الايطالي والمتشردة

12

   صوفيا 👆👆👆👆👆

صوفيا اهلا اهلا شنو كديري هنا  ؟

صوفيا هذي لي شنو كدير هنا عندك فالمكتب ديالك كان الغضب باين على وجها
وقفات على راس نور بعد ما جاوبهاش جوزيف  انتي شنو كديري هنا؟؟
نور بصدمة انا انا هربات وقفات وراه. كانها كترجاه ينقدها من هد الشريرة
وقف وقاد الكوستيم ديالو. شنو جيتي ديري هنا صوفيا ؟
تغيرات ملامح الغضب للبرود عند صوفيا. قربات له ودارت يدها على صدرو بينما جسد نور كيبان منو غير عينيها لي كتطل من خلف الحائط البشري لي قدامها
صوفيا : حبي توحشتك وجيت نشوفك. قالتها ويدها كتلعب في الطرف الصغير لي بان من صدرو 
بعد لها يديها سيري بحالك  قلتها لك هدي عام قلت لك. عمري نسامحك بعدي من طريقي حسن لك راك عارفاني شنو نقدر ندير فيك
الخوف في نظراتها باين ولكن  محاولات الاغراء ماوقفاتهاش
جوزيف انا كنبغيك. عافاك سامحني كنواعدك نتبدل  ودموع التماسيح حاولات تنزلهم من عينيها قطرات 
مابقيتش بغيت نشوفك قالها ببرود. وكانت ر فعل نور ابتسامة عريضة ماعرفاتش علاش ابتسماتها  ربما حيت جوزيف  قمع صوفيا  الشريرة
لكن ابتسامتها ضاعت ملي  صوفيا بعدات القميص ديال جوزيف شويا على صدرو وعرات على وشم باسمها  سميتي فقلبك جوزيف عمرك ماتقدر تنساني
Sofia  كان اسمها موشوم فوق قلبه
ابتسمت بشر وانتصار على نور  لي عينيها كانو محلولين لاخرهم فصدر جوزيف والوشم   ماعرفاتش تقراه ولكن من كلام صوفيا باين  المعنى
حركة فمها كالاطفال ملي كيحزنو  وعينيها عمرو بالدموع
جوزيف مزال فبلاصتو وتكلم  خرجي بحالك صوفيا
هزات صاكها  قربات له وباستو فمو بخفة  باي نشوفك من بعد
ولا رد فعل من جوزيف لي عينيه ظلامو  بينما نور هبطات راسها وخرجات من المكتب  في اتجاه  قصره
مشات على رجلها رغم ان المسافة كانت بعيدة   الدموع واخيرا طلقات سراحهم وخلاتهم هابطين على خدها
كتكلم نفسها بصوت  ضعيف ومسموع
ببببف. باين كيبغيها بزاف اصلا زوينة. ولاباس عليها لباسها ريحتها كلشي فيها غالي. وزوين
حظها فالحب كبير ماشي بحالي انا  ماعاندي حتى اسم عائلي   من كثرة التفكير ديالها ماحساتش  حتى وصلات للقصر دقات وخرجات لها شابة فالعشرينات او اكثر
نعم ؟
السلام انا نور انا ال..
ماخلاتهاش تكمل انتي الخدامة الجديدة لي قال لنا السيد عليك دخلي
دخلات وراها
وصلاتها الخدامة للمطبخ كانت فيه امراة كبيرة فالعمر
السلام قالتها نور للمراة
في حين قربات لها وعنقاتها مرحبا بك ابنتي
واااو احساس جمييييل حساتو عمرها سمعات  كلمة بنتي من شي حد
ابتسمت بحزن وفرح مخلطين بعدات منها المراة شويا  وتكلمات
انا سميتي حبيبة  وانتي ابنتي
نور سميتي نور
ابتسمت المراة اه مرحبا ابنتي  انا كبيرة الخدم  شوفي سيري مع  امينة غتوريك  التفاصيل د القصر وشنو تديري
اه واخا اخالتي
ومشات مع امينة لي فتحات لها الباب فالاول
ولكن قبل هضرات المراة المسنة
شوفي ابنتي قبل ماتبداي الخدمة  رجعي للكوزينة كولي شي حاجة عاد بداي
ردت نور بابتسامة لطيفة وتبعات امينة
في المساء كان القصر كله تمام   الخدم ومعاهم  نور قادو كلشي طابلة لعشا محطوطة
دخل جوزيف  كانت. هالة الرعب عليه  ريحت العطر ديالو طغاة فالقصر
هد الريحة كانت كتموت عليها نور  روعة  ربما لانها ماعمرها شمات عطر غالي بهد الروعة  او ربما هو. دايرو
وقفو الخدامات  برؤوس مستقيمة اما هي وقفات جنبهم  وراسها فالارض
تكلمو الخدامات مرحبا برجوعك سيدي
ماعطاهم حتى رد
طلع لبيتو حيد حوايجو ودخل للدوش كان كيحاول التخلص من الافكار المشوشة ديالو كلام صوفيا الوشم رد فعل نور كمل الدوش وخرج بفوطة على نصه
حتى كيتفاجأ بالباب تحل
سيدي راه لعشا وجد قالت ل ماكملاتش  كلامها 😱 وجها ولا حمر من المنظر اوف اوف اوف قالتها وهبطات  راسها
هو قرب لها حتى  بقا بينها وبينو  سنتيمات ريحتو وصلات لانفها
هزي راسك   كانه كيهضر مع جتة
قلت لك شوفي فيا ملي نكون كنهضر معاك قالها بلغوات  هزات راسها وجات عينيها فصدرو بحكم قصر قامتها مقارنة به  وبالضبط على لوشم  واخا امية ولكن من كلام صوفيا باين اسمها بوجه محمر بقات سارحة فالوشم
حتى خرجها من سهوتها
قولي ليا انتي واش ماكاتعرفيش دقي طلبي الاذن عاد دخلي ؟
انا ااه سمح ليا مانعاودش
شد وجها بيده  شي لي  خلا  الدم يتجمع فيه   ابتسم ابتسامة جانبية   وتكلم Sei una bella bambina
(انتي طفلة جميلة )

بقات كتشوف فيه  ببلاهة لانها مافهمتش كلامو وطلق وجها
من الاحسن لك ماتعاودش  ا هاذ الحمقة  دابا سيري بحالك انا غنهبط عطاها بضهرو. وحل  لبلاكار باش يجبد مايلبس
بينما هي باقا واقفة رجع بالجسد ديالو لور شاف فيها باستغراب
غتسنايني حتى نلبس ؟ ماعنديش مشكل يمكن لك تبقاي  قالها وابتسم بشر
اما بطلتنا البلهاء 🤭 سمح لي انا غنمشي  بحالي للدار حيت ساليت خدمتي
جوزيف : انتي ماغاتمشي لحتى بلاصة ا هد البليدة  قلت لخدامة يعطيوك بيت غتبقاي هنا  نقدر نحتاجك
بصدمة نور : ولكن اسيدي راه  عندك الخدامة انا خصني نمشي لداري
انتي ماغاتخرجيش من هنا. اوكي قالها بغضب. ثم عاد لهدوءه دابا سيري من قدامي كتعصبيني
خرجات بحزن اوووف على شيطان قالتها بصوت خافت لكنه سمعها
ابتسم على بلاهتها 
كيلبس حوايجو وافكاره لم تفارق البلهاء
عينيها  وجها  حماقتها طفوليتها تجعله يبتسم جوزيف الرجل  الشيطان فعلا هي ماضلماتوش باسم الشيطان لا رحمة في قلبه   لكن هذ البلهاء تجعله يبتسم  يحب وجودها  يحب تلقائيتها  
كمل لباسو نفض هد الافكار من راسو
لعبة هي لعبة  قالها وتحولات ابتسامته في لحضة لنظرة شر  كانه مريض بالفصام  لعبة نتسلى بيها شويا  قالها وخرج في اتجاه طاولة العشاء