفتره زعميته تساعد
‎فينا ف الواجب قدام بوي بس..طبعا بوي يخدم
‎ف صحراء ف نفط بشهر مايجيش ديمه ف
‎واخده راحتها الانسه وقعدت تبكي
‎قصي متحركش ومقال شي قعد يراقب وساكت
‎ريان مسحت دموعها: نبي نرقد وناضت لدارها
‎وقصي راقبها لين خشت وصكرت الباب
‎قصي نهد وقعد سارح في كلامها
‎الصبح
‎في حوش ناصر
‎يوسف بدل وبيطلع
‎فتحيةة:بتطلع لريان؟
‎يوسف بدون مايشبحلها: اي لريان ومعطهاش
‎فرصه ترد فتح الباب وطلع
‎عند قصي
‎قصي: اخخخ ظهري شن مرقدني اهنا انا,
‎وصداع مش طبيعي خلاصص
‎طلعت ريان من دارها وشبحت قصي حاط يديه علي ظهره
‎ريان: رقدت اهنا امالا ههههه تستاهل
‎قصي شبحلها ومش متذكر شي سكت ومردش
‎خشت ريان للمطبخ بتوتي فطور
‎قصي: شن خرطت امس انا
‎ قصي تذكر كلامها وكلامه شن قاللها وكيف قعدت تبكي..
‎قصي: لا شن قلت انا تو تحسابني نبيها تشفق عليا ازح
‎ناض قصي غسل وجهه وخشلها ف المطبخ
‎قصي حك راسه: صبح الخير
‎ريان فتحت التلاجه: صباح النور
‎قصي قعمز يراقب فيها: امم ع امس
‎ريان: خيره امس
‎قصي شكلها متذكرش حتي هيا كويسسس
‎قصي: اها قتلك حاجه انا
‎ريان شبحتله: اي حكيتلي قصة حياتك كلها وانا سمعتها
‎قصي: اياه تبصري
‎ريان: والله هههههههه
‎قصي تحشم: اه تعدليش مكنتش واعي شن نقول
‎ريان: علاش شن قصدك الكلام اللي قلته مفيش منه
‎قصي: لا في, قصدي..ومكملش جملته وغيرها
‎لي..هيا وتيتي الفطور جعان ازف وهوا مرتبك
‎ريان: واتي وقعمزت وهوا جا قعمز جنبها
‎فطرو وناضت ريان اتضم في الحوسه وقصي طلع
‎خش يوسف الشارع متاعهم نزلودق الباب فتحت
‎سحر
‎يوسف:😳
‎سحر: اهلين؟
‎يوسف: اسف لاكن نبي ريان كلميهلي😁
‎سحر: ههه ريان تسكن فوق مش معانا
‎يوسف: حقا هههه
‎سحر: اي
‎يوسف: اها شكرا
‎سحر: هههه عفوا
‎يوسف قعد واقف ويسبحلها
‎سحر: ناوي تركب ولا بتقعد اهنا تشبحلي😂
‎يوسف تحشم هلبا وركب بدون مايقول حاجه
‎دق الباب وفتحوله
‎ريان: يوسف 😍
‎يوسف: ههههه مفاجاءه
‎ريان فرحت هلبا احلي مفاجاءه خش
‎يوسف شاف حوشها وقعمزو جميع ضيفاته عصير
‎ريان: يوسف مش حتروح حتعيش معانا
‎يوسف: هادا مناقص متريح انا
‎ريان: اكدب ع حد تاني
‎يوسف:مش عيل انا ره
‎ريان: من قال عيل انا نبيك قدام عيوني
‎يوسف: به به غيري موضوع
‎ريان: به, شن جوو القرايه؟
‎يوسف:لالا قصدي موضوع تاني
‎ريان: موضوع شني
‎يوسف: في بنت شفتها وانا راكب تسكن تحتكم
‎ريان: اها هههههههههه تقصد سحر انت
‎يوسف: سحر😍
‎ريان: وووه خطير انت فوتها واشقا بقرايتك
‎يوسف: سمعت شيبانيكمرض كيف حاله به
‎ريان: الحمدلله ان شاءالله يتحسن
‎يوسف:ان شاءالله يعيش مش يوافق
‎ريان: ع شن
‎يوسف: علي شي, وين راجلك؟
‎ريان: طلع يجي العشيه
‎يوسفك هي نشوفوكم امالا
‎ريان: ت وين محلك قعمزت
‎يوسف: لا بنطلع
‎ريان: ماهي صايره هي اقعد
‎يوسف:ريان ره معش نجي غر مستعجل
‎ريان: باهي به😒
‎يوسف وقف وسرح شويه ف ريان ابتسمت
‎ريان: به انت نازل نازل دق ع سحر قولها ريان تبيك اركبيلها
‎يوسف شبح لريان وضحكو الزوز
‎نزل يوسف ودق ع سحر ومبتسم
‎فتحت الباب و
سحر: انت مره تانيه شن تبي😂
يوسف: مصحك شن ندير بيك😒
سحر: به علاش اتدق😪
يوسف: ريان تبيك اركبيلها😂
سحر: اها تمام تو نركبلها
يوسف: ميه ميه هي سلامات
سحر: طير😐
يوسف: ناس معشش تتحشم ازح😒
سحر طلعت وصكرت بابهم : مكتر دوتك انت وو
يوسف: هههه به به انتلفي لريان مبعدها من هالشكال
سحر:😒😒🤦‍♀️
طلع يوسف لسيارته وتوكل
سحر: ووه مبرده خوك ريان ريقي يبس
ريان: خيره شن في ههههه😳😂
سحر: حالته حاله😂
ريان: هههههه عيوني هادا
سحر: 😂😂
ريان: حقااا ي بنت تعالي نبيك
سحر: ان شاءالله خير😑
ريان شدت يدها ورفعتها للصالون وطلعت مذكره
سحر: بِسْم الله بيحققوا معاي 🤓
ريان: هههههه ما شاءالله عليك شاطره
سحر: ان شاءالله نفيدك شن تبي تعرفي😂
ريان: قُصي
سحر: اها به
ريان: احكيلي عليه به شن يحب؟ وشن ميحبش؟
وشن موهبته وشن اكتر حاجه يحب يديرها ووو
سحر: اياه انا بروحي خاطري نعرف
تصدقي😕
ريان بلا براده ضروري تكوني عارفه حاجات عليه خوك هادا😒
سحر: اممم به😂 نتذكر يحب كرة السلة ويحب
السباحة زمان خاش مسابقة كرة سلة وحصل
ترتيب الاول
ريان: هادا علاش رايحلي عمود ضي ازف😕
كملي كملي😂
سحر:..ويحب المكرونة 😂 وشن يحب تاني؟؟؟
والله منعرف هي
ريان حاليا ولا معلومه فادتني😒
سحر اها وطيب هلبا ره ! حتي ولو مش باين عليه بسس مفيش احن من قلبه💜
ريان 😍😍
سحر لونه المفضل نتذكر فيه موف كان مغيراش 😂
ريان حقااا😍 تعال نوضي ترا
رفعتها لدارها وطلعت فستان موفي ولبساته
سحر: ....
___________
رحاب: خيره صاحبك سارح
جمال: خليك من صاحبي انتي اشبحي اهنا😍
رحاب ضحكت غر كلمه شوفه خيره
جمال: اما واحد؟
رحاب: لابس أكحل 😍
جمال: اها قصدك قُصي ت هادا خلي بروحه
كل يوم بمزاج
رحاب: قُصي ! اها ...
جمال ناض لَبْس جاكيته
انا درهت كبدي من المكتب طالع من شم هوا
تجيً معاي؟ 😉
رحاب كذبت: اها لالا عندي حاجه لازم نكملها اليوم المره الجايه😉
جمال: تمام انا طالع
طلع جمال وناضتً رحاب قعمزت جنب مكتب قُصي
رحاب: أهلاً
قُصي مباش يشبحلها
رحاب زادت قربت وحط يدها ع كتفه وقالت..
قُصي شبحلها😳
يتبع