الايطالي والمتشردة

4

وصلات لكوخ  لقات  هبة وصفاء على اعصابهم  صفاء جالسة فوق الفراش وهبة كتمشي  على ضوء شمعة وتجي عينيها كانو منفوخين من لبكا
شافت فيها صفاء باندهاش وكذلك هبة لي تكلمات

مالكي؟
نور جلسات وهبطات وجها لصاك محاولة ادعاء ان حتى حاجة ما واقعة
صفاء مالكي احبيبة كنتي كتبكي ؟ ضربك شي حد فالزنقة تلاقاو لك هدوك الشمكارة ولاد لحرام ياك داكشي باش تعطلتي  ؟
نور لا اختي  ماكاين والو   تعطلت حيت  خدمت اليوم عن واحد الناس  وبقيت حتى سالات الحفلة وابتاسمات  ابتسامة حزينة لكن قدرات تقنع بيها صفاء
شوفي شنو جبت لكم   
وااااو صفاء  بابتسامة عريضة  هدشي كيبان لذيذ وغالي باينة هد الناس لي عطاوه لك لاباس عليهم
نور اه احبيبة بزاااف يالاه زيدي تاكلي
اجي هبة اجي تاكلي كون راه جاكم الجوع بزاف

هبة بعدم رضى  قربات لها وجلسات جنب صفاء  بحيث  ولات اونفاص   مع نور وهد لحوايج زوينين حتى هما عطاوهم لك  ؟ مطلعة حاجب ومهبطة الاخر
نور : اه اه عطاوهم ليا   خدمت بيه 
هبة 🤔 غريبة
نور : وصافي زيدي تاكلي   وهنينا خلينا نعسو راه مشا الحال
صفاء بابتسامتها البريئة جيتي زوينة اختي
نور بادلتها الابتسام
شكرا احبيبة 
كلاو جميعا بدلات نور داك الثوب ولبسات ملابس ملي عندهم
دخلات للفراش وعنقات صفاء مانعرف علاش كانت كتحس بالحب والعطف على هد البنت رغم ان ضروفهم بحال بحال الا ان  صفاء مسكينة مريضة كانت كتخاف شي نهار تفقدها وهما ترباو بحال لخوت
اشفقت لحالها ولحالهن جميعا حسات بيها نعسات ودارت للجهة الاخرى كتفكر في يومها
يوم كحل تفو شبغا عندها هداك لمريض هدشي كامل باش احسس صاحبتو ولا خطيبتو ولا مانعرف لجدها بالغيرة
يااخ حتى هي مشحال كامونية

بببف بالسيف غيكون كيبغيها باين عليها لاباس عليها  غير ريحتها بحال الفردوس
ماشي بحالي انا ريحتي كي الخنزير
لوكان ما دارت فيا خير ديك لمرأة عوماتني
بببف مشحال مكلخ هذاك جوزيف ولا مانعرف سميت باباه مكلخ لدرجة فكر ان ديك المزة ديال خطيبتو غتغير من وحدة بحالي
من متشردة ماعندها حتى عشا ليلة اووف حتى ديك خطيبتو غبية كتر منو  كيفاش فكرات ان واحد بحالو بداك الوسامة والحضور وهالة الرعب والجمال لي عليه غيشوف فوحدة بحالي
ابتسمت قليلا 
وعلاش لا حتى انا جيت زوينة  وفين عرفات هي اصلا راني غير متشردة

اووووف خصني نعس صافي فات لي فات  

حاولات وحاولات بعد هد التفكير كامل اخيرا قدرات تنعس