صرخات أنثى

البارت الثاني عشر

……… البارت الثاني عشر …..
………#صرخات_أنثى ……...
......…. #بقلمي_شمس……..

شفت الكل مشغول .. دخلت بسكته الغرفه اهلي ..
فتحت الكنتور ..
طلعت مسدس بابا..

بذيج اللحظه كنت بلا وعي .. وكنت بس اريد شي يشفي غليلي وماافكر بس بالانتقام .. #شمس

لازم اقتله واخلص البنات من شره ..
خلي ادخل السجن بس المهم اخذت حقي ..

واهلي وحبيبي ميتأذون واكيد راح يسامحوني من يعرفون اني سويت هيج عمود شرفي ..

اخذته وضميته بجنطتي. وخليت الجنطه بين الملابس
رجعت نمت ..
صار العشا . 
گمت اتعشا وياهم ..
مسوين كباب شوي علي شواه بالمنقله ..
لان نسرين هنا ..
وبنين مشتهيه يمكن تتنسى  .,

اكلت من صدگ .  عبالك سنه مماكله ..
اباوعلهم واحد واحد ..
اريد اشبع من شوفتهم .. (بقلمي شمس)

خلصت .. گلت الماما اريد اروح العلياء اتصل ع حسين خطيه ضوجته هذي الفتره ..
فرحوا كلهم ..
بابا گالها اخذيها وروحي ..

وماما فرحانه .. وتدعي الله يهديكم وبيعد كل عين عنكم

رحت البيت اهل علياء تلگتني وبوستني ..
دخلت للاستقبال وحدي اتصلت ..
طلعت مرت عمو . هم فرحت ووصتني على حسين
وركضت صاحته واجه طاير ..
ومتلهف .
الو حبيبتي ولو زعلان .
بس مدام سمعت صوتج رضيت ..
شلون صرتي ..

حنين .. زينه .. حسين ?
عيون 👀 حسين
اني احبك ..
واني اموت عليج .. صار كم يوم ضايج ومااكل ولااشرب

اسفه حبيبي لان ضوجتك . صدگني ماحبيت ولا راح احب غيرك .  ولاتصدگ يوم اتركك الا اذا كنت مجبوره
لو الضروف بعدتنا ..
راح ابقى احبك وراح تبقى بداخلي .. سامحني حبيبي

حسين .. هاي شبيج حنونه .. كلامج مال وداع
حنين ., ههههه لا بس ردت افرغ كل الي بداخلي

بقيت نسولف اني وحسين وهو يتغزل .  واني اسمع ودموعي تنزل ..
ردت اخزن منه كلام واشبع من صوته اخاف بعد مااشوفه ..(بقلمي شمس)

رجعت للبيت ..
بابا حظني .. گال لتصيرين زعطوطه ساعه تزاعليه وساعه تحاجيه 😂
حظنته حيل ردت اشبع من ريحته ..

وبالليل نمت بحظن نسرين .. او بس مغمضه لان التفكير اكل راسي .
ساعه اتردد وساعه ابقى ع رأي ..

وبين هاي وهاي .. ماحسيت الا الاذان يأذن ..
گمت صليت ودعيت وبجيت ..

وحميت مي .. حتى اسبح واجهز نفسي للدوام ..
او المصيري الي مااعرف شلون راح ينتهي ..

بدلت نزعت الحلقه خليتها بالمجر ..
وسلمت ع ماما وحضنتها وطلعت ..
گالت بعدج مصخنه لا تداومين ..
بس اني اصريت اروح ..
حنين .. لا ماما عندي امتحان لازم اداوم
ماما .. بس ديري بالج ع نفسج حبيبتي

هزيت راسي وطلعت .. ( بقلمي شمس)
اليوم عندي امتحان ولازم اخلصه وارتاح ..

طلعت علياء سلمت عليها ومشينا والطريق كوله ماحجيت وهي تسأل شبيج وليش هيج حالتج

بس اني مارديت .. لان اني بعد مااعرف شبيه
اني مو اني مو حنين المرحه والمتفائله ..
اني انسانه ثانيه ..
او مجرد جسد تمشي بدون روح بدون گلب ولا عقل
مابقى شي بحياتي انتهت ..
ولازم انهي حياته مثل مانهى حياتي واني بعز فرحتي وشبابي ..

نزلنا ودخلنا الكليه .. واني عيوني تدور مهند ..
سلمت علياء وراحت القسمها واني بالي مو يمها ولا رديت حتى ..
حسيتها ضاجت وزعلت ..

حقج عليه يااختي وصديقتي .. اكيد راح تسامحيني بيوم بس حاليا مااريد اوسخج مثل ماتوسخت ..

اباوع للكليه .. اوووف الساعه السوده الدخلتج بيها
عساني لانجحت ولاكملت ..
جنت فرحانه لان راح ادخل كليه ..
وخلصت من قهر السادس
تالي .. اجيت القهر اكبر .. لو باقيه بعذاب السادس احسن ..

واكفه بمكاني وبالي بعالم ثاني .
مر من يمي النذل هستوه اجه .
همسلي .. لازم منتضرني يحلو

طفرت من افكاري .. باوعت اله ابتسمت ..
گتله صحيح منتضرتك ..
اريد احجي وياك .. (بقلمي شمس)

مهند ..  هههههه واخيرا اجيتي برجليج ..
تعالي بالحديقه نگعد
رحت وياه وهو ينكت ..
واني اباوع بحقد وكره ..
التفت .. صارت عينه ع حلقتي ..
ههههه لازم الاخ شلع من عرف ..

بس احسن .. اگلج حنون ماتخلينا نروح الغرفه الحارس مو احسن 
عصبت بداخلي واني اسمع تفاهاته ..
شنو يجبرني ..

بذيج اللحظه وهو يسولف شلون اعتدى عليه وشلون يوصفني وشسوه ..
مااتحملت فقدت . كنت متردده اقتله بس هسا صارت عندي القوه ..

طلعت المسدس وهو يستهزأ ويضحك ..
ويگلي .. بابا روحي رجعيه . لتلعبين بهيج شغلات خطر عليج ..

گتله .. مهند حطمت حياتي ومتوتتني واني عايشه بس اني راح اموتك وانتقم الي والكل بنيه ضلمتها واغتصبتها

ضربت عليه او لا ماادري كل الي شفته ..
مهند كله دم وبالگاع احس نفسي مااسمع شي ولا اشوف بس غواش ..

اشوف طلاب تركض بأتجاهنا .. والطلاب هوسه ..
بنات يحجن وياي ..
اني مااسمع ولا اشوف بس ضوضاء واصوات غريبه داير مدايري ..

مااگدر اتنفس وروحي تطلع وگعت وعيني ع السما عبالك طايره روحي للسما ..
اكيد هذي نهايتي وكولشي انتهى راح ارتاح واخيرا

غمضت عيني وبعد ماادري بكل شي ..

ياربي خذني اليك مني وارزقني الفناء عني
ياإلهي خلصني من تلك الصراعات
ياربي خذني اليك مني
يارب خلصني من نفسي
فأن قلبي قد كثرت مواجعه 💔

#بقلمي_شمس
يتبع….
……………………

اعذروني حبايب لان مااكتب هوايه . بس عندي ضروف ودا احاول وقت فراغي اكتب ..
وتفاعلكم قليل ميسوي واهس للكتابه .
بس احبكم ❤ #شمس❤