صرخات أنثى

البارت العاشر

……… البارت العاشر ………..
………#صرخات_أنثى ……...
......…. #بقلمي_شمس……..

دخلت للبيت حتى من غير مااسلم على علياء ..
احس نفسي بلا روح مجرد جسد ..

حياتي ضاعت خلص .. دخلت للغرفه طلعت ملابس
وحميت مي حتى اسبح ..
احس نفسي وسخه ونكسه ..

اهلي نايمين .. گعدت اباوع للغرفه .  هنا ضحكت وهنا اتشاقه اني ونسرين ..
سولفتلي ع ليله الزواج وگالت يطلع دم ..
يعني خلص غشاء البكاره راح ..
اني مو بنيه ولاشريفه ..

صرت حالي حال الكاوليات الي بالشوارع .
منو يصدگ اني تقشمرت ..
وحتى اذا صدگوا ..
مايگدرون يواجهون لو يشتكون ..
همه وين واحنه وين ..

كل ساعه افتح عيني واغمضها بلكي اني بحلم ..
اريد اصحه .. گمت اضرب ع وجهي اريد اگعد اريد اصحى ..
اني وحسين اليوم عقدنا وصرت مرته رسمي ..
بعد شهرين او اقل نتزوج ..
شاسوي وشأگول ..

اخذت المي للحمام ودخلت الصوبه ..
ساعه افكر اذب ع نفسي نفط واحرگه واني بالحمام
ومنو اليدري عبالهم اني اسبح احتركت ..
ومراح يعرفون شبيه ويدرون بيه اليوم عاقده وفرحانه
وهيج راح ينطم سري وياي ..

بس اتراجعت اني جبانه مااگدر اسويها مااگدر الروح عزيزه ..
واخاف احترگ ومااموت وابقى مشوهه ومتعذبه طوله حياتي ..

نزعت ملابس واسبح وابجي .. وعيت ع نفسي .
خلص حنين هذي حقيقه اصحي وواجهي الموقف
گمت الطم وابجي .. ملخت روحي بس بصوت مگتوم لا يسمعني احد ..

طلعت من الحمام .. شفت ماما گبالي ..
تخبلت من شافت شكلي ..
شبيج حنونه .. شبيج تبجين ..

حنين .. لا ماما ماابجي بس افلاونزا موتتني ..
ماما .. سلامتج حبيبتي .. بشري كملتو اليوم العقد
حنين .. اي ماما كملنا ..
حظنتني ماما وگالت ..
مبروك حبيبتي يوم زواجج واشوفج عروسه ..
حضنتها وابجي..

بداخلي اگلها ماما مراح تشوفيني عروس .. اخاف تشوفيني بالكفن للگبر ..

ماما .. ها حنونه ترى بعدج مااتزوجتي ليش تبجين ..
ابتسمت ورحت للغرفه امشط ..

مشطت ولفيت روحي بالبطانيه ونمت .. قصددي سويت نفسي نايمه ..
عقلي يفكر وگلبي وجعني من الالم ..
مااگدر .. انام جسمي تعبان اتخيل الموقف من گعدت وشفته نايم يمي ويضحك بأستهزاء ..
ويگلي كسرتج ..

شنو من بشر لا مو بشر حيوان والحيوانات الي وياه ساعدوه ..
منى .. تذكرت اي منى .. انطتني العصير وبعدين دخت وماادري بروحي ..
الحقيره مشتركه وياهم .. ولو هي من صنفهم شنو اتوقع من وحده مثلها .

اني شلون صدگت بيها وثقيت ..
وهي الي راحت گالتله ع كلامي وخلته يحقد عليه ..
لو ماوصلتله الحجي جان ماصار الي صار ..

گمت الطم ع وجهي ..
ربي لحد الان ماتمنيت شي وماصار ..
كولشي بحياتي كان حلو ..
ليش هيج انقلبت حياتي .. ساعدني ياربي ساعدني

غفيت وماحسيت الا بالليل گعدت .. باوعت للساعه
ساعه . 12 بالليل
اهلي نايمين
طلعت شربت مي
فتحت الثلاجه جوعانه ..
بس نفسي مسدوده ..
شفت كباب وخضره ..
بس مااشتهي
سديتها ورجعت ..
منتظره الصبح يطلع
حتى احاسب منى
هي السبب بكل الي صار الي
حطمت حياتي وضيعت شرفي ..

للصبح مانمت لان نمت هواي ..
واشتغل عقلي بالتفكير ..

صليت الفجر . وحظرت ملابسي مال دوام عندي امتحان بس ماقاريه ولا كلمه ..
ولا فتحته ..

ماصدگت صار الوقت .. مرت علياء ورحنا ..
الطريق كله تسولف واني مو يمها ..

هي حست عليه .. وحلفتني احجي
بس مااگدر .. شنو اگلها ..

علياء .. متعاركه انتي وحسين
سكتت .. مااعرف شنو اجاوبها .. واذا اگلها راح تبقى تلح ..
علياء .. يبوووو شنو صابتكم عين ..
بس لتهتمين حنو خليه هو يجي غصبا عليه يعتذر .

همزين ماسألت ليش تعاركتو وعلى شنو .
جان ماعرفت شنو اجاوب ..

وصلنا للكليه .. گمت اركض بس اريد اوصل .
علياء تحجي عليه .. ع كيفج شبيج ..
گلتلها اريد اراجع عندي امتحان صعب ..

علياء .. اوووف من شگول عليك ياحسين الدنيا مغيمه من وراك جج😉
حنين .. لاتحجين عليه .هههه دروحي القسمج يله

وصلت القسمي لگيتها كالعاده مخليه رجل ع رجل ..
اشرتلها گلتلها منى من رخصتج ..

اجت مرتبكه ..
منى .. شتردين
حنين .. تعاي ورى الاقسام عندي شغله وياج
منى .. مااگدر اريد اراجع
حنين .. ههههه لتخافين مااسويلج شي ولاانطيج عصير

هي ارتبكت . اجت وياي وتبرر .. حنين والله ماادري هو گال انطي العصير الحنين وبس مااعرف شنو وشبي ..

بدون وعي ضربتها وابجي . 
الله لينطيج دمرتي حياتي ..
وضربتها الراجدي الثاني .. وگلتلها هذا لان وصلتيله الحجي وخلتي واحد مثل هذا النذل يحطني بباله ..

فقدت گمت احجي عليها وادعي..
الله يضيع شرفج ويسلط عليج اولاد الحرام مثل مسلطتي عليه مهند وجماعته ..

منى .. ههههه ليش هو منين الي شرف ..
ضيعه مهند .. من زمان

اتعجبت من كلامها مبينه مبنيه من ذني البنات المو شريفات ..

اني حبيت مهند بالصدفه .. وضحك عليه اني وثقت بي ..
بس هو جاب كاميرا وصورني ويهددني بالصور ..

هو يجبرني اسوي اشياء واذا مااسوي يهددني بالصور حتى الي سويته وياج ..
جبرني وهددني وخلاني انطيج العصير ومن نمتي گلي روحي
وشفتهم شالوج هو واصدقائه وصعدج بالسياره مالتهم
لان هي عادي تدخل لجوه ..
بس والله ماادري وين اخذوج وشسوو .
بس متوقعه الي صارلج مثل الي صارلي ..
ولاتنسين اني حذرتج منه ..

بس انتي تكبرتي عليه ..
حنين .. شنو هي تايهه .. بس اوكفي معقوله صورني مثل ..
ويهددني ..
منى .. كلشي توقعي ..
حنين .. مستحيل اخضعله ولا اضعف اني مو انتي ومااخليه يستغلني ويضيع شرف اي بنيه مثل ماسويتي انتي ..
#بقلمي_شمس
يتبع….