ملاك تحت قناع الشيطان

31) مغامرة خرى

بصح داك النهار كان مامناسبش للسهير وما سمعوش هضرتي .. كانت الشتا والرعد و البرق و التبروري .. وصلات لعشية قلت ليهم بلا ماندوزو للداخلية نخرجو معا الستة نمشيو نيشان نتسركلو بينما وصل لوقت حيت إيلا دخلنا يقدر يطرا شي بلان ومانلقاو كي نديرو نخرجو .. وحدة قاتلك باغا تقاد الماكياج وحدا باغا دخل لطواليط .. صافي دخلنا تقادينا .. فاش جينا نخرجو لقينا المودير و السيكيريتي و واحد المسؤول واقفين فالباب .. عرفنا بلي وصلاتهم الهضرة وحاضيين لا تمشي تخرج شي وحدة .. واخا هاكاك بقينا مقررين نخرجو .. خليناهم ضارو شديناها بجرية وحدة ماحسيناش تالقينا رتسنا وسط لمدينة .. تلاقينا بدوك الدراري معامن غانسهرو بقينا كانضورو بينما وصل لوقت صونات لي ماما قلت ليها را كانحفض عندي متيحان قالت لي صافي بلا مانبرزطك أبنتي حفظي الله يعاونك.. كدبت ياربي تسمح ليا باش ماتبقاش مبرزطاني .. مشينا للبواط .. دايرين قانون داروري يدخل بنت معا دري .. حنا كنا 4 تلبنات 4 و تالدراري جات هي هاديك دخلنا 2 ب 2 .. جلسنا بان لي كلشي دوموندا ريدبول حشمت ندوموندي الشراب مابغيتش نخرج من الجماعة درت راسي مكلمنة بحالهم .. أول مرة غانخرج معاهم مابغيتش نبان قحبة .. دري واحد الي دوموندا البيرة .. سميتو سفيان.. ماصبرتش قلت ليه عطيني شوية ههههه و عطاني شربتها معاه .. شويا جا حدايا بدا كايهضر كايهضر فرع لي كري كايعاود لي على قصة حياتو حنا عندنا شركة حنا هادي واحد اللحظة وحدا من لبنات مشات تلاقات صاحبها غبرات .. ختها بدا كايصونيو لها دارهم فالتيليفون كايصونيو كايصونيو .. ماقدراتش تجاوب حيت ختها ما شي معاها .. بدينا كانقلبو علا ختها تيليفونها طافي .. عرفنا بلي شي حاجة طاريا .. نضنا كانقلبو .. قالك باغين يرجعو للداخلية قلت ليهم واخا نموت مانمشيش ليها .. لحداش تالليل شنو غانقولولهم فين كنا .. حتا لا كانو ناسييني عاد نفكرهم فيا يعيطو لبابا يجي ليا يدبحني .. بديت كانفكر الله ياربي فين غانمشي فهاد الليل جيبي بقات فيه 20 درهم الشتا و الرعد وكازا بالليل عامرا بالدياب غايفرسوني ولكن اللهم الزنقة ولا ندخل فداك الليل ويعيطو لبابا .. قلت ليهم واخا نعرف نبات غي فالزنقة .. نقز سفيان الدري الي شربت معاه قال لي لا حشومة نخليك تباتي فالزنقة ماتقوليش هاكا .. جات البنت الي غابرة مشاو للداخلية هي وختها وصاحبتهم تافقنا باش ما كان يردو علينا .. صافي بقيت معا الدراري .. سفيان قال لي يالاه معايا للدار .. ماعنديش خيار آخر اللهم يحويني هو فالدار ولا يحويوني فالزنقة فهاد الشتا .. بعدا غايدير فيا خير ويدخلني من البرد .. قال لي ماتخافيش كاين فالدار ماما وختي .. هز التيليفون صونا لماماه قال ليها را معايا واحد البنت وجدي لعشا .. مشينا كانقلبو على طوبيس غادا فالطريق و كانقول ياربي مايطرا والو ياربي .. هو يقول لي الدري ما حشمتيش داربة البيرة فيك الجنابة ديال ربعين يوم و كادعي الله هههههههه بقينا كانخراو بالضحك لقينا آخر طوبيس ركبنا فيه هو يصوني لي التيليفون .. البنت الي معايا فالشومبغ قالت لي فينك أ فرح راني غي طالبا الصولد من واحد البنت الدنيا مقلوبة سفاها على علاها .. را جاو كايحسبو لبنات و الي لقاوها مابايتاش عيطو لواليديها وقطعات .. قلبي بغا يسكت ماعنديش تا الصولد باش نعاود نصوني ونعرف شكاين .