الايطالي والمتشردة

7

بعد سنة

نور كتدور فالسطوپات بسلة  ورد و بعض علب كلينيس  كتحاول تبيع  ما امكن باش تسد جوعها 
كان مضهرها نقي بعض الشيء بحيث ولات  ساكنة فبيت فالسطح فيه ما والضو  ماشي بحال الكوخ الاول
وجها كان مورد بحال زهرة متفتحة  شعرها البني واخا باين عليه اثار الاهمال  ولكن جماله كيغطي على اهماله
هبة ولات عاملة فاحد البيوت  كتزورها مررة مررة   كتشوفها وتطماءن عليها
اما صفاء عمرها نساتها كل يوم صباح كتدي لها وردة  لقبرها كما واعداتها 
شعل الضو الاحمر قوبات من السيارات  كتحاول تبيع شيء من سلعتها
حتى حد ما عطاها اهمية رجعات لجانب الطريق
فتاة جميلة بل فاتنة بوجه جميل خدامة فالزنقة اكيد تعرضات لمحاولات كثيرة للتحرش لا من  الفقراء بحالها ولا اكفس منها وبعض الاحيان من اصحاب السيارات 
لي كانت كتوقف  فعلا اغنياء وعندهم زوجات انيقات ومع ذلك  لا يستسلمون في كل فرصة كتجيهم
اوووف قالتها وهي تنوض مررة اخرى لجهةالسيارات بعد ما شعل الضوباعت القليل فرحات بزاف

في مكان اخر   عبارة عن كراج او مستودع كبييير جوزيف جالس على كرسي بطريقة عكسية  ورجل  مقابل معاه
كيترعد من الخوف والبرد اثار الضرب كانت باين عليه  والما حوايجو كلها فازكة

عطا اشارة لواحد من الحراس  باش يحيد له   لغطا على عينيه زاد خوف الراجل  وبقا كيتمتم بالهضرة السي سالڤاطورعافاك سمح ليا غير هد المرة كنحلف لك غدي نعطيك فلوسك فاقرب وقت
ناظ جوزيف من بلاصتو وقف وراه  وشدو من شعرو   من الاحسن والا غندير بمخك  طبق بالبيض ونفطر بيه صباح
غنعطيك 24 ساعة تكون فلوسي عندي
وخرج وخلا الحرس اتكفلو بيه  جوزيف الشيطان رجع لطبعه لا رحمة 
بعد ماكان تبدل بسبب حبه لصىوفيا
ركب  سيارته واتجه نحو القصر    في الطريق وعند الضو الاحمر قربات منو  نور ولسوء حضها ماعرفاتو حتى هز راسو من علبة السيارة لي فجنبو   عافاك اسيدي خود مني وردة  اهديها لحبيبتك ☺️

صوتها صوت المتشردة رن فوذنو  وكانه  اعصار 
غير هز راسو حات عينيها   البراقة فعينيه  
من الخلعة طلقات لوردة من يدها اكيد كتخاف منو هالة الرعب   تحيط به وعاد نهار ضرب خطيبتو حداها  كيفاش وحدة كيبغيها ودار فيها هكاك فما بالك متشردة

انت  ؟؟

ايه انا مالك يا هد الحمقة شفتي جن  قالها ببرود عكس مشاعره لي تخلطات

نور نشوف جن ومانشوفش وجهك قالتها وهربات
شرارة الغضب طلعات لعينيه لي اظلمت من كلامها
وقفيييييي قالها بصوت مرعب   خلاها تزيد تهرب مزال
نزل الحارس  كيجري لسيارتو
سيدي مالها سرقات لك شي حاجة
جوزيف جيبها ليا من تحت الارض او فوقها
حاضر
شوف مانبغيش شعرة فيها تقاس

وصل لقصره وكانت علامات الغضب باينة عليه
عروق رقبته بااينة 
كيمشي هنا ولهيه
غير بلاتي عليك المتشردة حتى تجي بين يدي غندمك على نهار لي تولدتي فيه

في غرفة فالسطاح كانت ملاوحة فوق سرير قديم كتسترجع انفاسها
نااري الشيطان كان غيشدني  اليوم كون راه قلع لي الجلد على العظم
لاباس منين قدرت نهرب من داك المجرم
اكيد غيكون قتال اصلا الشكل ديالو ديال قتال 
اوووف تفو عليك القتال خسرت كاع السلعة ديالي  شنو غنبيع دابا
تفو كنتمى  لك الجحيم
الجحيم كيتسناك  المتشردة  حلات عينيها على الصوت المرعب والاحساس بالدهشة