#ادمنت_مدمن_مخدرات
🌹. الحلقة 21 والاخيرة 🌹
تعرفي انه عندك ثقب في القلب وهادا يمكن يأثر علي الولادة
ريان: ايه نعرف💔 من وانا صغيره عندي بس أرجوك متقوليش لخوي لانه ميعرفش ب هالشي.
الدكتور: بس هادا خطير عليك لأنك مش مؤهله للحمل!
ريان: ي دكتور انا بنجيبه ولدي مهماً كان بارك الله فيك
ناضت و روح بيها يوسف
مرو الشهور وريان كل يوم تتعب اكتر وبطنها توا كبرت والجنين يتغدا منها ومن عظامها.
اليوم في التاريخ 28 - 4
جا يوم الولادة!
مرقدتش ريان طول الليل وجع بطنها خيالي طلعت ريان تبكي من بطنها
رفعها يوسف للمستشفي
دخلوها طول للإسعاف وقالوا حالتها في خطر
__________
قصي كان يجهز في روحه مش يمشي لصالة العرس
لَبْس بدلة رسمية ومشط شعره للورا وبخ عطر
معازيم كانوا شوية مش هلبا
والصالة صغيرة
رحاب طلعت من الكوفيره واهي توا مقعمزه في الصالة تستنا في قصي ..
قصي خدا تاليفونه وطلع حس روحه مش متريح
_________
ريان اهنا دخلوها غرفة العمليات
يوسف طلب يخش معاها مخلوشي
يوسف: باهي ي دكتوور طمني عليهااا
الدكتور: الجنين سليم وحالته مستقره لاكن الام في خطر!
عندها ثقب في القلب والحمل مآتر عليها في احتمال نخسرو واحد منهم 💔
يوسف أنصدم من كلام الدكتور وفسر كلام وحركات ريان في الفترة الاخيرة
حس بيها داسه حاجة عليه ومتبيش تقول قاعده تعاني بروحها بروحها!
يوسف: ريان احنا امتا دسينا حاجة ع بعض ي
ريان💔 علاش هكي تعدبي في روحك ي ربي ساعدها ي رب كون معاها ..
اختي ضعيفة نعرفها انا مش رح تتحمل أرجوك ي رب
يوسف متحملش حس روحه بينهار اخته بتضيع منه
خدا تاليفونه واتصل ب قصي
يوسف: لازم يعرف
بعد تسع شهور ماشبحش فيهن وجهه ولا سمع فيهن حاجة عليه!
.
.
.
قصي طلع ودخلوه صحابه للصالة وفاتحين أغاني وهرجة في الصالة
شبح لرحاب لقاها تبتسمله وشكلها غريب حاطة مكياج هلبا
في هادي اللحظة تذكر قصي يوم عرسه هوا وريان!
وكيف خش للصالة ووقف جنبها حامق وهيا
كاينة تشبحله وعيونه كانهم يدورو علي حاجة فيه!
وكيف رفعها للحوش وهديك الليلة تذكرها بتفاصيلها ..
لما روح سكران وضربها! ولما هربت منه وقعدت تبكي !
حس بغصة وتأنيب ضمير
مرت تسع شهور ومشفهاش فيهن!
زعمه تغيرت ولا قاعده زي ماهي؟
وزعمه نستني ولا قاعده تدكر فيا؟
استاحشت صوتها فجاءه علاش!
بعدين !
تذكر كلام جمال هديك الليلة
تذكره جملة ورا جملة، كلمة ب كلمة، حرف بعد حرف!
قصي كمل خطواته ناحية كوشة رحاب ووقف جنبها.
المعزومات قعدن يزغرطن وركبوا واحد بعد واحد يباركولهم
رحاب: قصي ابتسم شوية أرجوك خيرك
قصي طلق ايدها!
حس روحه مضايق وباله مشغول
فجاءه جاه اتصال ..
قصي طلع نقاله من جيبه والنَّاس كلها تشبحله
قصي فتح الاتصال وحطه في ودنه بدون مايقرا اسم المتصل!
وقبل لايتكلم الطرف التاني تمناه تكون ريان ويسمع صوتها
قصي قعد مركز بكل أمل لين قطع عليه صوت يوسف في التاليفون.
يوسف: مرتك في غرفة العمليات قريب تجيب وحالتها خطيره احتمال نخسروها او نخسرو الجنين💔 !
قصي جاته صدمه
راح صُم معش سمع شي بعد هالجُمل!
لا اغاني لا زغاريط لا ناس تبارك.
مايسمع في شي الا كلمات يوسف قعدن يطقن في ودنه
قصي حس الصالة غمت عليه وراحت تهز فوق ولوطه
فجاءه استوعب وفهم كلام يوسف!
قصي رجعله عقله واللي فهمه وكان متأكد منه مليون في المية انه مستحيل يخسر ريان!
مستحيل يعيش من دونه - لا مستحيل! 😳
قصي أنصدم قريب انهبل طلع يجري من الصالة
كلهم انصدموا واكترهم صدمة رحاب!
العريس هرب من يوم عرسه وسيب عروسته!
قصي يسوق بسرعة وهوا مش واعي علي نفسه
مايشبحش في السيارات قدّامه !
يجري وخلاص ..
وصل للمستشفي قعد يجري جهة الإسعافات
قصي: ريان وين جيبولي ريان نبيييي ريااان انا
وينهاااا ارجووكم ساعدوهااا متضيعوهاااش من
بين اديكم ياربييي ساعدني ياربيي انا خلااص
انتهيت يارب ضعت معش نعرف طريقي يارب تحفظهلي ياررب
يقعد يجري لين يلقا يوسف في الممر
قصي يجيه يجري: وين ريااان وينها!!
يوسف يبكي عيونه مليانات دموع
قصي: لا ياربي لااا ياربي ساعدني ياربي لطفك وعطفك يارب لاااا مستحيل وينهم
يوسف الجنين سليم💔 لاكن..
قصي نبي ريان اناا ريااااااان شن حالهااا؟ ووينهااا
يوسف قاعدين في غرفة العمليات قالوو قلبها
وقف💔😭 ويحاولو يرجعولها النبض
متحملتش الحمل واعر عليها عندها ثقب في القلب مبتش تقول عليه لحد💔
قصي حس روحه دايخ ومش مستوعب شي
رجليه ماحملوشي طاح ع الوطا وحط يده ع راسه
قصي يارب لا يارب اغفرلي يارب نطلب سماحك
عليا يارب تحفظهملي يارب😭 يااارب معنديش
غيرك ياربي خسرت اللي خسرتهم سادني
ياربي والله شعفت يارب احفظهملي💔
قصي متحملش ناض وخش لغرفة العمليات ..
جوه الدكاتره يطلعو فيه
قصي يبكي ت حول مرتي هدي حول
الطاقم تجمعو مش يطلعوه
مفيش فايده قصي قوي هلبا !
الدكتور شبح لقا مفيش نبض💔
الدكتور قاللهم لبسوه وخلوه يخش ع اقل يشوف مرته لآخر مره
خش قصي لبسوه الحماية والمعقمات
وجا يجري لريان
كانت ضاعفه ومتغيرة مش نفسها ريان قبل تسعه شهور؟
قصي جا بحداها
قعد يمسح علي رأسها ويبكي
قصي: ريان حبيبتي نوضي ي ريان نوضي فكينا من الدلع ره نحمق عليك خلاص رجعتلك انا وبنرجعك لحوشنا.. ريان أرجوك ي ريان نترجاك تردي عليااا ريان نكلم فيك سامحيني واللهي ماكنت عارف قيمتك💔 كنت غبي وأعمي مشبحتش كمية البراءه اللي في قلبك ومفهمتش قيمة مشاعرك ليا وظلمتك معاي وعايشتك عيشة لو شخص تاني متحملش يقعد معاي وتحمل اللي تحملتيه انتي💔 ريان اسمعيني ي ريان وقعد يبكي. دموعه قعدوا ينزلو بروحهم
وجهه راح مليان دموع و حتي وجه ريان معاه!
الدكتور فتح عيونه فجاءه: 😳 في نبض
جا طاقم يجرو وعدلو الخيوط وبعدوا قصي بعيد قعد واقف يشبحلهم ويرعش علي. ريان
الدكتور: طلع الجنين قبل لا نخسروه
قصي لما سمع الكلمة هدي انهااار كله مني
انا السبب اناا اللي عذبتها قبل وقاعد نعذب فيها توااا هادا كله بسببي بسببي
جاه الدكتور: لو سمحت اهدا شوي هكي تصعب في الأمور علينا
قصي: كانت مساهمة ع انه انا نتعالج ونرجع لصحتي ونكون كويس ومهتمتش بروحها هيا ! ولا حكتلي ت كيف بتحكيلي وهيا تخاف حتي تشبح في عيوني💔😪 انا السبب ي رب خودني وريحني حياتي معش ليها طعمة بلاها معش نبي نعيش حياتي اتدمرت بالكامل ..
فجاءه ! قطع عليه صوت الجنين يبكي
قصي قلبه وقف رفع عيونه شبح الدكتور شاده في ايده ويمسح في وجه طفل صغير يبكي💓
قصي حس قلبه بيطلع وجسمه ناض شوك
هادا ولدي!
قصي خاف يقرب ولا حتي يلمسه قعد واقف من بعيد ويراقب..
الدكتور: الحمدلله في نبض استمرو ره تهملوها
قصي اهنا رجعوا عيونه ع ريان
جاه الدكتور: لو سمحت توا لازم تطلع وتوثق فينا تخلينا نساعدو مرتك
قصي قعد يشبح للدكتور: معنديش غيرهم أرجوك تنقذها 💔
الدكتور ابتسم ابتسامه طمنت قلب قصي وطلع من الغرفة
يوسف: ها شني شفتها شن حالها تكلم طمني
قصي: رجعلها النبض
يوسف فرح وقعد يشكر ويحمد في ربي💓
قصي كمل خطواته التقال
الممر كان طويل وفاضي
قصي حس روحه حقير وكره روحه
قعد يمشي لين شبح غرفة الأطفال اللي كيف طالعين من الولادة
شاف ممرضة خاشة وحطت ولد علي السرير اللي مقابل قصي بالضبط 💓
قصي قعد يشبحله ويتأمل فيه فتره ..
كمية البراءه !
بعدين رجع خطواته لوين ما كان يوسف واقف - قدام غرفة العمليات ... بس!
ملقاش حد!
الغرفة فاضية ويوسف مهناش !
قصي خاف سرع خطواته وقعد يدور عليهم في
الممرات لين شبح غرفة لمح يوسف مقعمز فيها!
جا يجري خش لقا ريان راقده ع السرير وفاتحة عيونها !
قصي فرح قريب طار من الفرحة!
ابتسم وحمد ربي
ريان انصدمت لما شبحاته! شبحت ليوسف لقاته موطي راسه وميبيش يشبحلها
يوسف ناض وطلع من الغرفة ..
قصي قعد يشبح لريان وقدم بيقعمز جنبها
ريان: لو سمحت اطلع!
قصي حسها زي اللي ضُربه بموس
قصي: ريا..
ريان شبحتله: اطلع ولا نجيبلك الشرطه اطلع منبيش نشوفك
قصي طلع وهوا قلبه متقطع 💔
يوسف شبحله جاه وحط يده ع كتفه
يوسف: خليها توا مزال تعبانه أرجوك متكلمهاش او تعصبها 💔عاشت مايكفيها من قهر
قصي شبحله هز راسه ومشا قعمز ع الكراسي برا الغرفة
ويوسف نزل للمقهي يجيبله في اميه
في الليل
يوسف روح يجيب في دبش لريان وقصي قعد قدام غرفتها مخلاتاش يخش
شوية وتجي الممرضة جايبه ولده في ايدها ومتجهة جيهة دار ريان!
قصي ناض وهوا يشبح للممرضة
جاها: لريان ال@&؟
الممرضة: ايه جبتهلها مش ترضعه💓
قصي: انا نعطيهلها
الممرضة قعدت تشبحله
قصي: انا بوه يعني راجل ريان
الممرضة ابتسمت ومدتله الولد: هكي شده ها مش ميطيحش لا قدر الله
قصي عيونه لمعوا وقعد يشبحله
الممرضة: نحس فيه بيشبهلك علي فكره😊
قصي ضحك ومحولش عيونه من عليه
قصي: خلاص تو نعطيهلها
الممرضه: تمام ومشت
قعد قصي واقف شوي بعدين وخر وقعد يمشي جهة غرفة ريان
فتح الباب وخش
لقاها راقده قدم اكتر وجا بيحطه في السرير الصغير اللي بحداها - لاكن ريان فتحت عيونها وناضت!
ريان: شن اتدير انت هنا، شبحت الولد في ايده خافت ورعشت تحسابه بياخده منها
ريان: هاته من قالك خوده اطلع أرجوك تطلع😭
قصي مدهلها: ريان أرجوك معش تعدبيني اكتر اسمعيني نبي نكلمك قبل وبعدين نوعدك انه معش تشبحي وجهي
ريان خدت ولدها منه وباساته
قصي لما شاف المنظر هادا قلبه داب
ريان: مانبي نسمع شي اطلع
قصي: ريان نبوس إيدك اسمعيني لآخر مره بس💔
ريان شبحتله حست قلبها بيطلع خلاص بعد كل هالشهور واللي داره قاعده نحبه؟
قصي قعمز علي ركبته بجنب سريرها وشد يدها
ريان قعدت تشبحله
قصي: تعرفي ي ريان حسبت روحي بنخسرك ومعش بنشوفك والله بنموت من الفرحه قاعده قدامي توا وتشبحيلي
ريان: هه اختصر ولدي جعان
قصي: به ..صدقيني قيمتك مكنتش عارفها ومكنتش حاس بمشاعرك تجاهي تجاهلتك هلبا مرات وكنت واعي هالشي نبيك تسامحيني💔
ريان تجمعوا دموعها بس حاولت بقدر المستطاع تكون قوية
قصي: لما مشينا للمزرعه وتقربت منك اكتر وعرفتك اكتر بدت في مشاعر تولد تجاهك بس مكنتش متاكد منها كنت نتهرب من الحقيقه ونتهرب منك..
سرقتي تفكيري وتركيزي طول الاسبوعين وكل هادا ومزال مكنتش متاكد من مشاعري
ريان مركزه تشبحله ومش متحمله الكلام اللي يقول فيه تبي تبكي
قصي: تذكري يوم الحديقة؟ خفت نموت وقتها، خفت نموت وانا ظالمك وانا منعرفش مشاعري تجاهك!
بس الأيام اللي عشتهم في المستشفي ..
اهتمامك بيا وعطفك وطيبتك والحنية عليا ! وكل مانوض نلقاك مقعمزه تشبحيلي وعيونك حمر من البكا
وقتها ي ريان وقتها حسيت قلبي يكبر والمشاعر زادت حسيتك تربعتي فيه غصبن عليا
قصي رفع ايده ومسح دموعه وكمل ..
رَيَّان انا اليوم متاكد وعارف مليون في الميه انه مستحيل نعيش بلاك! كل شي فداك ي ريان غر أرجوك تقعديلي انا حقير واليوم ايقنت هالشي مستعد نوقف قدام العالم كله ونتاسفلك علي كل دمعة بكيتيها بسببي ي ريان نبيك تسامحيني
ريان دموعها نزلوا وقعدت تتنفس بسرعة: و..وبه...حبيبتك شن صار فيها؟
قصي شبح للوطا وريان غمضت عيونها عصرتهم من الوجع
قصي عاود شبحلها: مصار شي بيني وبينها صدقيني ي ريان ورب الكعبة مانحبها ولا لمستها! أرجوك صدقيني مكنتش بعقلي موت بوي اتر عليا هلبا كنت بنروح من المزرعه وبنراضيه نبوس راسه ونصلح وجع السنين بس الموت خداته وقطعت خيط الأمل اللي كان عندي!
عقلي مستوعبش اللي صار كرهت روحي بدل مانصلح الشي زدت الهم همين! وانا عارف واستوعبت هالشي متاخر هلبا ي ريان سامحيني
ريان قعدت تبكي ومقالت شي
قصي: تربحي قولي حاجة ي ريان متسكتيش خل نرجعوا لحوشنا ونوعدك نعوضك علي كل اللي عشتيه والعذاب اللي تعذبتيه بسببي
مستحيل نزعلك في يوم وهوا وبي عطاك حياة جديده ورجعك ليا..ريان تسمعي فيا به اشبحيلي💔
ريان تبكي : كملت؟ به اطلع ممكن
قصي قعد يشبحلها وشبح لولده بعدين ناض بالشوية ضاغط علي اعصاب يده!
قصي قدم خطوات بتجاه الباب وريان قعدت تشبحله وتبكي
بعدين فجاءه التفتت
قصي: رد بالكم علي بعض ريان اعتني بيه
ولدنا💔 ومتقصري معاه في شي وانا قلبي
مرتاح من هالشي وأرجوك متحكيلاش عليا
الحاجة الوحيده اللي ممكن اتديريها ع خاطري
متخليش ولدنا يكرهني💔 نفضل تقوليله مات ع
انه يكرهني ! هي مع السلامه
قعد يشبح لولده من بعيد بعدين التفتت وبيطلع
ريان بصوت مش قادره تتكلم منه من كتر البكا
: قصي!
قصي وقف لما سمع اسمه
ريان قعدت تبكي
قصي التفت وشبحلها
ريان شبحتله والخيوط مرشقه فيها في جميع أنحاء جسمها خشمها، رقبتها وايديها!
ريان مدت يدها بالشوية ناحية قصي: متسيبنيش ..
قصي بكا وجاها حضنها هيا وولدهم هما التلاته جميع💓
الباب كان مردود ويوسف كان واقف برا شبح المنظر شوي ابتسم
تسريع_الاحداث 🍃
روحوا قصي وريان وولدهم بعد ماقعدت ريان في المستشفي اسبوع تعافت فيه💓
سموه سراج معناته المنير لانه نوَّر عليهم حياتهم وعيشهم في سعادة يعتبر معجزة حبهم 😻💓
قصي أغرم بريان وعاشو احلي حياة مستحيل يزعلها ولا يبكيها
يوسف اعترف ل سحر بحبه وأخيرا سحر بدت تحبه💓
رحاب من بعد ليلة العرس قالو معش شافوها ولا يعرفوا عليها شي
والباقي كملو حياتهم اليومية ..🌹
وهادي كانت النهااااااااااااااااية
سعيده زي ماتبوها😂😻
__________
#منقوووول
