ملاك تحت قناع الشيطان

15) مغامرات آخر عام فالليسي

دوزت واحد الشهر فالعداب بلا تيليفون بلا بيسي صبرت تا عييت و قاومت فاللخر صافي طحت ليهم قلبي بدا كايضرني مابقيتش كانتنفس و يدي نعسات عليا ..دارنا داوني الطبيب قالو لهم الأعصاب .. بالسيف مابيدي لداكشي اللي طرالي معا يانيس مابيدي لدارنا تجمعو عليا كلما حاولت نسا كاتجي شي حاجة تفكرني .. بكترت ما كانرض لقلبي مرضت .بقيت فيهم فاللخر بدلو معاملتهم معايا ووحاولو ينساو .. رجعو كايتعاملو معايا عادي بحال لا ماكاين والو عطاوني تيليفوني لقيتو مفورماطي .. قلت غانبعد على أي حاجة تقدر تجبد لي الصداع .. خاصني ندير المستحيل باش نرجع الثقة توالديا ما خاصني ندير حتي غلطة باش يكمل العام بيخير و ندي لباك ديالي ونقود من هاد لمدينة . دازت ليام حليمة رجعات لعادتها القديمة ههههههه علاه أنا كانحشم ؟ وتقول ..
دازت ليام حليمة رجعات لعادتها القديمة ههههههه علاه أنا كانحشم ؟ وتقول .. رجعت للبلانات ديالي .. بديت كانخرج من داك الإكتئاب و نسيت شوية .. وليت عاطياها تاني للضحك و النشاط .. لا قراية لا والو ماكاندخلش كاع .. كان عندي واحد الفيكتيم كانصب عليه كانخطط مزيان و كانقري صاحبتي مريم ها شنو ديري وها شنو ديري و كانسيفطها .. كانضبرو على اللعاقة و كانقصموها .. كلينا وشربنا فيه مزيااان هههههه شغانديرو ليه هو دمدومة ماجامعش كرو .. وليت كانكمي شي أيام .. واحد النهار خويا فارس لقا عندي باكية الكارو قال لي شهادشي قلت ليه حقا سرقناها لواحد الدري بلا مايعيق كنت غانرميها ونسيتها بقات عندي لموهيم زربت عليه و تيقني .. أنا و خويا بيناتنا علاقة زوينة ماكانشكموش ببعضياتنا صافي ماقالها لتا واحد و ما عاودش جبد معايا الموضوع .. لموهيم رجعت للتصاحيب .. رجعت معا واحد خونا كنت مصاحبا معاه شحال هادي فيامات أمين كنت درت ليه القالب و قلت ليه الله يعاون .. رجعنا شفت السيد كايتعامل معايا زوين كتر من لقياس ما كاين غي كانبغيك كانموت عليك حبيبة و كدا .. حسيت بيه ناوي على لغدر ماعرف يمكن غي مورا داكشي الي طرا لي فقدت الثقة .. واخا هاكاك مشيت معاه واحد النهار لواحد البرتوش ديال صاحبو بدينا كانفلوغطيو ماحملتوش سبحان الله شي دراري كايكرهوك فالبوسان .. نضت تقودت مشيت بحالي دازت يوماين عايرتو قلت ليه بعد مني يا الكداب و بلوكيتو ههههههه خونا ما فهم والو عيا مايطلب فيا ويبكي كايصيفط لي 70 ميساج فالساعة كايطلب كي الكلب عطيني غي فرصة قوليلي غي شنو درت لك حرام عليك.. بلوكيتو من كلشي ويسيفط لي صحابو بغا غا يعرف شنو دار والو ماعطيتهمش فرصة دارو داك السيناريو حقا را مرض طاح بالأعصاب وراه فالطبيب.. قديييمة هاد لبلان درناه شحال هادي هههههه .. القلب بدا كايقصاح .. حسيت بالمتعة بحال لا نتاقمت لراسي و بردت ديك الحرقة الي كانت فيا .. تصلحات علاقتي بأمين ( الي قراو القصة من اللول غايعرفوه شكون) طلب مني السماحة على داكشي وصافي رجعنا أصدقاء .. أنا دغيا كانسامح قلبي بيض.. أمين ندم و ولا كايبغيني و أنا مامسوقاش ليه .. كايشوفني غي هضرت معا شي واحد كايبغي يموت كاتشدو الغيرة واخا كايحاول مايبينش ولكن أنا صافي القلب اللي يبغي قصحتو ولا كي الحجر .. مابقاش ليا فين نزيد و أصلا كانسامح وماكانساش و كنت دايرا فبالي ضروري غاتجي نوبتو وغانتاقم ..
كملت حياتي عادي ما علاباليش قلبي مقصح ولكن كانحاول نبين راسي لاباس.. واحد النهار جا هضر معايا يانيس .. ندم و بغاني نسمح ليه .. وايلي مور هادشي كامل الي دار فيا ونسمح ليه واخا نكون حمارة .. بقا كايطلب فيا قال لي حقا كان عندي مشاكيل ماكنتش عارف راسي شكاندير و كدا وأنا كنت كانبغيك غي ماعرف شنو طرا لي و باقي مانسيتكش .. قلت ليه واخا تفارقتي معايا ماشي موشكيل .. علاش تعايرني وتهددني و تشوهني؟ علاش كاتوري التصاور لبنادم .. قال لي لا وريتهم غي لصاحبي وليد حيت كانتيق فيه و كانعاود ليه كلشي .. ديكساع مشيت هضرت معا هاد وليد ديجا كانعرفو بقينا كاندويو وقررت ندير معاه شي حاجة غي ضد فلاخر .. قررنا نتلاقاو مشيت عندو للدار غي جلست تلاح عليا بدينا كانفلوغطيو وكدا .. أنا كاندير كلشي إلا لحوا ماكانخلي تاواحد يحويني .. صافي بقيت معاه بحال شي جتة كاندير داكشي بزز مني غي ضد فيانيس تاني .. مابقيتش معاه بزاف دغيا مشيت بحالي..