الايطالي والمتشردة

9

كمل قهوتو دخل لدوش لبس سروال بيتي وتلاح فوق الناموسية بعد هد اليوم الشاق المتعب وعاد كملات عليه المتشردة صدعاتو

بينما نور بقات كتجمع هنا وهنا وهنا باش تلف الوقت لانها قنطات كانت كتحس في الملجأ انها سجينة ودابا نفس الاحساس بالسجن اوووف تنهدات ومشات لركن من اركان القصر وجلسات حتى ماحساتش بالنعاس لي وصل لعينيها كذلك هي دوزات يوم شاق ومتعب
مرت ساعات حتى حسات بشي حد شادها من شعرها ماعرفات باش تبلات
اي اي اي
نوضي يا هد المتشردة واش احسابك عندي اوطيل انا هنا
ناضت وقفات قدامو ويدو مزال فشعرها كانت كتوصل لكتافو رغم ان عندها حقها من الطول الا انه اطول اولا عملاق
صافي طلقني شنو بغيتي
حلات عينيها بعد ما هضرات
😱 كان لابس غير سروال ومن الوفق عريان عظلاتو مرسومة بشكل رائع   وريحتو ااااه ريحتو كتطير لعقل
سرحات في عالم احلامها
حتى فيقها للمرة التانية هد المراة من عالم الاحلام

واش غتبقاي حالة فمك فيا سيري وجدي ليا لعشا
نور : اوكي تمت غادة
وعاود شدها من شعرها حتى ردها لعندو وجها هد المراة جا مباشر لصدرو لي كان عليه وشم
وجها تبدل فيه لون
بينما هو تكلم واش قلت لك سيري

بقات كتمتم ا لا لا ماقلتيش ليا
هو: اوا هذ المراة ماتحركيش من قدامي تا نقول لك
دابا سيري جيبي ليا قهوة هي الاولى وعاد صاوبي ليا لعشا
ااه وصاوبي قهوة ايطالية ماشي داك الما والزغاريت لي درتي ليا قبيلة
هي : اه واخا اسيدي مشات وهي ماعرفاش كيفاش هد القهوة الايطالية اصلا هي كتعرف غير قهوة متبوخة مع لحليب
اووف مشكيييلة دخلات للمطبخ صاوبات قهوة وجابتها له بينما هو جالس كيقرى فجورنال حطاتها قدامو شاف فالقهوة وفيها
هذي هي قهوة ايطالية ؟
هي كتفتف انا ماعرفتش هد القهوة الايطاليا
هو بلغوات وشنو كتعرفي يا هذ المتشردة
عينيها عمرو بالدموع هي عارفة راسها متشردة ولكن اهانتو ليها ديما بداك الكلمة كتجرحها
سيري دي عليا هد القهوة تا تجي حبيبة غدا هي غتوريك كيفاش كنشرب قهوتي دابا سيري بحالك
خلاتو ومشات
هو : حمقة
دخلات للمطبخ كتوحد لعشا لي قال لها ودموع عمرو في عينيها
حتى كتفاجئ بيه واقف وراها على جنب الباب متكي وكيشوف فيها
دارت عندو وهي كتحاول ماتهزش راسها باش مايشوفش دموعها
نعم اسيدي بغيتي شي حاجة
هو ببرود مالك كتبي؟
توترات من سؤالو ولكن ماكانتش تخليه يشفق عليها
لا لا والو البصلة حرقاتني في عيني
ابتسم هاهاها حمقة حيدي حيدها من طريقو وخدا القهوة
وتكلم اجي شوفي كيفاش كتصاوب
مسحات عينيها وقفات حداه وحلات عينيها باهتمام كتحاول تعلم باش مايغوتش عليها مرة اخرى سيرتو بداك الصوت لي كيجيب لها الرعب
كان كتفها جنب لجنب مع كتفه
شعرها الغجري مسدول على كتافها بطريقة عشواءية رائعة بشرتها صافية كالذهب
كل هذا كان في ثواني وهو كيتامل فيها بجنب عينيه
كمل وتكلم
هذي هي القهوة الايطاليا ضربها على راسها هز الفنجان قبل مايخرج
هاكا نبغيك تصاوبيها مرة اخرى
بحزن كتحرك راسها بمعنى حاضر
حل المساء حطات له لعشا وقفات
جيبي لك وجلسي تاكلي ماشي غناكل بوحدي انا
نعام 🙁 بدهشة
هو قلت لك جلسي تاكلي واش ضروري نعاود معاك الهضرة جوج مرات
ببلاهة اا هاااه اوكي اصلا فيا الجوع واخا نجيب بزاف ياك اسيدي
ماجاوبهاش وكمل ماكلتو جابت طبسيل ليها
وبقات كتاكل بشراهة النهار كولو ماكلات
حبس ماكلتو
واش انتي ديما كاتاكلي هاكا؟
فمها عامر اه هاكا
اوووف
كمل ماكلتو كانت مررة مررة كتشوف في طريقتو فالماكلة بحال شي امير وبالفورشيط والموس انا بلمعلقة ومامقاداش ماكلتي
فرق كبيير يا نور زعمة بحال هد النوع د الرجال كيشوفو فوحدة بحال النوع ديالي
عاد تفكرت القصة د الجميلة و الوحش لي كانت قرات لنا السيدة خديجة فالملجأ فالقصة كانت جميلة والوحش ولكن فالواقع بصراحة انا هي الوحش وهو الجميل 😍
كملات تفكيرها والنظر اليه ورجعات بعينيها للصحن ديالها كملات ماكلتها
ناض من على الطبلة وتكلم غدا بكري غيجيو الخدامة هما غيوريوك القصر وشنو تقدري تديري
خوات فمها اه اه واخا ا سيدي

مشا وخلاها