الايطالي والمتشردة

21

في غرفة جوزيف. نور كتشوف فلحوايج عاجبينها بزاف متحمسة للمدرسة
دخل جوزيف لقاها قبالت لمرايا كتشوف حوايج على راسها كيف جاو
دارت لقاتو كيشوف فيها ومتكي على الباب
حطاتهم من يدها وتكلمات انا غنمشي لبيت لاخور ندي هد لحوايج دازت من حداه هازة حوايجها لي غتلبس للغذ
حتى شدها من ذراعها. الرعشة في جسدها كل ماقاصها تسري
هزات عينيها كتشوف فيه بمعنى نعم ؟؟
غتبقاي هنا
نور : انا راه وليت بخير مابقيتش مريضة ها انت شوف هزات يديه وحطاتها على جبينها الدم سخن فعروق يديه
بعدها لا انت غتبقاي  هنا  سينو غدا غتصبحي ناعسة كيف ديما وانا مابغيتكش تعطلي على اول نهار فالمدرسة قالها وسد الباب ومشا للدوش
هو اكيد ولف حركتها ولف وجودها مابيهش المدرسة
بقلة. حيلة رجعات حطات لحوايج بعد ما عزلات شنو غتلبس للغد حتى كتفاجئ بيه خارج بلفوطة على نصفه فقط. لونها تبدل ويلي هذا واش ماكايحشمش
ببلاهة كيشوف فيها مالك
نور لا والو مشات بالزربة لبلاصتها خدات لقنت د السرير علاين طيح
حسات بالجسد ديالو الضخم تلاح على السرير غمضات عينيها بعد لحضات دارت راسها ناعسة
دار جيهتها شعرها كان واصل للمخدة ديالو ريحتو ريحة شعرها من اول نهار اثرات فيه ريحتو حركاتها كتسكت ديما الوحش داخله
4 صباحا كانت تأن بصوت خافت حتى فاق على صوتها دوز يدو على وجها مالك
كانت شادا كرشها لوجع فيها لكنها مابغات تقوله والو
جاوباتو بعينيها لي كانت كتبرق فالظلام تحت ضوء القمر لي داخل من البالكو
والو غير كرشي ضراتني شويا
حكزها عندو وعنقها ودار يدو على كرشها. ضهرها كان لاصق مع صدرو
وكيدوز يدو على كرشها بخفة صافي صبري شويا وماغاتبقاش ضاراك
ابتسم بخفة هذا راه Gelato لي دارها بيك الحمقة صافي نعسي غدا غتصبحي بخير
يدو كانت بحال سلك كهربائي عليها السخونية طلعاتها من رجلها حتى لراسها
نور كتهضر مع راسها رجعي تنعسي راه عمرو يبغيك الحمقة هذ الاحساس لي كتحسي بيه غيدمرك
الصباح فاق من نعاسو على صوت المنبه غير ناض من السرير تخلع من الدم لي عليه وحتى سروالو كانت فيه طبعات د الدم
تخلع  ماقدرش افكر ان حبيبته تكون طرات فيها شي حاجة   نور نور بقا كيفيقها بيديه على وجها نوضي مالك حلات عينيها بكسل شنو
ارتاحت ملامحه ملي عرف ماطاري فيها والو 
غير شافت الدم على حوايجو. وبدات تغوت بالجهد
جات حبيبة و امينة كيجريو غير حلو الباب تصدمو اكيد فكرة انه اغتصبها اول فكرة طاحت فبالهم  حبيبة دارت يدها على فمها هو كان كالشاهد ماشافش حاجة بينهم هذيك كتغوت ولوخرين مصدومين فيه
خرجوا من هنا قالها بالجهد خلا امينة و حبيبة يهبطو كيجريو
ودار عند نور لي كانت واقفة فوق السرير وكتشوف فجنابها كانت هادئة جدا ماشي بحال الاول
جوزيف : هضري
نور راسها مزال لتحت وكتخربق فيدها بكلمات متقطعة
سمح ليا انا لي درت هذشي
جوزيف : كيفاش درتي هذشي
نور صمت
جوزيف هضري بلغوات. قفزها هربات ودخلات للحمام
تبعها كيدق فالباب بينما جاوباتو هي   من ورا الباب الدورة ديالي  
جوزيف بغضب : وانتييا ماعارفة حتى وقتها
نور : لا ماعارفاش
حمقة خلاها ومشا للحمام الاخر حيد حوايجو ودخل للدوش يدوش وكذلك هي
خرج ورجع لبيتو
فينك قالها بلغوات
لتجيبه من الداخل. انا هنا بغيت امينة
واش غتخرجي ولا لا راه مشا الحال
نور : لا مانقدرش نخرج
جوزيف دفعة وحدة وحل الباب لتشهق نور كانت عليها فوطة من فوق صدرها لاعلى فخذها شعرها فازگ هابط على وجها وجها طبعا للارض من الخجل على حالتها
تفحصها بعينيه من رجلها حتى لاعلى راسها تغيرت نبرة صوتو من لغوات والغضب للهدوء
مالك تاني
بغيت امينة
جوزيف شنو بغيتيها
نور : 🤭 شي حاجة خاصة بالنسا
دار يدو وسط شعرو مشا وخلها صبرك يا رب
هبط لتحت كانت اعين حبيبة و امينة عليه اكيد فهمو الموقف غلط
تكلم مع امينة طلعي شوفي شنو بغاتك
امينة واخا اسيدي مشات كتجري
بينما هو جلس كيفطر
امينة حلات الباب مالك شنو دار لك قولي
نور : ببلاهة شكون
امينة : واش تعدا عليك السي جوزيف ؟
نور بصدمة اويلي شكتقولي انتي واش حماقيتي وبقات ضحك لا يا الحمقة راه الدورة ديالي
امينة ناري خلعتيني اصاحبي
نور كتضحك على البلاهة ديال امينة
نور : حبيبة بغيت شي فوطة صحية الى عندك انا ماعندي ش☹️
صافي انا نجيبها لك الحمقة طيرتيها مني خلعة تفو عليك
هبطات امينة ولقات حبيبة فطريقها بشويا سولاتها مالها
امينة كتضحك هذيك راه حمقة دورة ديالها شوهاتنا حبيبة تنهدتً بخفة اووف صافي سيري سيري
اخيرا تحل المشكل. جوزيف و نور فالطوموبيل نحو المدرسة