صرخات أنثى

البارت الثالث عشر

……… البارت الثالث عشر ……
………#صرخات_أنثى ……...
......…. #بقلمي_شمس……..

وعيت ع نفسي واشوف روحي بمكان ..
مكتب او غرفه ماادري ..

وواحد يضرب ع خدي ويگعد بيه ..
فتحت شفت شخص فوگ راسي ..
لابس زيتوني عمره يجي هيج بالثلاثين بس شخصيه

طفرت لملمت نفسي وخايفه ..
اني وين وشعندي هنا

الضابط .. اولا انتي زينه .. تگدرين تحجين حتى نبدي بالتحقيق..

تحقيق ?? #شمس

الضابط .. انتي متهمه بقتل مهند عدنان ..
شنو متتذكرين ..

يعني اني قتلته ماادري ماحسيت ساعتها ..
هو مات لو عايش .. ابجي واحجي ..

اي انتي قتلتي ومات بساعتها لان الضربه اجت بگلبه مباشرة ..
واكو شهود هوايه شافوج ..
بالاضافه للمسدس عليه بصماتج ..

المن المسدس ..#شمس

الوالدي نائب ضابط

يعني انتي بنت عائله ليش هيج سويتي ..
وتعرفين ابن منو قتلتي .. يعني مااعتقد بسهوله تخلصين ..

😭😭 ماردت اقتله .. هو السبب دمر حياتي ومستقبلي هو الي جبرني اسوي هيج ..
ولان ادري بي ابن مسؤول ..
محد يگدر ياخذلي حقي .. لهذا ردت اخذ حقي بيدي
بس مااتوقعت راح اتجرأ واسويها ..
هو گام يستفزني ويذكرني بذاك اليوم المشؤوم

اجه الضابط گعد مقابيلي ..
حنين .. اني مصدگج . هو طايش واعرفه وهوايه بلاوي مسوي ..
شنو سوالج ..
اعتدى عليج ..

سكتت ماحجيت

احجي لتسكتين .. نگدر نرفق كلشي ونسوي تقرير حتى ع الاقل يتخفف الحكم ..
لان مستحيل تتبرأين واهله مستحيل يرحموج ..
اني اريد اساعدج ساعديني .. #شمس

حجيتله كلشي لان مبين حباب .. وصدگني ..
وگتله منى هي الي نطتني العصير ..
والحارس هم وياهم لان اخذني الغرفته ..
واصدقائه وياه ..

اعصابي تلفت .. وابجي واحجي ..
شسويت اني بروحي ياالهي ..
ماندمت لان قتلته .. بس افكر بأهلي واذا دروا شراح يسوون .. لو شيصير بيهم ..

الضابط .. وين صفنتي كملي . اكو شي دليل عندج

ماعندي اي شي غير الي حجيته ..
بس اريد اعرف اهلي .. دروا لو لا

اكيد دروا لان القوا القبض على ابوج ..
بسبب المسدس .. بأسمه ومال دوله واي شي يصير بي  فهو المسؤول عنه  ..

بابا ماعليه اني اخذته ليش اخذتوه ..
اني سويت هيج حتى مايتأذون ..

گال ابقي هنا .. هسا اجي ..

طلع .. شويه وانفتحت الباب واني مخليه اديه ع راسي ومدنگه ..
انسحب شعري للگاع مااعرف منو ..
وشبعت ضرب .. تالي سحبوه مني ..
وايد گومتني ..