صرخات أنثى

البارت السادس عشر

……… البارت السادس عشر ….
………#صرخات_أنثى ……...
......…. #بقلمي_شمس……..

اخذني الغرفه عاديه بس بيها سرير وتواليت ونضيفه انضف من ذيج ..
گال هاي التوصيه من ابو مهند ..

طفرت من سمعت هيج ..
قفل الباب وشمرني ع السرير .
گال حتى ناخذ راحتنا وشوكت مايعجبني اجي ..

كالعاده اعيط وابجي محد يسمعني ..
ادفع واضرب بي وابجي واعيط بس مغمضه عيوني مااريد اشوف شكله القذر ..

وهو شبعني ضرب . #شمس
ويگلي اذا سمعت صوت . 
اخلي غيري يكمل .. واصلا مابقى صوت عندي ..
گامت بس دموعي تجري .
خلص الكلب وبدل وگام واني بقيت بمكاني ابجي ..

اجه همس بأذني .. گال شعرج يخبل
ويتلمس بي دفعت ايده ..
ملخني من شعري گال اذا عدتيها مره ثانيه اكسرها الايدج ..

بقيت بمكاني ابجي واون واصرخ ومحد يسمع صرخاتي

ثاني يوم جابو غراضي ..

وشويه واجه الشرطي گالوا يردوج
خفت .. امشي بالگوه ماكو حيل بيه ..

دخلت لگيت الضابط قصي وعبد الله ونسرين ..

اجيت اركض حضنت نسرين وابجي وهي تبجي
گالت ليش هيج سويتي بروحج ..

گلتلها ردت انتقم بس اتباوعت الذاك الي يخوف خزرني
خفت ..
گلتلها امي دفنتوها وشگالت ادري بيها ماراضيه عني حلمت بيها .

نسرين .. لج امي الحد ماماتت تصيح بأسمج ..
تگول جيبوها الي ..
اخواني طلعوا من السجن بس معذبيهم ..
ومحرمين الجيه الج ..

بس اني ترجيت عبد الله ورحنا سألنا عليج بالتسفيرات الضابط قصي الله ينطيه جابنا لهنا ..

گلتلها وابويه .. #شمس
نسرين .. ابوي لسا مسجون ويمكن يفصلوه من وضيفته وحالته صعبه على امي ..

باوعتلها .. گلتلها انتي مصدگتني نسرين
حضنتني وگالت لو ما مصدگتج مااجيت لهنا وللامن وتدرين احنا ماعدنا مره تدخل الهيج مكان..

همست بأذنها واني حاضنتها ..
خلصيني نسرين منا .. انطيني اي شي بجنطتج موس مگراضه ..
اذا تحبيني انطيني لازم اموت .. لان هنا جاي اموت الف موته .. #شمس

هي انخطف لونها ولفتت الانتباه ..
گال الضابط يله شفتوها روحوا كافي ..

الضابط قصي .. سيدي شوكت محاكمتها ..
گاله انت معليك هذا شغلنا ..

رادوا يطلعون .. رحت ع الضابط قصي گتله اريد احجي وياك .
گال غير مره اجي واقابلج هسا مااگدر ..

راحوا واخذو روحي وياهم ..

بقيت ع هذي الحاله الايام . كل ماتجي الساعه 3 ابقى ارجف وابجي ..
وگام مو بس هذا الحيوان يجي ..
كل ضابط عنده خفاره يجي يگضيهها بغرفتي ..
واني اموت الف موته ..
جسمي بعد مايتحمل ..
عيوني خلصن دموع ..
صوتي راح ..

هذا كان اكبر عقاب وتعذيب الي لو يقتلوني احسن
حسيت التضحيه الي سويتها مالها فايده ..
لو حاجيه الاهلي وقاتليني احسن
ولا هذا الي ديصير ..
خسرت امي وابويه واخواني ..
عائلتي تفككت ..وتدمرت بسببي

بيوم اجه الضابط قصي بشغله للامن وطلب يشوفني
من گالولي اجه اخذت الدفتر مالتي
ورحت ..
قابلني لمده عشر دقايق ..
گال ادري الي يصير بيج هنا .  بس اصبري جاي اقدم طلب حتى يحاكموج ..

اصلا مااهتميت الكلامه لان بعد ميفيد الحجي حياتي تدمرت جسمي كله يوجعني. .
صرت هزيله ووجهي اصفر وتعبان بهذي الفتره انتهى كلشي بحياتي ..
ماحجيت شي وياه ..
بس انطيته الدفتر .. وگتله انطيه النسرين ..
وخلي اهلي يسامحوني ..

قصي .. حنين لاتخوفيني
حنين .. ابتسمت ودرت وجهي ورحت ..
رجعت القبري وللمكان القذر ..
احس نفسي نگسه ووسخه مااستحق اعيش ..

قررت اخلي نهايه الحياتي لازم اسوي شي ..
اجه الضابط الي يخوف ولحد الان مااعرف اسمه
واول مشفته لعبت نفسي وحسيت بغثيان ..

صاح للشرطي .. گاله خلي تغسل وتبدل .. وجيبها الغرفتي
……… ............................................

نسرين اجه الوقت الي اسولفلكم بي شصار ببيتنا من بعد سجن حنين ..

اني كنت بايته عند اهلي لان حنين مريضه ..
كانت قبل يوم تعبانه ومريضه ..
وكلامها بي وداع .. #شمس
نمنا وگعدت الصبح .. شفت حنين ماكو بمكانها ..

سألت ماما گالت عندها امتحان وراحت ..
گلتلها لعد اني اروح ..
گالت لا تغدي وروحي العصر ..
بقيت يمهم ..
وماما سوت سبزي لان حنين تحبه ..
بس بيومها مااكلته ☹️

للظهر صبينا غدا وجاي نتغدا ..
تكسرت الباب ودخلو مسلحين شرطه ..
سألوا ع بابا ..
واخذوه بدشداشته ومشوا ..
مانعرف السالفه شنو ..

الدنيا التمت عدنا اخواني لحكوه ..
شويه واجت علياء تبجي وتلطم مافهمنا شي منها ..

گالت حنين يگولون كاتله واحد واخذوها الشرطه
امي بسرعه وگعت ..
اتفاجأت حسين واگف وسمع كلام علياء ..
گالها منو هو ..
گالتله واحد دوم يتحارش بيها ويضوجها.
بس ابن مسؤول جبير وشايف نفسه

هو عيونه صارت نار اخذنا امي ورحنا للمستشفى
..
اجو اخواني .. عارفين من الجيران احنه بالمستشفى
يهدون وينفلتون الا نقتلها ..
ماخذه مسدس ابوي وكاتله بس واحد صاحبها ماادري منو
حسين واگف .. مااتحمل ضربه ..
گاله ولك هاي شرفك شلون تحجي هيج ..

اني راح اخذ محامي واروح ..
محمد گله اني اروح وياك اريد اعرف السالفه شنو وليش قتلته ..

راحو وامي حالتها كلش ضغطها ماينزل وبس تبجي وتصيح حنين جيبولي حنين ..
اني الدموع مافركتني حنونه تخاف تكتل دوده ليش وشلون قتلته ..

شويه واجه محمد وحسين .. محمد يعيط ويكول مغتصبها وماحجت واستغفلتنا
وحسين يگول اني طلگتها مااتحمل الناس تحجي عليه لو گايله بيني وبيها جان سترتها ..
بس هسا .. وسكت ..
محمد .. ليش سكتت اختنا صارت عار .. واصلا اني متبري منها ولاعندي اخت مثلها ولحد يروحلها ..
ويسأل عليها نتبرا منه الي يوصلها ..
#بقلمي_شمس
يتبع…