ادمنت مدمن مخدرات

الحلقة 11

#ادمنت_مدمن_مخدرات
🌹. الحلقة 11🌹
اليوم كله طالعه ومعنديش نت ره ي بنات😭
توا كيف روحت مالياش هلبا قلت لازم انزل ع اقل حلقة
كتبتها ع توا وعد غدوا نعوضكم💓
_
‎وصل للحوش كان مبلول ويحس بالصقع دق بــــاب شقته
‎وفتحتله ريان الباب وطاح مغشي على الارض
‎ناضت ريان ورفعاته للدار وسهرت بجنبه طول
‎الليل ودارتله الكمادات كان قصي يهمهم من كتر
‎الصقع عطفت عليه ريان وحضناته زي ماتحضن الام ولدها.
‎طلعت ريان بسرعه ملابس مش يلبسها وبعدها ساعداته مش ينوض من على السرير
اهو قصي وقف وريان بعدت عليه شوية
رايح زي الجثة الهامدة جسد بلا روح
وجعها هلبا رغم قسوته ليها
مسك ابطم قميصه وقعد يخلع فيه
انفتحو عيون ريان لفت وجهها وتطلع بسرعه من الدار
وقفها صوته الخافت: متمشيش
تجمدو رجليها في مكانهم وتتلفت تلقاه بلا قميص
هادي المره شبحت بسرعه للأرض وبدت بالمشي برا الغرفة
هادي المره وقفنها يديه العريانات وهوا ضامها ليه
قصي: متمشيش...خليك معاي محتاجلك
هادو الكلمات اللي همسهن في ودنها
وقفت ريان عن النطق وعن الحركة!
شن اتدير!
تبي تبعده عليها لاكن متقدرش تحرك يديها، تبي تقوله حول لاكن لسانها تعقد!
ابتعد عليها شوية وكمل تبديل ملابسه
وريان لافه وجهها علي جهة تانيه في جمود
بعد ماكمل تبديل ملابسه ارتمي علي السرير
شبحتله ريان لقاته مغمض عيونه والعرق يَتصبب منه
تسللت برا الدار جابت ميه مصقعه ومنشفه
قعمزت في الكرسي جنبه وبدت تحط في الكمادات علي راسه
‎ بدت حرارة قصي تنزل كان قصي كل ما يفتح
‎عيونه يلقا ريان تشبحله وهيا تبكي على حاله،
وقَعَدت هكي طول الليل وقصي يتمتم بكلمات ريان مفهمتهمش
الصبح ناض قصي قعمز علي السرير وحط يده
علي راسه ويتفاجأ بالمنشف علي راسه أنصدم
شاف علي يمينه يلقا ريان راقده علي الكرسي
جنب السرير وحاطه رأسها علي السرير
وواخدها النوم
قصي: انتي شن اتديري اهنا؟
ريان تحركت شوية وفتحت عيونها..
شبحت قصي ناضت بعدت علي السرير لين لصقت علي الحيط
نظرات قصي حاصرتها
قصي: شن اتديري انتي هنا؟
السؤال المليان اسىله وشكوك
ريان: اص...اصلا كنت ساخن امبارح ودرتلك كمادات
اختفت النظرات الحامقه
قصي: به خلاص تقدري تطلعي
استجمعت ريان قوتها وطلعت من الدار
وقصي قعد يفكر في شن صار امس
ليتذكر اخر شي....كيف حضنها وطلب منها تقعد بجنبه
حس بتقعشريره وصرخ باعلي صوته
: لاااااااااااااا
في الدار التانيه كاينه ريان مقعمزه ومش عارفه شن اتدير
قعدت تضرب في يدها علي رأسها من غباىها الشديد
ريان: شن اندير ياربي شن اندير......
احسن حاجة نوتي روحي ونطلع للجامعه
بدلت ريان ملابسها بسرعه وطلعت من الغرفة
لتتفاجا بقُصي طالع من داره حتي هوا
سرعت خطواتها مش تتفاداه
قُصي: ريان استني
ريان وقفت وشبحتله مستغربه
ريان بتوتر: في حاجة
قُصي: استني انا بنوصلك
ريان شبحتله بدهشة ومقالت شي
ركب قصي السيارة وركبت بجنبه ريان
وانطلقو للجامعه
مرن خمس دقايق ومحد تكلم
" ذلك الهدوء المخيف الذي يسبق لعاصفة.."
ريان قاعده مش فاهمة ب شن يفكر قصي
" مرات يبي يشكرني علي امبارح "
هادي الفكره اللي لعبت في عقل ريان
اقتربوا من الجامعة مزال مترات بس
وقف قصي السيارة وشبح لريان
قصي: اللي كنت نبي نقوله انه مهما صار امس
انا مش متذكره وياريت متفهميش اي حاجة غلط
لأني كنت تعبان ومش واعي
ريان مقدرت تقول شي غر انها هزت رأسها وطلعت من السيارة
ريان: انا بنكملها مشي للجامعه
انطلقت سيارته للعمل بلا مبالاة
ولاكن مابعد الطريق اللي تشوف فيه ريان💔...
قاعده متعودتش علي كلمات قصي القاسية الي تخترق في قلبها زي الرصاص..
______
سحر: به انا طالعة المدرسة
نجلاء: تمام
طلعت سحر وخشت نجلاء للمطبخ بتطيب
جاها اتصال
نجلاء: السلام عليكم
خلود: وعليكم السلام حبيبتي
نجلاء: اسفه من معاي معرفتكش؟
خلود: عيب عليك ت خلود معاك
خلود(بنت ولد عم بوها)
نجلاء: اهاااا خوخه شن جوك يافانص وينك
خلود: والله الكل لاهي ومعش تلاقينا
نجلاء: المهم كويسين
خلود: شن حال عمي
نجلاء: الحمدلله كيف خالكم انتم؟
خلود: الحمدلله الكل كويسين متصله بنعزمك علي عرسي 😻
نجلاء: شني كدااابه الف الف مبرروووك😻
خلود: ايه تعالي جيبي سحر وعمي وتعالو اهنا في المزرعه
نجلاء: انتي عارفه بوي مريض وسحر عندها مدرسة ف مش عارفه
خلود: نبيكم تجوو انا للمزرعه
نجلاء: والله انتي عارفه ماعندي مع من نمشي
خلود: تسيبيني بروحي في يوم زي هادا لازم تجي ره مادخلنيش
نجلاء : تو نشوف والله حتي صغار عندهم امتحانات
خلود: كلمي مرت خوك تجي حتي هيا عازمينها وتعالي معاها
نجلاء: حقا امتا هوا عرسك؟💓
خلود: الشهر الجاي لاكن ماعندي حد يحوس
معاي نبيك تحي قبل العرس بيش تنصحيني وهكي💓
نجلاء: خلاص تمام تو نشوفها وفي خارطرها مش حيخليها قصي تمشي.
______
قصي كاين مقعمز علي مكتبه وسارح جاته رحاب
قعمزت قدّامه
قصي شبحلها: خير؟
رحاب ابتسمت : لاشئ ودارت روحها تقرا في الورقه
قصي استغرب قعد يشبحلها
رحاب: امس فكرت في فكرة للمشروع نقولك عليها لو تعجبك😌
قصي وقف وناض قعمز جنبها: وين وريني وخدا الوراق وقعد يقرا
رحاب تشبحله وقربت منه وهيا باخه عطر قوي..
قُصي شم عطرها لين اختنق شوي ناض
شبحلها شوي وحول عيونه
: ايه كويس كملي وطلع من المكتب للمقاهي لوطه
رحاب: تهرب مني انا انت؟ 😒وناضتً لحقت عليه
لقاته يشري في قهوة عربية
رحاب جاته: حي عالصدفة نحسابك في المكتبه😅
قصي هز راسه وقعمز علي الطاولة
رحاب خدت قهوة وقعمزت مقابلته
رحاب وهيا تبتسم: حلو الجو اليوم ولا؟
قصي وهوا يخط في قهوته علي الطاولة ويتفرج علي الناس
: ايه ..
رحاب ابتسمت، قصي شبحلها وقعد يشبحلها..
قصي: ممكن نسألك سؤال؟
رحاب: طبعا☺️
قصي: منين تعرفتي علي جمال؟
اختفت ابتسامة رحاب
______
سحر مروحة من مدرستها وخاشة شارعهم
كرم: بخخخ😆
سحر نقزت: بِسْم الله خلعتني😡
كرم: 😂😂
سحر: شن الجوو😻
كرم: الحمدلله وانتي
سحر: الحمدلله💓
كرم: تعالي😻
سحر: وين?
كرم ماشر علي صدره: اهنا
سحر: كرم😳
كرم شد أيدها وشحها ضمها ليه
سحر بعداته عليها: كرم لو سمحت!
ومشت سيباته كرم لحق عليها
كرم: سامحيني خلاص نبصر عليك
سحر وقفت شبحتله برفعة حواجب وكملت طريقها
كرم قعد واقف يراقب فيها وفي خاطره اااه محلاها الفرخه💓
سحر وصلت لقت ريان قدامها
سخر: روحتي بكري اليوم؟😂
ريان: اي مفيش محاضرات
سحر وهي تفتح في الباب: اها
: احنا جينااااا
خشت. ريان وبعدها سحر تصكر في الباب
طلعت نجلاء من المطبخ شاده ولدها
نجلاء: طيبت غدا تعالن بنات
سحر خدت حمودي منها وريان خشت تعاون فيها
_______
رحاب وراسها لوطه: انا كنت متزوجة وكنت نحب
راجلي لاكن راجلي كان يبي وحده تانيه
وميبينيش 😞 شوي طلقني وخداها وانا قعدت
هكي نبكي كل يوم ومحد معبر، تعرفت علي
جمال من الفيس وهدرزنا وهوا اللي شغلني في
الشركه واحنا زملاء انا وياه لا اكتر💓
قصي أنصدم من كلامها😳: اها أسف علي السؤال مكنتش نعرف
رحاب وهيا تتأمل فيه: لا عادي خود راحتك معاي
قصي شبحلها كيف تشبحله وخر ظهره علي
الكرسي وشرب قهوته وهوا يشبح للي يمرو
بحداهم ومره مره يشبح لرحاب اللي محولتش عيونها من عليه...
______
حطو تغدوا كلهم
نجلاء توكل في صغارها
وريان وسحر ياكلو ويهدرزوا
نجلاء: حقا خلود امبكري اتصلت
سحر التفتتلها: علاش شن في؟
نجلاء: تعزم علي عرسها
سحر: عرسها! امتا عرسها؟
نجلاء: الشهر الجاي تبينا نمشو نساعدوها بما انه احنا أقاربها
سحر وهيا تاكل قي سلاطة وتتفرج علي التاليفزيون
: انا منقدرش نمشي الشهر الحاي امتحاناتي
نجلاء: ايه بنمشي انا وريان
ريان كاينه تاكل شوي شرقت
سحر مدتلها اميه:😂😂😂
ريان: تمشي معاي انا!
نجلاء: ايه معنديش مع من نمشي كلمي قصي ويرفعنا جميع
ريان جت بتضحك وقي خاطرها قصي بيرفعنا
للعرس وبيخليني نقعد شهر😂 تحلم اخته
نجلاء: ها شن رايك؟
ريان: وين يسكنوا هما؟
نجلاء: في مزرعة كبيره لبوهم بيديروه العرس غادي
ريان: تو نشوف قصي نسأله ..
نجلاء: ايه اساليه وخليه يمشي حتي هوا
ريان ابتسمت مسايرة وناضتً: الحمدلله شبعت بنوض نغير دبشي
سحر: تصبحوا علي خير انا بنوض نرقد
ركبت ريان لحوشها وخشت سحر لدارها رقدت
ولا خلينا نقولو تكلم في كرم🙃 ونجلاء قعمزت توكل في صغارها
______
قصي حط الفنجاني علي الطاولة وناض
رحاب: صحه
قصي خدا جاكيته: مروح انا سلام
رحاب كان تلقا تقوله لا اقعد مزال بتهدرز عليه
لاكن قالت مع السلامه مع ابتسامه خفيفه
ملاحظهاش قصي
بدلت.ريان ملابسها وخشت المطبخ بدت اتدير في الغداء
ريان: اكيد قصي لما يروح حيكون
جعان......لازم نكمل الغدا قبل لايجي
"يلا براءة هادي الفتاة التي لا تجلب لنفسها سوى الاذى.."
اهو الباب انفتح
طلعت ريان تشوف منو لقاته قصي
قصي كان متحشم شويه ف خش لداره
قصي ارتمى علي السرير
ماهو الاصعب الشعور بالإحراج ولا الشعور بالجوع؟
قصي ماكلاش شي من الصبح وميقدرش يطلع لانه برا مطر
شن يدير؟
في وسط تفكيره سمع الباب يدق
قصي: ادخل
ينفتح الباب بالشوية وتخش ريان
ريان بهدوء: قصي شن تبي تتغدا؟
هادي الجملة اللي تمنى يسمعها من الصبح
حاول يكون ثابت
قصي: اي حاجة
ريان: خلاص نص ساعه والاكل حيجهز
قصي: خلاص باهي وبمجرد ما ريان طلعت من الدار، ابتسم وجه قصي.
في المطبخ ريان توتي في العشاء
شويه وجاها قصي قعمز بحداها
ريان: خلاص واتي
وحطت قدّامه علي الطاولة وقصي يشبحلها كيف
تحوس اهنا واهنا وتحط علي الطاولة
اخيراً قعمزت ريان قدّامه وبدوا ياكلو
قصي حاول مايكلش بسرعة لاكن مقدرش كان بيموت من الجوع
ريان كانت مره تشبح لقُصي ومره تاكل
ريان: قُصي
قصي شبحلها: نعم؟
ريان: قريبتكم عازمتنا علي عرسها في المزرعه ممكن نمشوا؟
قُصي: مش فاضي انا مش حتمشي
ريان حطت شوكتها
: علاش شن فيها نغيرو جو والبنت تبينا نجوها معندها حد وعادي عملك خودلك راحة
قصي رفع عيونه علي ريان وعطاها نظرة حاده
ريان سكتت ونزلت عيونها فيسع ..
قصي: خلاص موافق نرفعك لاكن بشرط...
ريان: 😞
يتبع