ملاك تحت قناع الشيطان

18) أيام فشكل

قلنا الي ليها ليها غانمشيو و غانوصيو البرهوشات مايقولو والو .. مشينا بقينا مجموعين واحد اللحظة مشيت مع نسيم يشري كارو ويكمي وصلنا لنص الطريق سمعنا لغوات .. رجعنا لقينا غي لبرهوشات بوحدهم .. فين مريم و أنس؟ قالو لنا بلي جاو شي دراري كايتبسلو على مريم و معا هي كاطير من المقلة جاوباتهم خصرات معاهم لهضرة عطاوها قتلة تلعصى و صاحبها بقا واقف كايتفرج فيها .. تفو ماشي راجل .. فاش مشاو مريم غضبات و مشات سمحات فكلشي ودابا را مشا يقلب عليها .. بقينا مسنيينهم فديك لبلاصة شي ساعة والو مابانش ليها الأثر .
مشينا كانقلبو عليهم فداك الحي درب ب درب زنقة زنقة و الليل والسكات والدنيا خاوية .. لموشكيلة ما عندناش تا الصولد باش نصونيو ليها بقينا كانقلبو ضربات الوحدة تالليل مابانش ليها الأثر .. خاصني نمشي بحالي ولكن مانقدرش نسمح فعشيرتي واخا نعرف نموت .. والمشكلة مخليا معايا بنت عمتها برهوشة كي غاندير ليها؟ شداتني الخلعة و خصوصا فاش بدا بابا كايصوني كايصوني .. ماقدرتش نجاوبو أنا فبلاصة بعيدة خاصني طاكسي لا بغيت نمشي بحالي وما نقدرش نكدب ماعرفتي يكون شافني شي حد ووصلها ليه .. بقينا كانقلبو بحال شي حماق واحد اللحظة قلت ليه خاصنا نقلبو على الصولد .. مشينا لواحد لبلاصة كايتجمعو فيها الحشايشية ديال داك الدرب .. كنت كانعرف شي وحدين منهم .. لقيت خو أمين طلبتو الصولد فديك اللحظة بانت مريم و أنس .. بديت كانعاير فيها .. فين كنتي آزبي خلعتيني عليك ومشا لحال بابا كايصوني .. صافي خدينا طاكسي مشينا بحالنا وصينا البرهوشات مايقولو والو و إيلا سولونا لاش تعطلنا حنا غانقولو كنا معا مريم شرات حوايج العيد لبنت عمتها .. وهوما نفس لبلان يقولو كنا مع فرح ..رجعت لدار حتا بحال لا تا حاجة ما كاينا .. تكونيكطيت عادي لقيت واحد جوج دراري من هادوك الي مشيت طلبتهوم على الصولد مآجوطييني فجروب و مطلعينها عليا .. واحد منهم خو أمين .. بداو كايقولو ليا آجي عدنا نتهلاو فيك .. يصحاب ليهم أنا قحبة و جابني الميريكاني لدارو باش يحويني حيت شافوني معاه فدربهم .. لموشكيلة خو أمين ديجا كايعرفني وعارفني كنت مصاحبا معا خوه مافهمتش شنو قال ليه راسو فديك اللحظة .. تفو شحال كانكرهو هو من الأعداء ديالي دابا .. لموهيم فديك اللحظة سيفط لي أمين ميساج قال لي صافي وليتي قحبة كادخلي لديور غا جا داك الميريكاني تبدلتي وكدا .. كيفاش قحبة ؟ شمن ديور ؟ فين شفتيني فشي دار .. قال لي سكتي بلا ماتكدبي الدراري كلشي شافك كنتي معاه فدربنا .. عاودت ليه القصة كاملة وقلت ليه را ما كنتش معاه فالدار عا شنو طرا .. و زادو عصبوني دوك جوج زوامل بان ليهم فيا لبلان بقيت كانتعاير معاهم بلوكيتهم .. عايرت داك أمين تا هو و قلبت على نسيم .. بان لي هاد العلاقة جاي ليا منها غي الصداع و أنا يلاه زيانت ليا ليام ماباغاش نطيح فشي مشكل .. واخا هاكاك كاتبقا ديك الأيام من أحسن أيام حياتي بصح دوزنا لحظات زوينة ماتنساش ..