صرخات أنثى

البارت السابع عشر والاخيير

……… البارت السابع عشر والاخير …..
…………. #صرخات_أنثى ……..……
......….....#بقلمي_شمس…….………

امي گامت تفرفح مااتحملت وگالتله ولك هاي عرضك
طلعوها مناك لو مامظلومه ماسوت هيج ..
تربيتي واعرفها ماتسوي الغلط ..
بالگوه تحجي ..
ومحمد يعيط عليها . يگلها حتى اذا طلعوها ولو ماتطلع
هم اكتلها بيدي واغسل عارها ..

امي ماتحملت الى ان شخرت وماتت . 
بقينا نعيط .. واضرب بمحمد گتله انت موتتها مو حنين
اجه علي للمستشفى سمعنا نعيط ونبجي
حظن امي .. ونبجي ..
سوو الاجرائات اني اخذني عبد الله للبيت ..

دخلت البيت وشفت كلها هناك . جابوا امي للبيت وخالاتي التمن يبجن ..
واني متت بالبجي والعياط ..
بقيت وحيده ..
اختي مااعرف مصيرها
وابويه ماكو
وامي راحت وتركتني وحدي ..
مااتحملت فراگ حنين ..
اذا سمعتي ياحنين شيصير بيج .. #شمس

اجو الشرطه مااعرف شنو مسلحين كتفوا اخواني واخذوهم ..
حتى ماخلوهم يشيلون جنازه امهم ..
شالوها خوالي وعبدالله .

ملخت روحي ولطمت ع حظنا وبيتنا الي تفكك ..
والاسوء .. الحجي الي اسمعه ..
عماتي يگولن هاي تربات حنان ..
والي تگول الله لينطيها ضيعت اهلها ..
الكل جاي يحجي ويتشمت ..
محد جاي يبجي ..
مااتحملت عيطت وگمت احجي عليهن ..
گلتلهن الي متعجبها تطلع والي تبقى تسكت ..
اختي بريئه ومضلومه ..
وهاي صديقتها اسألوها واشرت على علياء الي ذبلت وتبحي ع حنين اكثر من اهلها ..
وهاي الجيران هم تشهد ..

تركتهم ودخلت بغرفه اهلي .. ابجي واواسي روحي بريحتهم ..
مرت ايام واخواني مااعرف عنهم شي ..
بنين تركت البيت وراحت .. گالت مايشرفني ابقى بهيج عائله ..
من يطلع اخوج خلي يطلگني ..

اخذت ذهبها وملابسها وراحت ..
بقيت وحدي. ببيت مابي احد بعد ماجانوا ماليين البيت بحسهم ولمتنا الحلوه مابقى بس ريحتهم ..
اگعد ابجي وحدي الى ان ارتاح .
مرات تجي علياء وامها ويواسني ..
وماتركني ابد حتى طبخ يطبخن ويودن ..
اجه عبد الله بعد ايام ..
وعبالي هم تركني وراح مثل بنين ..

گال اني اتركج مستحيل .. اني حتى حنين اعرفها بريئه ومالها ذنب ..
بجيت بحظنه وگتله .. مشتاقتلها ومااعرف شنو مصيرها ..
گال راح اروح اسأل بالتسفيرات ..
گتله وترجيته اروح وياه ..
بالگوه قبل .. لان ماعدنا بنيه تدخل هيج اماكن ..

ردنا نطلع .. شفت اخوتي اجو بس حالتهم حاله معذبيهم ووجهم ازرگ ..
حضنتهم وابجي ويبجون ..
گلت العلاوي ع بنين ..
گال خلي تولي .  الي ماتوگف وي رجلها مااريدها مره

گالوا انتو وين رايحين ..
بقينه نتصفن ومانعرف نحجي .
لان اذا عرفوا مايقبلون ويسون مشكله ..
گلتلهم اروح تجيب غراضي من بيت خالي واجي هنا يمكم