ملاك تحت قناع الشيطان

6) الطبيب الجزء الثاني

واحد اللحظة دخلو صحاب بابا كلهم أساتدة جاو يزوروني وفنفس لوقت يقولولي را تقبلت فاليسي الجديد .. شكون تسوق ليهم أنا ديك اللحظة كانهترف و جاتني البولة بقيت كانغوت ماما بغيت نبول هههههههههه ويلي و الدنيا عامرة بالعائلة وصحاب بابا مابغيتش غاع نسكت وا بغيت نبول قالت لي ماما غا بولي ماشي موشكيل بقيت كانغوت را كاضرني بزاف .. صافي بلت فحوايجي شبعت بول هههههههه البيت خوا كلشي مشا بحالو بقيت غي أنا و ماما بديت كانفيق و عرفت بلي طرطقات لي لمصرانة الزايدة فكرشي عليها درت عملية و عرفت بلي وسط العملية تعدبت بزاف بقيت كانتقيا ليهم و كرشي محلولة .. داازت عليا واخا كانو عاطييني أحسن شومبغ فداك لكلينيك كبييرة ناموسيتي بوحدي لاكليم و التلفازة ماكرهتش نعاود نرجع ليها ههههههه الله يستر .. جات ديك اللحظة اللي خاصني نتقيا البنج جاتني لكحبة ومعا الجرح ديال لفتحة باقي طري و الغراز ماقدرتش و صرطتو .. ضاروري الواحد خاصو يتقيا لبنج مامزيانش يتصرط حيت بنادم بحالا كايحماق شوية و كايولي معصب ماكايستحمل تا حاجة و مايقدرش على الصداع ولا السخونية وبصح ورا العملية تبدلت وليت معصبة كتر من اللول او وليت فعقلي ماشي تال لهيه هههههه ولكن هانيا واخا هاد العداب كامل الي تعدبت حسيت بشوية تالحب أول مرة غانحس بالحنان و الإهتمام.
الصباح بدلولي حوايجي وحيدو داك البول اللي بلت ههههههه و داواو لي لفتحة وبداو الناس كايجيو يزوروني إحساس زوين والله ولكن علاء ماجاش حيت ما خليتوش .. ديك الساع دارنا ماكانوش يتقبلو فكرة نكون كانعرف دري ماكاين لا آمي لا كايقرا معايا .. ماشي بحال دابا لا قدر الله و طرات لي شي حاجة صحابي يجيو عندي صحة على الزامل بوهم أصلا لوقت تبدلات عادي نكون كانعرف دراري لموهيم دوزت واحد ربعيام فالكلينيك مفشة واخا ماكلت الصبيطارات خايبة ولكن هانيا .. داوني للدار باقا عيانة بزاف عاطياها غا للراحة باقا كانتمشا غي بزز الجرح مازال ما برا لفتحة قدها قداش 12 غرزة .. واحد اللحظة بغيت نمشي للطواليط غادا بشوية تعكلت بواحد لحزام ديال لبينوار طحت على كرشي وراسي تضرب معا الباب ههههههههه ويلي ويلي قلت صافي الفتحة تحلات بابا كان كايصلي قطع الصلا جا كايجري مخلوع و ماما تاهي ساعا الحمد لله ما طرا ليا والو هههههه ديك الطيحة مازالين لدابا كايفكروني فيها .. بديت كانبرا شوية بشوية وجا أول نهار فالليسي الجديد و الموشكيلة جيت معا علاء فنفس القسم .. خاصني نمشي النهار اللول في أبهى حلة .. قلت لماما بغيت ندوش ونصايب شعري بدات كاتغوت يالاه فاتحة مايمكنش دوشي وكدا قلت ليها والله تا ندوش مالي أول نهار للمدرسة نمشي مسخة .. لويت على كرشي فوطة وميكة تالطبلة وغسلات ليا ماما صحة هههههههههه أنا را مسخوطة راسي راس لمحاين ..