الايطالي والمتشردة

16

في القصر كانت نور كتدور مع الخدم فالدار كتقلب على شنو دير ما قدراتش تبقى ناعسة عمرها ولفات الخمول
حبيبة: نور اجي
مشات بسرعة عندها فرحات اخيرا لقات لها فاش تعاون
هاكي عطاتها حبات د الدوا شربي هدو راه خلا ليا السيد الدوا وقالي ملي تفطري نعطيه لك
تصدمات نور وببلاهة كيف ديما الشيطان خلى ليا الدوا منين جاه هد الحنان لعجب
حبيبة ضرباتها بخفة على راسها شربي يا هاد الحمقة  وسكتينا من الصداع
خداتها منها وشرباتها بقلة حيلة
حتى تفاجأت بالحارس دخل وقرب منها هد الحارس مزال كيركب فيها الرعب من نهار شافتو
هدشي صيفطو السيد مدهم لها وجبد هاتف من جيبو عطاه لها حتى هو
قالك السيد خلي هد التلفون عندك
مشا وخلاها فمها محلول من الصدمة هذا واش تصطا
شافت فالتلفون وااااو روعة زوين
حبيبة تكلمات بصحتك ابنتي. زوين بزاف
فرحتها تحولات للحزن بان على وجها
في حين تكلمات حبيبة مالك تاني
مانعرفش نخدمو. شوفي مطفي
امينة اجي عيطات لامينة جات
شوفي ابنتي شعلي ليها هد التلفون
خداتو امينة  فيديها وااو زوين عندك الزهر العفريتة كتهضر وتشعل التلفون

السيد واقيلا طاح فيك
ببلاهة ترد نور طاح فيا 😕
اه اه امكن كيبغيك ا هاذ الحمقة قالتها وعاطاتها التلفون فيدها بعد ما خدماتو
نور: انتي لي حمقة امينة كتقولي هد الهضرة
ماجاوباتهاش ضحكات ومشات
في حين نور سهات فالتلفون وفكلام امينة و هد الهدايا فكرة ان جوزيف كيحاول يغويها بلفلوس جات فبالها
ولكن علاش انا راهم بزاف وفلوسو تخليه يدي اجمل الجميلات
مممم بغاني نسمح ليه على ما دار فيا البارح والله لا سمحت لك المجرم
قالتها هزات العلب وطلعات الفوق
لتزيد صدمتها واااو ثوب رائع اسود مع صباط طالون كيحمق وصاك صغير

التلفون صونا فيديها جاوبات لا رد
الو الو اوكي كاع لا ، رجعات كتشوف فالثوب عليها قبالة لمرايا ممم زوين بزاف بحال د الاميرات 😍 شنو غندير بيهم 🤔
في المكتب وعند جوزيف لي ضحك على الغباء ديالو بعد ما صيفط رسالة نصية لنور على التلفون هههه كيفاش فكرت نكتب لها وهي ماكاتعرفش تقرى
من بعد نشوف مع هذ المشكل. قالها وهز التفلون مرة اخرى للاتصال بها من جديد
نور قفزها صوت التلفون هذا اول تلفون ليها مامولفاش عليه
هزات التلفون وجاوبات بكل ثقة ألو
الدم توقف في عروقو صوتها رائع كلحن موسيقي. كيسمع فيه وهي كتعاود تقول الو الو
حتى لاخر لحضة قبل ماتقطع وخرج من سهوته. وتكلم بجدية
جاب لك علي هذكشي لي صيفط ؟
ضحكات ببلاهة اه راه باينة. جابهم ليا. راك كتهضر معايا بالتلفون لي عطاني
وحهه ولا حمر موقف خايب. جوزيف العقل الاعظم والمدبر للكثير من الاعمال لشركته طاحت عليه البلادة والغباء امام هد المتشردة
الغضب رجع له وتكلم بنبرة غاضبة
مع 16 نبغيك تكوني pronta (  جاهزة )
نور ببلاهة هاااا؟
جوزيف : اوووف يا رب صبرك
مع الربعة تكوني واجدة غنجي موراك تمشي معايا لبسي هدشكي لي وصلك باي
قطع عليها
نور: حقير
جوزيف لاح التلفون بلا مبالات على المكتب كانه كيهرب من شيء. اه كيهرب من تعلقه بنور من اهتمامو بيها من افكارو من راسو لي ولا عامر غير بيها
نور فرحات بعد المكالمة باين من الثوب. غيديها لشي حفلة عمرها حضراات الحفلات كانت متشوقة بزاف وفرحانة اول مرة غتحضر لشي حفلة
بقات كتدور غا تما عيطات لامينة تعاونها تلبس الثوب ولكن كما باين ان امينة حتى هي كتر منها. من خلفية فقيرة. ماعرفات مادير لها اما حبيبة فميؤوس منها

نور بشفاه مدلية للقدام بحال الاطفال صافي ماغانمشيش لهذ الحفلة ماكانعرف لا نلبس لا ندير ماكياج امينة بيأس خرجات وخلاتها شادا الثوب فيدها. وجالسا على حافة السرير
الوقت يمر بسرعة 15 جوزيف خرج من مكتبه وتكلم مع السكيريتيرا ببرود قولي للموضفين صافي اقدرو امشيو
اليوم استثنائي عادة كيساليو حتى ل 18 ولكن اليوم بمناسبة الحفل كان خصهم يخرجو بكري ركب فالسيارة
جوزيف : تكلم مع علي a casa 🏡 ( الى البيت)
علي : واخا اسيدي
اخيرا وصل جوزيف حل الباب كانت حبيبة وزهرة امامه
وعينيهم فالارض
وجدات راسها هديك المتشردة
حبيبة باسى لا اسيدي ماعرفاتش تلبس
( عبارة تستعمل للشتم ) Porca puttana

طلع لبيتو وحل الباب كانت ناعسة ومعنقة الثوب شفتاها مزالين بنفس الطريقة لي خلاتها عليها امينة مدليين القدام كطفل لم يحصل على مبتغاه
قرب منها وحيد شعرها من فوق وجها علاش كاتثري فيا لهد الدرجة يا هذ الحمقة كان كيهضر بينه وبين نفسه بينما يمسح بيديه على بشرة وجها الناعمة اللمسات امتصت غضبه حس بيها تحركات باشارة بلي غتفيق حيد يديه عليها وقف عند راسها. حلات عينيها وتخلعات
اااه دارت يدها على صدرها خلعتيني اوف
جوزيف : نوضي انتي فين مامشيت نلقاك ناعسة علاش ماوجدتيش راسك حتى لدابا الحفلة غتبدى
نور بحزن 😔 ماعرفتش
كيفاش ماعرفتيش ماعرفتيش تقراي ميساج ماعرفتيش تلبسي. واش كاين شي امراة ماعارفاش تلبس اوووف دار يدو في شعرو بغضب
نور والدموع في عينيها من كلامو ضروري يفكرها بلي امية ويفكرها بلي متشردة في كل مناسبة جاوباتو. بتحدي وعينيها في عينيه
نور اه كاينة.امراة ماكاتعرفش تلبس ولي هي انا. وعطاتو الثوب ومشات للباب باش تخرج
حتى شدها من يدها دارت عندو لمسته كتخوفها جا وجها في صدره تفكرات الوشم وماعرفاتش علاش الدموع سبقاتها و شهقاتها تسمعات
جوزيف : سكتي بصوت بارد
كانت كتحاول تمسح عينيها بخلف كفها في حين هز التلفون وتاصل
سوزان بغيتك فالقصر دابا.
سوزان : اه 15 دقيقة ونكون عندك