الايطالي والمتشردة

6

لا لا شكرا غنمشي بوحدي
قرب منها شوفي الزين الى  طاوعتيني  وهز رزمة د لفلوس في يديه  وكمل كلامو هد لفلوس كلها ديالك  بعدات منو خطوات بزربة للوراء
هدوك لفلوس خليهم لك تحتاجهم مامحتاجاهمش هربات من قدامو  ومشات كتجري رغم ان الحقير حاول يغريها او يتحرش بيها ونكد عليها نهارها كتر ما هو منكد الا انها فرحانة  اخيرا خدمات وتخلصات مقابل خدمتها
وزد على ذلك الماكلة لي خدات معاها
وصلات للكوخ بعد معانات في الطريق  لانها كثيرا ما كتدوز غير من لبلايص الخاويين من السكايرية وشمكارة
بين الاشجار خرجات للكوخ مباشرة
دخلات فرحانة هبة اخيرا خدمت وتخلصت اخيرا  غدا غنشريو  ماناكلو غاناخدو حتى الفرماج  ياك كيعجبك لكن هبة ماعطاتها ت رد فعل  كانت عينيها حمرين ومنفوخين بلبكا  مرداتش ليها نور البال فالاول من فرحها
مالك اش كاين فينها صفاء
هبة : صفاء فالسبيطار مرضات بزاف وشداتها  الحساسية  حتى  توقف التنفس ديالها  حزرت غير واحد الراجل فالطريق وقف لينا وديناها للسبيطار الطبيب كيقول حالتها خطيرة لانها مابقاتش كدير رابوز  تسنيتك باش نقولها لك وبدات كتبكي بدموع بحال الشلال حيت عرفتك غتجي ماتلقايناش وتخلعي علينا
طاحت على ركابيها من الصدمة  ودموعها كذلك  طاحت على خدها بدون توقف
فينها اشمن سبيطار ؟
هبة السبيطار  الكبير
لاحت داك الميكة د الماكلة وجرات هبة من يديها ومشاو  كان خاصهم يضربو مسافة كبيييرة على رجليهم عاد وصلو للسبيطار
وقفات فالاستقبال وسولات واحد الفرملية تما عافاك اختي واحد البنت جابوها  عندها الضيقة
طلعي للطابق الاول قلبي تما قالتها الفرمليا بلا مبالات
طلعات نور كتجري وهبة موراها كطلو فالغرف د المرضى شي ناعس شي مفيقو الالم 
ببببف
حتى للغرفة 4 عاد بانت لهم صفاء ناعسة  وشعرها هابط على وجها

جراو عندها حبيبة كي بقيتي صفاء حلات عينيها لي بانو خاليين من   الحياة بويض بزاااف كتكحب ماقدراتش توقف من الكح لمدة طويلة وعينين هبة و نور كيشوفو فيها بالم العين بصيرة واليد قصيرة
لاباس  انا بخير ماتخافوش عليا
ابتسمات نور لبراءة هد البنت  
باستها من خدها خلعتينا عليك   وكذلك باستها  هبة حرام عليك ا حبيبة طيرتيها مني
ضحكات ببراءة ماتخافوش مني نبغي نموت كاع ماغانخلعكم غنموت بصمت
برا عليك احبيبة قالت هبة
نزلات دمعة من   عينها وتسربات لخلف اذنها
سمحو ليا حيت عذبتكم في الملجأ وزدت عليكم مني طردونا
نور: لا احبيبة ماتقوليش هكاك   انتي راك ختنا ياك ا هبة وظربات هبة لي كانت كتبكي بحرقة وتكلمات اه اه حنا راه خوت الحمقة
صفاء: عرفتو انا  واخا ماعمري عرفت عائلتي  والديا لبيوجيين   ولكن انتما كنتو ديما عائلتي   الحقيقية
قالتها وكانت شهقاتهم كتسمع بين حين واخر وسط الغرفة الموحشة ديال السبيطار

نور
نعام احبيبة

الى  مت  تبقاي تجيبي ليا الورد
نور تجمدات وماعرفات باش تجاوبها  الخوف والحزن سيطرو عليها  بينما هبة حطات يدها على فمها

ابتسمات بحزن  انتي غير ماتموتيش وانا كنواعدك نبقا نجيب لك كل يوم وردة 😊

ابتسمت  ببراءة  وغمضات عينيها    ثواني  دقائق ثم الى الابد

نور تسمعات صيحاتها فارجاء السبيطار  حتى جا الطبيب والفرامليا كيجريو
قلب عينيها وتحسس نبضات قلبها  واعلن الوفاة

خرجات  نور من الغرفة  جلسات على الارض كتبكي بحرقة    عنقاتها  هبة لي كانت حتى هي غارقة فدموعها   جا الطبيب وقف عند راسهم
غتكفلو بالجنازة ولا نشوف شنو ندير انا
باين عليهم  فقراء هدشي علاش الطبيب طرح اقتراح التكفل
هزات  نور راسها  بحزن كتشوف فيه عندي 4 الاف تقد ؟؟
صافي انا غنتكلف قالها وزاد وخلاهم