ملاك تحت قناع الشيطان

7) الليسي

أول نهار فالليسي ماكانعرف تا واحد منغير علاء و شي 4 تلبنات .. و الليسي كامل عارفني صاحبت علاء اللي دارت عملية ويالاه جات .. كلشي كايدري معايا و كايسولني كي بقيت كلشي كايعيط لي بسميتي وانا كانقول هادو فين كايعرفوني .. بنادم كلشي تزعط فيا .. واحد التيتيزة يلاه جات جديدة كلشي عينو فيا .. بديت كانحس براسي أنا هيا شاكيرا هههههههه لموهيم بديت كاندير الصحاب وعلاقتي معا علاء ستامرات ديما ماكاندخلش كانمشي معاه ما خليت ما درت معاه واحد النهار وصلات شي خبار لماما بلي أنا ماكاندخلش و معاشرا معا شي بنات خارجين للطريق كليت قتلة تلعصى و دوزت أسوء أيام حياتي ولكن سلكت راسي كلشي كايفوت .. داز شويا بديت كانتعرف على دراري بزاف داك علاء ولا كايبان لي بحال شي حشرة طلع لي فكري قلبت عليه تفارقت معاه و بديت كانتصاحب بقيت من واحد لواحد ولكن ما كنتش كانعس معاهم غي فلوغطاج وصافي داز داك لعام ونسبة التقحبين غادا و كاتزاد نهار كاندير شي حاجة خايبا عرفو بلي تخاصمت معا دارنا و درتها باش نسا و حس براسي كانتاقم ونبرد على راسي .. أنا حمقة شوية عارفاها ولكن را العامل النفسي هوا اللي كايلعب دور أنا طفولتي دوزها معدبة نوغمال نكبر عندي اختلال فنفسيتي كاندير شي حوايج ماكايدخلوش لعقل و ماكانحس لا بمتعة لا بنشوة كانديرهم وصافي بحال لا ضد فشي واحد.. قحبة آه ولكن لا حققتي فوجهي مزيان و عينيا غاتشوف فيا البراءة الداخل ديالي طفلة بريئة قلبي بيض وروحي بحال شي ملاك واخا كانحاول نتصنع و كانبين العكس .. كانبين راسي قوية ولكن أنا ضعيفة بزاف من لداخل .. وسبابي هوما واليديا حيت عمرهم سولوني مالكي ولا باش كاتحسي بالنسبة ليهم لا وفرولك لفلوس ولحوايج و آخر تيليفون را صافي هاديك هيا الدنية نهار كانهضر كيقولولي كالكي شنو خاصك الي بغيتيها عندك .. مازال ماما وليت كانتفاهم معاها ولات كاتهضر معايا كاتعاود لي ونعاود ليها و كاتحن عليا واخا فات الفوت حنان الأم فوقما جا ينفع .. ولكن بابا را والو بعيد عليا بزاف ماكايهضرش معايا وعمرو ضحك ليا فوجهي .. باقا نعقل واحد المرة موصلني لليسي و مادرت ليه والو غي بنت ليه فلبلان بدا كايعاير فيا ويسب كان معانا خويا هوا كايعاير وانا ساكتة وكانبكي واحد اللحظة بغا يدخل الطونوبيل فواحد لكاميو قال لي غانقتلكم ونقتل راسي او وصلني تال باب الليسي قدام واحد لبلاصة مجموعين فيها الدراري بزاف دفل ليا فوجهي .. 4 تالسوايع وانا كانبكي مازالا كانتفكرها دابا كانبكي و المشكلة أقسم بالله مادرت ليه شي حاجة .. وبزاف تالبلانات لا جيت نعاود ماغانساليش..لموهيم حياتي ولات من هادا لهادا .. طلعت للسيزيام تعرفت على واحد الدري سميتو أمين عمرني نساه .. كنا كانقراو فنفس القسم ..شي حاجة كتر من أصدقاء ماكانتفارقوش كانت بيناتنا علاقة فشي شكل وكنت كانعجبو كان باغي يتصاحب معايا واحد النهار عرفني فلوغطيت معا واحد الدري وجا تسيف عليا و أنا عايرتو قلت ليه ماشي شغلك فيا حياتي هادي صافي تما حقد عليا مابقاش كايحملني تخاصم معايا وبلوكاني من فايسبوك لاغدليه داز من حدايا ما قالش لي تا السلام ..