صرخات أنثى

البارت الاول

……… البارت الاول ………..
………#صرخات_أنثى ……...
......…. #بقلمي_شمس……..

للتنويه/ القصه حقيقيه  .. والي صار بيها من احداث موجودة الى الان وللاسف ماكو رقابه ..

سنة 1999 بشهر التاسع والجو بارد..
كان اول يوم دوام الي بالجامعه.
وحياة جديده ..
وممصدگه خلصت من السادس وعذابه ..
وراح ارتاح .. ونسرين اختي گلتلي ..
الكليه ونسه ومابيها تعب مثل السادس
ومتشوقه اداوم .. #شمس

گعدتني امي من الصبح..
واني اصلا منمت من الفرحه ..
ومحظره ملابسي مثل طلاب الابتدائيه ..
گعدت ماما حاميه مي الي لان المي بارد..
غسلت وجهي وبدلت لبست تنوره وقميص
وفوگاها ستره ..ولبست حجابي ..
اتباوعت النفسي اخبل ..
طلعت لگيت امي مسويه بتيته وبيض ..

ام علي .. تعاي حنونه اگلي كم لگمه يمه لاتوگعين
واخاف دوامكم يطول ..
حنين .. لا يوم مااشتهي وبابا انطاني مصرف من البارحه اذا اجوع اشتري اي شي واكل ..

واخاف اتأخر لان راح تمر علياء عليه ونروح ..

نسيت اعرفكم ع نفسي .. #شمس
اسمي حنين اول كليه..
اختي نسرين اتخرجت قبلي ومخطوبه الابن خالي..
اخويه الكبير علي معلم ومتزوج ..
واخويه محمد ممكمل دراسه ويشتغل مصلح سيارات ..
بابا نائب ظابط ..
وماما ربة بيت ..
واني اصغر العائله ..
زوجة علي اسمها بنين هذي السنه تزوجوا
يعني من خلصت سادس بالعطله ..
ولسا ماعندهم طفل ..
اني المدللة بعدني ..
بس اخاف يجيهم طفل وتروح معزتي ..
اغار مااتحمل .. وخاصه اختي وصديقة روحي نسرين
حتتزوج وتروح ..
مااتحمل ..
احب الرسم والكتابه ..
دايما اكتب خواطر وقصص
وبديت اكتب قصتي .. ولو حياتي حلوه وطفولتي
بس احب اكتب كل تفصيل الي ..
وخاصه من بديت اداوم بالكليه ..
كانت امنيتي اروح فنون بس احنه من محافظات الجنوبيه
وعندهم الفنون ماله معنى ..
او عيب .. ابويه واخواني يگلولي
تردين ترحين فنون حتى تصيرين ممثله لو مطربه..
هذا تفكيرهم عن الفنون ..

اضطريت اروح تربيه ..لان عندنا البنيه بس التربيه
تفيدها .. #شمس

اندگت الباب .. اجت علياء ..
بوست ماما وطلعت ..
علياء صديقتي من الطفوله ..
جيرانه ودرسنا سويه ..
حتى بالزيارات .. الشارع كله نتجمع ونأجر كوستر
لو ريم ونروح ..
واني وعلياء سويه منتفارگ..
كل فتره نروح المكان .. للنبي يونس
وللنجف والكربله والبغداد للامام الكاظم ..
يعني حياتنا حلوه وبسيطه ..
وشارعنا عبالك كلنا اهل واحد ياكل من الثاني ..

اجت علياء وطلعنا .. اكو فورتات توگف براس الشارع
نركب ونروح ..
توصلنا بباب الجامعه ..
ركبنا وكانت السياره تفتر المناطق .. وكل مجموعه نلگي بنات وولد براس الشارع ..توكف ويصعدون ..
وصلنا للجامعه ..
اجيت وقت التقديم ..
بس مشفتها زين ..
اني وعلياء عبالك مشايفيين نمشي ونبتسم ..