الايطالي والمتشردة

25

خرجات طالع لها الدم  حيت الاستاذة  جرات عليها ولكن بلاتي عندها سبب للفرح 😃
اه اه جوزيف قالي حتى هو ملي قلت له كنبغيك   كيبغيني يوبيييييي شيرات للطاكسي  ومشات للشركة كانت مقررة تصارحو بالحب لكبير لي فقلبها 
في الطاكسي بينها وبين نفسها وابتسامة. على وجها  كيبغيني  انا متاكدة كيبغيني حتى انا كنبغيه بزاف. كنبغي كلشي فيه وجهو لحيتو الخفيفة شعرو ملي كيكون مقاد وحتى ملي كيكون مخربق مع الصباح ريحتو. حوايجو يديه. عينيه 😍
اخرجها السائق من احلام اليقضة وصلنا الالة ماغاتنزليش
نور : اه اه سمح ليا  خلصاتو وهبطات  الباب د الشركة الحارس نفسه ابتسم لها
ابتسمت له. ومشات
حتى تجاوزاتو وتكلم شكرا على كلامك  داك نهار
نور شيرات له مع ابتسامة في وجهها
طلعات للطابق لي فيه مكتب جوزيف  غير شافتها السكريتيرا. وضحكات بشر 😏
دخلات بفرح  بلا ماتدق كانت بغات تفاجأو. لكن الصدمة ان فارس احلامها الان كيبوس  صوفيا الدموع نزلو من عينيها  الحكرة الغيرة  الاختناق الموت  كاع الاحاسيس الخايبة  حساتها في لحضة  دار لعندها جوزيف. بصدمة. اما صوفيا فبشر ابتسمت اوووو الصغيرة جات
ماجاوباتش رجعات اللور مشات كتجري للاسانسور  هبطات
جوزيف كيغوت عليها نور نور كيضرب فالاسانسور  ختى عيا  رجع للمكتب انتي شنو درتي يا هد الحقيرة  شنو بغيتي حتى جيتي عندي
صوفيا ببرود مادرت والو ومالك. مهتم بزاف بهد المتشردة
جوزيف شدها من عنقها حتى قربات النفس تقطع فيها سمعي نقولك اخر كلام بيني وبينك
نور ماشي متشردة نور هي البنت لي كنبغي. هي حياتي  طلقها طاحت على الارض كتكحب
كنبغيها كنموت عليها سمعتي  ضحك بحسرة  ماعرفتش علاش كنت  كنتخايل راسي كنبغيك   حيت الاحساس لي كنحسو لهذيك المتشردة كما سميتيها كبييييير بزاف من كاع لي حسيتو معاك  كنت كنبغي فيك الشكل ديالك
لا لا نور كنبغيها شكلا وعقلا وروحا. كنبغي فيها ابسط تفاصيلها سمعتي كنبغي  عينيها فمها ملي كتقلق كتعجبني طريقة. ماكلتها بدون تصنع  كلشي فيها كنبغيه  الحاجة الوحيدة لي ماكانبغيش فيها هي الدموع سمعتي  وبسباك الحقيرة. نور بكات  انتي السبب  عمرك مزال تتقربي مني 
دابا خرجي من حياتي  ومن حياة نور والا. غنخلي الوحش الداخلي   ديالي يتكلف بك خلاها مصدومة. من كلامو على الارض ومشا
ركب الطوموبيل نيشان للقصر  كيغوت. حبيبة امينة فينها نور. كيغوت ويقلب فالبيوت
حبيبة وامينة. كيجريو ماعرفت اسيدي. مازال ماجات من المدرسة كيصوني تلفونها كيصوني فالبيت ماهازاهش معاها ببببف
ركب الطوموبيل  وكسيرة صونا على علي
علي : نعم اسيدي  
جوزيف صيفط لي العنوان د البيت فين كانت ساكنة نور  
علي واخا اسيدي هي الاولى
نور حدا البحر دموعها شلال. مابغاوش اوقفو
غبية احسابك تعلمتي شوي من بزاف غيولي ابغيك ابتسمت باسى بببف    علاش غيبغيك  مثلا وانتي حتى الاسم العائلي ماعندك عطاه لك غير هو
كتلقب جيابها ببف التلفون باش غتعيط ل هبة ماعندهاش حتى الرقم ماحافضاهش
فين غتمشي المتشردة سولات راسها براسها  رجعتي للتشرد مبروك عليك   اصلا الرجوع للاصل فضيلة
على كل مزال عندي داك البيت  فالطريق  الرؤيا غير واضحكة بسبب الدموع  في عينيها في لحضة صوت فران مجهد والان اصبحت الرؤية منعدمة بالمرّة

في البيت كان جوزيف كيهرس فداك الاثاث الاقل من بسيط. ملي. مالقاهاش 
اه تلفون تلفون غتكون مشات عند صاحبتها  فكر يرجع للقصر يتاصل بصحبتها هبة هي الوحيدة لي كتعرف فهد العالم من بعدو
الان في القصر كيصوني على هبة
هبة : الو اختي
جوزيف : لا ماشي نور انا ببف شكون انا
سمحي ليا انا جوزيف رئيس د نور ماجاتش عندك
هبة باستغراب لا ماجاتش  
جوزيف بخيبة امل قطع  فين مشيتي يا الحمقة
اتصال  على هاتفه 
الو
رجل خلف الاتصال السي جوزيف  سالفاطوري ؟
اه اه انا
الرجل لقينا واحد الورقة د لخلاص فجيب واحد الضحية د حادث سير باسمك قلنا تكون عارفها
جوزيف ولثاني مرة بعد موت امه كتنزل دموعو  قطع التلفون. وجلس على ركابيه
ماتت ماتت نور  نور عيني ماتت
☹️