الايطالي والمتشردة

8

كان جارها هداك الوحش وهي كتحاول تنتر منو ولكن دون جدوى جسدها ضعيف بزااااف  مقارنة معاه

غير شافت بوابة القصر العظيم   وحسات براسها   غتديرها فحوايجها
دفعها داك الحارس  او بالاحرى لاحها  حتى طاحت   عند رجلين  السيد
مشيت فيها قالتها في نفسها بدون ماتدير حتى حركة
في حين هزها من شعرها حتى وقفات بالسيف على رجلها
شديتك المتشردة
اي اي عافاك طلق مني   طلق ضريتيني

ابتسم بشر
هدشي لي بغيت الغزالة  كمل كلامو وضربها بطرشة كانت كافية باش طيح على الاوض

حقير تفو

عاودي عاودي شنو قلتي
ناري شنو درت  بقات كتجر بجسمها للخلف محاولة الابتعاد على هد الوحش

لا لا عافاك ماقلت والو  انا كنسحب كلامي
اشمن كلام المتشردة  
عافاك كلام لي قلت قبيلة  عينيها عمرو بالدموع  

سمح لي عافاك ماتقتلنيش راني خدامة على والديا وعشرة د خوتي  صغار

شوفي فيا

هزات عينيها  والدموع فيهم  بقا كيشوف في عينيها 
عينيك مجرة يا هذ المتشردة   قالها في نفسه
واتمم في حين هي كانت كتسنا عفوه
نطق كذابة 😏
نور : انا ؟ لا كنحلف لك ماكنكذب خوتي فالدار وبابا مريض وماما
ماكملاتش هضرتها حتى هزها من شعرها
ماتبقايش تكذبي يا هذ الغبية عينيك فاضحينك
كتنخسس من لبكا وتهضر بالصح ؟ كايبان فيا لكذوب ؟
ابتسم لغباءها وطلقها من شعرها لتقابل الارض بتأوه اي
سمحت لك

😃بالصح شكرا
قالتها له وجمعان الوقفة تمشي 
وقفييي
تسمرات فبلاصتها شنو تاني 😰

سمحت لك على كلامك د الصباح   ماشي سمحت لك تخرجي من هنا
دارت لجيهتو كان واقف ببرود واكمل
سمحت لك بشرط
نقزات  اه غير شرط   لي شرطتيها عليا نديرها
غاتبقاي هنا غتخدمي هنا فالقصر  عندي
😳 كيفاش شنو قلتي 
اه كيما قلت غتخدمي هنا  
اويلي واش بغيتي تسطيني كيفاش غنخدم فهد القصر قد هكا بوحدي
ابتسم بشر
اولا كاين خدم  غيجيو غدا  انتي غتخدميني انا لي بغيتها تجيبيها ليا وفين مابغيتك نلقاك اوكي
ثانيا ماكانبغيش نعاود هضرتي جوج مرات
يالاه تحركي من حدايا دابا سيري صاوبي ليا قهوة  تكون قاصحة حيت راك ضريتيني فزاسي
خلاها ومشا كانت علامات الغرابة كتبان عليها هذا غير شويا كان يضرب فيها دابا بغاها تخدم عندو اوكي هزات كتافها ومشات لكوزينة
انا اصلا كنت محتاجة خدمة حسن ما نبقا واقفة نهار كامل قدام  السطوبات
ابتسمت بخفة وكانت القهوة وجدات دارتها في فنجان وداتها له
اويلي فين هي بيت هد الشيطان
سيدي اسيدي واااا هذاك الشيطان وقف زغب جسمها ملي سمعاتو موراها
ابتسمت بخوف ها قهوتك اسيدي
خدا منها الكاس ودخل للغرفة لي كان واقف فالباب ديالها
تبعاتوخطوة للامام وتراجعات لكن اوقفها دخلييييي
ترعدات لحد الان صوتو المرعب كيخلعها ويركب فيها الخوف العظيم
جلس فوق اريكة  فخمة كيشرب فالقهوة ويشوف في هدي لي نسات وجودو وكدور بعينيها وجسدها في حلقة  كتشوف فخامة هد الغرفة

حتى خرجها من احلامها   ومن سهوتها  بسوؤاله

شنو سميتك قالها وشعل سيجارة 

أااا انا اسمي نور
لاواه الظلام 
هد السيمة غير تعداو عليك بيها

للحظة نظراتها تحولات لحزن  تفكرات ان الاسم مجرد اختيار ديال شي حد من الملجأ ما عرفات حتى شكون عطاها اسمها
كان كيراقب حركات وجها لانها بحال طفل صغير حركاتها طفولية جدا
صافي تقدري تمشي
واخا اسيدي
خرجات وسدات الباب موراها
في حين جلس هو كيشرب قهوته ويدخن سيجارته