الايطالي والمتشردة

10

جمعات الطبلة وغسلات الماعن وصلات 21 كانت سالات  كولشي خرجات وسدات الباب. موراها ومشات لدارها او بالاخرى لبيت فالسطح كانت مسافة طويلة تمشاتها على رجلها لان فلوس الطاكسي طبعا ماعندهاش كان خوفها من الدروب المظلمة او الظلام بصفة عامة كبير داكشي علاش كانت ديما كتمشي بجناب الشوارع الكبيرة المضيئة
جات فبالها صفاء هبة توحشاتهم بزاف عينيها عمرو بالدموع كانت كترفض تهبطهم لكن في النهاية غلباتها دموعها وهبطات
اخيرا وصلات لمسكنها وسط حي شعبي حلات الباب ودخلات طلعات لبيتها. تلاحت بحوايجها ماقدراتش تبدل من كثرة لعيا حطات راسها على المخدة وكما العادة جالت افكارها كل لحضات مضت من عمرها ويومها طفولتها فالميتم و الحياة في الشارع مع هبة ىصفاء واخيرا هذاك الشيطان لي طاحت فيه لي دخل حياتها المدمرة. وزادها دمارا فدمار صوتو مزال كيدور في وذنها غواتو اصلا هو ماكايهضرش بخال الناس كلامو كلو غوات واوامر ببببف المال كيخلي الانسان متكبر يأمر فقط. كيشوف للاعلى دائما افكارها هذي خلاتها تشكر الله على نعمة الفقر لانها ماكاتخايلش راسها وهي غنية متكبرة وكتعطي غير الاوامر اخيرا قدرات من شدة لعيا تنعس وتغمض عينيها

في القصر عند جوزيف او كما سماتو نور الشيطان فاق من نعاسو نزل من الدرج الرخامي الفخم. كيغوت فينك اهديك المتشردة هييييي فينك جيبي ليا كاس د الما
فين مشات هذي ؟ ببببف على حمقة قالها وهو كيحل فغرف الخدم. لربما يلقاها ناعسة كيف ديما اصلا ماكاتعرف دير والو من غير نعاس هد الحمقة فين مشات بببف خدا كاس د الما ورجع لبيتو شرب الما وكانت لمرايا قبالتو طاحت عينو على الوشم في صدرو صوفيا تفكرها وتفكر الحب الكبير لي حبها وعينه ظلامت ملي تفكر الخيانة ديالها نقاتم منها عذبها هي وعشيقها ومع ذلك مابردش قلبو ابتسم بشر وقال كلهم عاهرات وضرب الكاس مع لمراية في محاولة منه باش مايشوفش مزال هذاك الوشم
رجع لبلاصتو سد عينو ونعس
عند نور فاقت بصعوبة كتحس بالعظام  ديالها كلها  مهرسة  شافت فالساعة اولا بغينا وصف دقيق نصف ساعة معلقة فالحيط ساعة مهرسة كل جنباتها رغم ذلك لا تستغني عليها نور ناضت نوضة وحدة 8:30 ناري تعطلت اليوم يقتلني داك الشيطان
غسلات وجها سنانها وخرجات كتجري حتى للمحطة د الحافلة عاد وقفات حنات وبدات كتنفس بصعوبة كانت عيون تنظر لها من خلف زجاج طوموبيل اسود نعم عين جوزيف لي كان. معصب عليها معصب على التأخر ديالها حيت فاق ومالقاهاش قرب بسيارتو ليها هبط زاج وتكلم معاها طلعي غير شافتو الما هبط لها فركابيها وقربات بشوي لطوموبيل وطلعات في حين الناس لي كانت فالمحطة بقات كتشوف فيها باحتقار النظرة السيئة دائما كتاخدها عليك الناس من موقف صحيح بالنسبة لهم غلط
كانت فالسيارة الفاخرة ديال الشيطان كتخاول تبرر التأخر ديالها
ماسكتاتش بينما هو ما نطق بحتى كلمة واخا يدو كانت مزيرة على الڤولون  من شدة الغضب ومن الصداع لي دارت له فراسو من كثرة الهضرة حتى وصل السيل الزبى وتكلم

سكتييييييييي
هد الغوتة خلات الدم يجمد فعروقها وسكتات
اخيرا وصل لباب كبيييير كان كيبان شركة مكتوب اسمها على الباب لكن بطلتنا للاسف ماكاتعرفش تقرى هزات راسها كتشوف في هد المبنى الشاهق باعجاب ودهشة حتى قفزها صوتو

تبعيني