ملاك تحت قناع الشيطان

30) كانفكر بزاف

عقلي مابغاش يحبس من التفكير .. شويا تفكرت راسي فاش كنت سكرانة و كاندوي على يانيس أنا عند بالي مابقيتش كانبغيه ونسيتو .. كيفاش حتا تفكرتو و أنا سكرانة .. كايقولو لا كنتي سكران و تفكرتي شي واحد .. داك الواحد عمرك تنساه حياتك كاملة .. يااه واخا داز عام أو نص مانسيتوش .. آش فكرني فيه ديك الليلة؟ علاش بقيت كاندوي عليه بزاف .. ياكما باقا كانبغيه؟ لا لا مايمكنش أنا كرهتو و نسيتو مايمكنش نكون باقا كانبغي داك الزامل الي ما خلا ما دار فيا وكان غايخرج لي على حياتي و مستقبالي .. واخا نكون حمارة .. ولكن علاش تفكرتو ديك الليلة علاش؟ نديبلوكيه ؟ ندوي معاه؟ درت داكشي الي قال لي راسي ديبلوكيتو بقينا كاندويو زوين وكانتعاودو تصالحنا .. واحد اللحظة تفكرت داكشي الي دار ليا و حقدت عايرتو و رجعت بلوكيتو .. عبرت عليه .. صافي ماعندي ماندير بالزبل.. كملت حياتي عادي .. رجع دوا معايا كريم اللي غتاصبني .. قال لي حقا را غي كنت كانضحك معاك و كدا وسمحي لي عنداكي تكوني تقلقتي مني .. هههههههه وايلي ؟ داكشي كامل كان غي ضحك ؟ ما خليتي ما درتي فيا .. ماكايناش شي حاجة فهاد الدنية كتر من تغتاصب بنت صغر منك ب 12 عام .. تعدى عليا حسيت براسي ضعيفة قدامو ما فيدي ماندير .. كان غايخرج عليا .. عاملني بحال شي كلبة ديالو .. فاللخر يقول لي كنت كانضحك معاك؟ ماديتهاش فيه كملت حياتي عادي.. احد النهار فالحمام كانغسل وجهي  هوما يجيو عندي جوج بنات عمرني هضرت معاهم قالولي فرح بغيناك على واحد لبلان ضروري دوزي عندنا للشومبغ .. الله يسمعنا خبار لخير هادو مالهم شنو بغاو .. مشيت عندهم للشومبغ هوما جوج بنات خواتات بسمة و شيماء وصحبتهم نورة ماكايتفارقوش .. دخلت عندهم قالولي بغينا نديرو بلان و عارفينك نتي الوحيدة اللي تقدري ديريه معانا .. غدا غانسهرو فواحد لبواط معا واحد الدراري و كاين فين نباتو .. ديك الداخلية كان قوانينها فشكل .. كانو معديين علينا دايرين لينا الحبس  .. ممنوع تعطلي بالليل ولا تباتي فشي قنت خاصك تكوني تما قبل لعشا .. لعشا كان معا السبعة تلعشية .. ولكن لبنات كايغامرو الي قال لها راسها شي حاجة كاديرها .. لموهيم بقيت كانضحك قلت ليهم دابا أنا بغيت نعرف حاجة وحدة .. عمركم دويتو معايا و نهار دويتو قلتولي يالاه معانا لبواط واش باينا فيا كانمشي لليبواط   بقاو كايطلبوني عافاكي يالاه معانا وكدا نتي باينا فيك زعيمة ..قلت ليهم غدا التنين لي بواط كايكونو ناقصين من الأحسن نخليوها لنهار آخر والو مامفاكينش بقاو كايطلبو فيا قلت ليهم أوكي.. بدينا كانتافقو على غدا وكانقادو لبلان وشي قوادات كايتصنطو علينا .. ناضو وصلوها سخونة للمدير .