الايطالي والمتشردة

17

بعد لحضات كانت نور في غرفة اخرى مع سوزان وبفضل الخبرة ديالها خلاتها تبان بحال اميرات ديزني مكياج  هادئ     لكن مزال مشكل اخر ولي هو الطالون نور ماكاتعرفش تمشي بالطالون  بعد جهد جهيييد من سوزان اخيرا قدرات تمشى بيه ولكن بطريقة بطيئة
دقان على الباب  جوزيف  كيغوت واش غنبقاو هنا  يالاه حل الباب ليُفاجأ بالمنظر. وااااو. جات غزالة   هد الحمقة غدي تخرج ليا عقلي   نظرات اعجاب  متبادلة  حتى  هو جا غزال ببدلته السوداء  وشعرو ممشوط بطريقة  رائعة نظرات سهو اعجاب ضياع بيناتهم قطعاتها سوزان بكلامها
سيدي راه نور ماعرفاتش تمشي بالطالو مزيان. خصها مزال
ماخلاهاش تكمل هضرتها  تكلم خصنا نمشيو يالاه قالها بصوت   ضعيف
اه اه انا جاية تبعاتو وخلاو سوزان في حيرتها  زعمة يكون مرتبط بهد المتشردة و صوفيا🤔  هههههه ضحكات بشماتة متكبرة تستاهل 😏

ركب جوريف السيارة ديالو وركبات حداه نور بينما الحارس تبعهم بسيارة اخرى حتى وصلو لقاعة كبيرة  نزل ونزلات حتى هي كتحاول تمشى بشوي ماولفاتش لا  حوايج بحال لي لابسة لا طالو ن
شاف فيها مالك؟
قربات له ودارت ذراعها مع ذراعو خليني شادة فيك عافاك خفت نطيح بهد الطالون
ههههه ماقدرش احبس الضحكة (غبية) Stupida قالها وتمشا معاها للداخل
نور: شوف ماتبقاش تعايرني بالايطالية
جوزيف لعجب كيفاش فهمتي
نور ببلاهة هاااا حصلتك عايرتيني هزات راسها بشموخ واخا ماكانفهمش الايطالية ىلكن من هضرتك كنعرفك حفضت حركات وجهك 😌
نظرة التعجب فوجهو وقفها واخيرا ملي وصلو للباب الرئيسي ودخلو وسط الحشود دالناس غير دخل كلها منين كيجي اسلم عليه الشي لي خلاها طلقات من يده وخدات زاوية ليها وقفات فيها كانت انظار بزاف عليها. اعجاب وفضول لمعرفة شكون هذي لي قدرات تجي بلاصة صوفيا
داز السرباي من حداها وخدات منو عصير تشربو عينيها ما رساتش فراسها كتشوف هنا وهنا فالقاعة الكبيرة والناس لي فيها باين عليهم الخير لاباس عليهم من المجوهرات واللبس لي لابسين
وكاين موضفين لي شافتهم داك النهار فالشركة و السكريتيرا حتى هي كيهضرو مع بعضهم الا هي مالقات معامن تجمع ماكاتعرف حتى حد
وقف حداها شاب وسيم كان لابس مزيان ريحتو زوينة بزاف
في يدو كاس عطاه ليها وتكلم
خودي هذا غيونسك اكثر من كاس العصير في يدك
ببلاهة كتشوف فيه كانها مافهماتوش حتى لحضة حطات العصير. وخدات منو الكاس. مد ليها يديه
يونس !?
متشرفين نور
هذشي علاش كنقول الحفلة منورة
ابتسمت بخجل
مرت نصف ساعة واكتر جوزيف من ضيف لضيف كيطلقو هذا ويشدو هذا بالهضرة
اما نور فكان يونس مؤنسها   نساجمات معاه ضريف. وكيعرف يهضر. مع النسا طريقتو فالمغازلة زوينة كانت  كتضحك بين الحين والاخر على نكت صغيرة من يونس
حتى لحضة حسات بالدوخة حطات الكاس لي كان الخامس او اكثر
وتكلمات خصني نخرج تخنقت هنا
شدها يونس من يدها اجي
مشاو للحديقة د القاعة جلسها على كرسي جنب المسبح بعد لحضات
شويا دابا ؟! يونس شاد يد نور وكيسولها
نور اه اه مزيان دابا
اعجاب يونس بنور كان باين ماحاولش اخبيه مني دخلات وهو كيوصف فيها باجمل الصفات
قرب من فمها نور تحت تاثير الكحول. ماعرفات شنو طاري. حتى شافتو. واقف بالسيف عليه دارت يدها فمها ملي شافت جوزيف شانق عليه حتى وقف وضربو لوجهو طاح فالمسبح جرها من يدها
اي اي بشويا ضريتيني ماداهاش فيها
دخلها للطوموبيل وكسيرا
كانت علامات السكر باينة عليها
صباط خلاتو تما من كترة الجر لي جرها  طار ليها من رجليها
حفيانة وكتخربش فرجلها هو واصل لقمة الغضب وهي ببرود وسكر كتهضر رجلي توسخو اوف منك شوف رجلي كيف ولاو بسبابك
وحركة فمها كالعادة كالطفال كانت كلماتها كتزيد تطلع ليه زعاف
علاش ضربتي يونس هو راه ضريف ماشي بحالك انت شرير
كلماتها كانت كافية باش تخليه يهبط ويضرب لها راسها مع الزاج د الطوموبيل تخيل المشهد من كترة غضبه
اخيرا وقف الطوموبيل ونزل بينما هي كانت كتشوف من الزاج ببلاهة فين حنا
حل الباب وجرها من يدها نزلي الحقيرة انا غنوريك فين حنا