الايطالي والمتشردة

19

بعد حين دخلات نور للقصر بينما جوزيف كيهضر فالتلفون  مع مدير مدرسة خاصة.
امينة : فين كنتي الحمقة ماتقوليش ليا دوزتي الليل كله معاه
نور: اه معاه ولكن ماشي معاه لي على بالك الحمقة ضحكات وخلاتها غارقة في فضولها
نيشان للدوش دوشات ولبسات  حوايج كان جابتهم لها امينة بامر من  السيد

رجعات بسرعة للطوموبيل  وقالت واجدة  وعينيها مزال على الارض
ركبات وانطلق  مرة مرة كان يشوف فيها  هذي مالها ملي فاقت وهي ماشي نورمال ممممم تكون عقلات على شنو دارت البارح
شاف بيها بنظرة جانبية شريرة
مالك ساكتة  عقلتي على شي حاجة  من بسالتك
كلامو خلعها ناري قفراتها بقات تلعب بصباعها. وجها حمر   ماكرهاتش تحل الباب د الطوموبيل وتهرب
نور : ااا انا البارح شنو ىقع البارح  تدعي البلاهة
جوزيف 😏 مممم ماوقع والو نزلي وصلنا
دخلات معاه لمدرسة كبييرة. كانت نظرات الاعجاب في عيون لبنات باينة
كيتهامسو  مع بعضهم على جوزيف.
وصلو لمكتب المدير سلم عليه وكذلك هي
تكلم المدير سيدي قلتي   خصها تبدا من الاول ؟
جوزيف اه من 0
المدير بتمعن كيشوف فيها  ويفكر
صافي  اوكي عندنا اقسام خاصة  بالناس لي كتجي من دول اخرى  كتعلم العربية  ومعاهم الامييّن   الناس لي ماحالفاهش الحظ تقرا بحال هد الشابة
واخا انا غنسجلها  كانت كتشوف فالارض وكتلعب بيدها  الخجل في عمرها وماكاتعرفش تقرا 
شنو الاسم د يال الانسة 
جوزيف : نور 
اوكي المدير كيسجل المعلومات
الاسم العائلي
شاف فيها جوزيف والمدير باش تجاوب بدات الدموع كتجمع في عينيها  اكيد  ماعارفاش اسمها العائلي عندها اسم خاص باش كيعطو لها  صافي
جوزيف دارك الموقف. سالڤاطوري اه نور سالڤاطوري
المدير : مممم واخا هكاك خصها تجيب   شهادة ميلاد
جوزيف : بصراحة. شهادة ميلادها في ايطاليا   خص الوقت باش ممم راك عارف
المدير وبدارية منو لمكانة جوزيف صافي واخا ماشي مشكل اسيدي من غدا تقدر تبدا معانا
وقف جوزيف وشكرو وكذلك نور
ومشاو
ركبات حداه بصمت  فضولها خرجها من الصمت
فين لقيتي ليا هد الكنية سالڤاطوري واع. كنية كتضحك  واش من نيتك كتكذب على المدير زايدة في ايطاليا انا حياتي كاملة وانا نحلم نشوف  روما نشوف  هذاك   لي بحال  الحيط  ماعرفت سميتو
جوزيف ببرود : سالڤاطوري اسمي العائلي الحمقة
نور :🤭 سمح لي ماعرفتش
جوزيف : وهذاك الحيط بسخرية يرد  سميتو  Colosseo
بعد لحضات  وصلو للقصر نزلات حيت هو كان خصو يمشي للشركة
تكلمات بصوت خافت : شكرا حيت عطيتيني كنيتك  قالتها ومشات للداخل
بينما هو انطلق نخو الشركة
امينة في الغرفة مع مريم : بالصح 😃 غتعلمي مزيان احبيبة فرحت لك
هكذا غتحسي براسك مزيان عرفتي احبيبة الانسان الاميّ بحال الانسان الاعمى  العلم هو النور لي كيخرجو من الظلام
نور بحماس اه بالصح. احبيبة غنتعلم   هكذا غنقدر نخدم ونعتامد على راسي
عنقاتها امينة. مبروك عليك احبيبة
مشات وخلاتها صداع فالراس ديالها رجع تاني
في الشركة. كان جوزيف كيعطي الاوامر  هنا وهناك
دقان في باب المكتب
ادخل قالها وعينو مزال على لوراق قدامو تجمعات عليه الخدمة بسبب البرهوشة كيما كيسميها
هز راسو كانت صوفيا  تتمايل في مشيتها كيف ديما بطريقة الدلال ديالها وبحذاء  كعب عالي
حط الستيلو من يدو
مرحبا ببرود قالها
صوفيا قربات  له وجلسات رجل على رجل فخادها كلهم كون باينين
صوفيا : ماتوحشتينيش ؟
جوزيف :بدون رد
صوفيا كتحاول تصنع الحزن  عينين حوزيف عليها ماعرفش علاش فلحضة  في ديك اللحضة بالضبط حس براسو عمرو بغاها  طريقة تصنع الحزن ماشي بحال طريقة البرهوشة فمها   فاش كتقلق حركة الاطفال عليه
شعرها  الغجري  المهمل في اغلب الاوقات  ماشي بحال شعر صوفيا ديما مصاوباه ديما  تسريحاتها  مختلفة على حسب شنو لابسة حوايجها  ماكياجها
ماشي بحال البرهوشة كتلبس لي جا فالطريق بدون  تكلّف
صوفيا : جوزيف جوزيف واش كتسمعني
جوزيف خرج من شروده في مقارنة نور ب صوفيا مقارنة احساسه  مع نور باحساسه قبلا ودابا مع صوفيا
شنو قلتي
ابتسمت بشر قلت لك  نتسناك لعشية
اه اه واخا صافي خصني نمشي دابا  وقفات صوفيا وباصتو فوجهو  اوكي احبي Allora ci vediamo sta sera ciao (اذن نشوفك هذ لعشية)
خرجات  وخلاتو فبلاصتو هو ماكانش عندو فين غيمشي غير مخاولة منه للتخلص من صوفيا
رجع جلس بلاصتو   
كنبغيها كنبغي هديك الحمقة  كنبغيها بزاف  اعترف اخيرا لنفسه 
ساعات بعد ها وخرج  مشا للقصر امينة وحبيبة واقفين مرحبا برجوعك اسيدي
فينها ؟
حبيبة ببلاهة شكون اسيدي
جوزيف نور
اه راه فالبيت اسيدي كان ضارها راسها وخليناها ناعسة
جوزيف بين اسنانه بالسيف مايضرها
حبيبة وامينة بقاو كيشوفو فيه مشا وخلاهم
امينة تضحك ناري ولاهيلا كيبغيها
حبيبة سكتي اهد الحمقة راه غيسمعك
امينة اوكي اوكي ااح ماكرهتش حتى انا شي امير بحال لي فالافلام اجي اخطفني
حبيبة انتي راه مخطوف لك لعقل زيدي قدامي
عند نور غارقة في احلامها ماحسات حتى جرها من رجلها

اب تعليقاتكم 😘😘😘😘😘