ملاك تحت قناع الشيطان

33) كانتوادع معا كازا

مشيت للداخلية لقيت نورة عاودات لي التفاصيل قالت لي فاش كنا فلبواط كانو واليدين بسمة و شيماء فالداخلية و فاش وصلنا لقيناهم هنا ودابا داوهم حبسوهم من لقراية ..
هاد الشي طرا بسباب شي قوادات بيعو بينا .. ولكن علاش أنا ما صوناوش لدارنا .. دزت لعند المدير قال لي عاودي لي و بلا كدوب .. عاودت ليه لبلان كامل ولكن بلاصت بواط قلت قهوة .. قال لي ما بغيتش نصوني لباك حقا حيت عزيزة عليا وكدا .. الداخلية كلشي كايهضر علينا كايقولو كانو سكرانين وكدا .. أنا دوك الأيام كنت كانبات معا نورة فالشومبغ حيت صحاباتها مشاو .. غي سادين علينا ماكاندويو معا حد .. وما عطينا لحد التفاصيل شنو طاري بالضبط .. ولاو دايرين لينا الحبس ماكايخليوناش نخرجو تال للحانوت .. واحد النهار بالليل تا دخلو بسمة وشيماء تصدمنا كاعما كنا متوقعين غايرجعو تا جابوهم واليديهم .. تعانقنا وبدينا كلنا كانبكيو حيت ما دازش علينا قليل .. دار لنا المدير اجتمعا جمع لبنات كاملين و بقا كايسمعنا الهضرة .. صافي سالا دخلنا سدينا علينا فشومبغ عاودت ليهم على كي دوزت ديك الليلة و على سفيان و دارهم شدارو معايا .. تعاشرت معاهم دوك ليام سفيان طاح فيا بغا يصاحب معايا قلت ليه لا مانقدرش لسقني فاللحر حشمت غي على وجه داكشي الي دار معايا قلت ليه أوكي .. تصاحبت معاه ما حملتوش حامض .. دوزت شوية قلبت على كلشي .. سفيان ولبنات .. طريقهم كحلة وأنا ماناقصاش مشاكل صافي ولات بيناتنا غي السلام .. دازت ليام قرب يسالي العام ونرجع للسطات .. رجعت كاندوي معا كريم مول التاتواج قلت غانمشي عندو لآخر مرة حيت نقدر مانعاودش نشوفو .. فعلا مشيت عندو بقيت جالسا معاه بحال ديما .. كان كايوشم لواحد الدري .. وأنا كانكمي فالجوانات بقيت بت معاه ديك الليلة .. ماكانحشمش واخا غتاصبني تقت فيه مرة خرا وعاد المشكل الي طرا فالداخلية .. قلت مالي انا نبقا سادا عليا نعيش حياتي و الي ليها ليها .. صافي بت معاه بقينا كانفلوغطيو مصيتو ليه جابو ليا ففمي يعععع .. بقا كايلعب لي فطبوني أنا ترخيت وهوا يطلع معايا صبعو على غفلة بلعاني باش يتقبني .. غوت وتخلعت تفو على فعايل.. ولكن ما تقبنيش .. أنا شاكا فراسي يمكن غشاء البكارة عندي صفحة حيت داز عليا بزاف تلحوايج و ما تتقبتش .. صافي بقينا كانتفرجو فواحد الفيلم تا نعسنا الصباح مشيت بحالي و كانت آخر مرة غانشوفو .. دازت ليام تعرفت على واحد خونا لاباس عليه جا عندي بالطونوبيل داني كليت فاحد الريسطورة دوزنا نهار زوين ولكن داك النهار قلبت عليه حيت عارفا هاد الشي ماشي فسبيل الله ضروري تلمرة الجاية غايطلب مني المقابل .. صافي موراها جمعت حوايجي و جيت للسطات باش نبريباري للمتحان .. جا نهار لمتحان برمضان دوزت سيمانة فكازا وتقول واش عمتي سولات فيا ولا قالت الله ينعل الشيطان نعيط ليها نعرض عليها للفطور واخا أنا ما نمشيش عندها ولكن كايبقا لو جيست .. رمضان وانا كانفطر ف ماكدو بهومبرغر .. حياة مقودة ولكن هانية .