ملاك تحت قناع الشيطان

34) فيها خير

ساليت لمتحان رجعت بحالي داز شويا خرجت النتيجة لقيت راسي ساقطا .. أصلا كنت متوقعاها و كنت باغا نسقط حيت ماكنتش نستحمل نزيد شي عام آخر فديك لمدينة الكحلة عييت .. منين وصلاتني لخبار حسيت بحال لا حطيت شي حمل ثقيل .. ولكن بقات لي لمشكلة فماما كي غاندير نقولها لها .. قصحت قلبي وجيتها من اللخر بقات كاتبكي و مارضاتش حيت فعائلتنا ماكاينش الي كايسقط كلشي كايقرا مزيان .. أما بابا عجبو الحال منين رجعت حيت من اللول ماكانش باغيني نمشي باغيني نجلس حداه يسد عليا ويبقا مقابلني .. دارت الهضرة فالعائلة و فالسطات كاملة .. ها الي كايقول مشات تقحبنات و رجعات ها الي كايقول مكلخة جاتها لقراية صعيبة ها الي كايقول جاتها كازا صعيبة .. فديك الفترة دخلت فاكتئاب مقود .. مرضاتني الهضرة تعقدت بقيت كاتقول ضيعت عام من حياتي وكدا .. منبعد بحال ديما عاونت راسي براسي و خرجت من هاد الإكتئاب جلست معا راسي و فكرت قلت فيها خير مانجحتش ربي ما بغانيش نكمل تما و ماعرفت آش مكتب ليا و أصلا ما كنتش حاملا ديك لقرايا و ماشي غي أنا الي رجعت للسطات غاع عشراني تالليسي الي خواو لمدينة دوزو عام ورجعو هاد النقطة عاوناتني شوية .. بديت كانرجع الثقة ديالي فراسي.. لقيت بلي واخا هاكاك دوزت تجربة مزيانة علماتني بزاف تلحوايج و قصاحيت مابقيتش الي جا يديرها بيا .. فهاد العام تعلمت ايلا ما عولتيش على راسك و الله لا عقل عليك شي واحد ماكاين لا عائلة لا زبي و ماكاينش الي غايبغي لك الخير و يقبل عليك من غير داركم ماكاينش بحال مك و باك .. العائلة يهزوك سيمانة غاطلع ليهم فكرهم ..الدراري الي عاد خداو الباك و ناويين يقراو فمدينة بعيدة ماطيحوش فالغلط اللي طحت فيه أنا واياكم تيقو بالعائلة خالتك خالك عمتك عمك را كلشي ولاد لقحاب ماتسناش غايبغيوك و يعاملوك كيف كايعاملو ولادهم .. تقت بالنفاق و الضحكة الصفرة حمقوني خواوني الدار لقيت راسي ماعنديش البديل من غير ديك الداخلية تالزب .. ماغانقولش هادشي كامل الي طرا ليا بسبابهم حيت تانا كانطير و كانديرها لراسي .. ولكن را تا هوما ما خلاوش حقهم .. تعلم مشاكيلك خاصك تحلهم راسك .. ماتسناش من شي واحد شي حاجة .. خاصك تأقلم معا الوضع كيفما كان وتسلك راسك وتصبر .. خاصك تكون ولد لحرام تقصح قلبك و ماديرش الثقة .. لبنات خرجو ضحكو نشطو بروفيتيو ولكن عرفو معامن أو واياكم تفرطو فشرفكم .. وماتنساوش عمركم تشفاو فشي بنت شفتوها خارجة للطريق حيت الي ما خرج من الدنيا ما خرج من عقايبها .. لموهيم داز عندي الصيف كحل دوزتو غي فالدار كانفكر فمستقبلي شنو غاندير شنو غانقرا العام جاي؟ ما خاصنيش نزيد نضيع عام آخر خاصني ندير شي حاجة الي نبغيها ونعطي فيها .. باراكا من المغامرات و التقحبين .. بغيت نعيش هانية بلا ماشاكيل .. دوزت بزاف شبعت ..فعمر صغير تعدبت ضحكت بكيت تصدمت فرحت فقدت الثقة فالناس تصاحبت عشت الشونطاج نصبت على بنادم و تنصب عليا تغتاصبت ركبت فالطونوبيلات كميت شربت تحويت بت فالزنقة درت بيرسينغ كنت غانوشم وبزاف تلحوايج .. أنا دابا ماكانعتابرش راسي قحبة .. انا بنت دازت من بزاف ديال التجارب الي بدلاتها 180 درجة .. يمكن توسخت شويا ولكن الداخل ديالي باقا ديك فرح الطفلة البريئة واخا تعدبت ربحت شي حوايج .. ولات شخصيتي قوية وغامضة و جريئة كانقدر نحل مشاكيلي بوحدي و نواجه أي حاجة و مابقاتش كتأثر فيا هضرة الناس ولا آراءهم يزيدوهم فكرهم .. وما حشماناش من راسي بالعكس أنا أي حاجة كانستافد منها .. واخا كانو شي تأثيرات سلبية على نفسيتي .. وليت مريضة بالأعصاب و عندي اضطرابات نفسية .. لا جلستي معايا غاتحس بلي شي حاجة ماشي طبيعية .. ومور هادشي كامل مابقيت باغا والو بغيت غي نقرا ونوصل وندير مستقبلي بحال الناس مابغيتش ندوز حياتي فالعذاب بغيت نفرح ميمتي واليديا يفتاخرو بيا ماشي نحشم بيهم .. أي حاجة غادير لي المشاكل نبعد عليها غاندير عقلي غانتبدل وغانبدا صفحة جديدة .