صرخات أنثى

البارت السابع

……… البارت السابع ………..
………#صرخات_أنثى ……...
......…. #بقلمي_شمس……..

حنين .. انت شنو بينك وبين آيات
حسين .. ماكو شي ليش
حنين .. لا هيج
حسين .. حنين ليش سألتي سامعه شي . هي گلتلج شي .. #شمس
حنين .. حسين اني مالي دخل بالماضي .. بس لان آيات بنت عمي ونتواجه دايما مااريد اكون وحده اخذت حبيبها منها ..
حسين .. حبيبها ههههه .. اكيد گلتلج عدنا علاقه
حنين .. اي
حسين .. هاي وحده مريضه .. اجت بزواج علي اخوج وگالت اني احبك وكانت لابسه مغري حتى تغريني وضربتها وهددتها اذا سوت هيج مره ثانيه اگول العمي
وهي خافت .. بس بقت تصيت بعلاقتنا حتى تجبرني اخطبها ..
حنين .. يعني خطبتني حتى تسكتها ..
حسين .. هههه لا والله . خطبتج لان انتي غيرها ومؤدبه واني من شفتج بزواج علي وشلون كبرانه وحلوه عجبتيني وهم اعرف تربيه عمي كريم مو مثل عمي احسان منطي حريه البناته ..
حتى احلام من قبل متزوج جانت خفيفه ومو راحه ..

حنين .. خجلت من كلامه .. #شمس
حسين .. اوووه كافي سدي موضوع ايات .. اني گعدت وياج حتى اسولف اشبع منج شجاب ايات بالوسط .

دخلت مرت عمو وماما .. وطلعنا اجرنا تكسي ..
رحنا للسوگ اشترينا حلقات واشترتلي مرت عمو قماشات حلوه مال فساتين حتى اخيطها ..

وحسين مااكتفه بالحلقه استرالي محبس ثاني همه مشترين الذهب بس هذا هيج ..
خلصنا رجعونا للبيت ..
بعد العشا رحت البيت علياء .. اخذت القماشات ورسمت كم فصال ببالي لان اني احب الرسم ..
حتى ام علياء تعجبت بيهن گالت حلوه الفصالات ..
طلبت منها تخيطلي واحد خلال هذي الايام للعقد .. رغم خطيه عندها خياط هوايه ..
بس مارفضتلي طلبي ..
بقيت يمهم شويه وطلعت ثاني يوم دوام ..

الاسبوع كله بين دوام وبيت .. منتضره يوم يوم تجي الجمعه ..
وماصدگت اجت الجمعه .. مهند مشفته او مااهتميت الوجوده حتى تهديده نسيته ..
ومااهتميت .. يعني شيريد يسوي واني بنص الجامعه والطلاب .. #شمس

بيوم الجمعه .. رحت للصالون سويت تسريحه بسيطه ومكياج بسيط بعد مارتبت حواجبي ..
رجعت لبست فستان بيجي او حليبي .. مسويته ام علياء حلو فصاله ردن طويل وردن ماكو ومخصر ع الجسم وبالاخير گصه سمجه واني طويله حلو عليه .

اجوي اهلنا واقربائنا كلهم وحتى ايات وتباوع بعين صفح كارهتني عبالك اخذت حبيبها منها ..
اجه السيد وعقدنا وبداخلي طايره من الفرح. ..

واخيرا حبيب طفولتي صار الي ..
يارب الك الحمد والشكر .. لان كل الي اتمناه يتحقق ويمكن اني الوحيده المحظوظه بهذا الشي ..

خلص السيد بدت الهلاهل ..
دخل حسين واخوانه وعمي ويرگصون ..
مشغلين شريط وكانت اغنيه خاله ياخاله..
والكل تهز وفرحانه .. #شمس

خلصوا رگص اجه گعد يمي .. باسني براسي ..
ولبسنا الحلقات ولبسني الگلاده والمحابس والاسوار بس التراجي مايعرف يلبسهن 😂

اني مسويه قالب كيك .  قطعنا واكلنا ..
بيومها فرحانه كلش وتمنيت مايخلص هذا اليوم والسعاده الي اني بيها ..
شاورني حسين گلي حنونه شطالعه .. راح اقدم الزواج .. عساس نتزوج بعطله نصف السنه بس بعد مااتحمل راح اقدمها .. #شمس

اني بس ابتسم احس نار يطلع مني وعود الدنيا بارده بس اختنگت ماصدگت صاحوه وراح ..
معقوله حسين الجامد يطلع هيج رومانسي..

نسرين هم كانت يمي مافارگتني ..
وبيومها باتت يمي وگضيناها سوالف ..  وسولفتلي ع ليله الزواج واني مستحيه ومخليتها تكمل ..
بس خوفتني وبقيت افكر وخاصه من گالت يطلع دم
خفت لا اموت بين ايده ماكنت متخيله الزواج هيج
بطلت مااريد گلتلها ..

نسرين .. ههههه قابل هي لعب جهال وبطلت .. اليوم عقدتي ..
حنين .. لو مگايلتلي احسن راح ابقى افكر واخاف ..

نسرين بس تضحك عليه ..
داومت ثاني يوم واني غير شكل .. ولبست من ملابس نسرين جابتلي ..
طلعت صدگ عروس .. #شمس

مريت على علياء .  لگيتها بعدهي ممكمله
دخلت للمطبخ گعدت على ما تخلص ..
طلعا من شافتني گلتلي مبين عليج عروس شطالعه اليوم
شفت تلفونهم بالمطبخ .. گلتلها راح اخابر حسين

اتصلت وگلبي يرجف .. طلعتلي مرت عمو .  استحيت سلمت عليها وگلتلها اني يم علياء واريد اصبح على حسين
احنا اقاربنا كلها تعرف بيت علياء واهلها يدرون احنا مثل الاهل .
هي ضحكت وگالت خوش سويتي الله يسعدكم ..

اجه حسين طاير .. #شمس
حسين .. صباح الورد صباح العسل .. شنو هذا الصباح ياربي ..
حنين .. هههههه حسين اخجل
حسين .. بعد روح حسين ماصدگت من گالت امي حنين ع الخط .. هسا ماتجرون خط حتى نسولف براحتنا
حنين .. هههه ماادري بيك هيج .. عبالي جامد
حسين .. اني جامد وي الغربه .. بس وي مرتي نار
حنين .. من الخجل بسرعه گتله ما اگدر اطول لان راح اتأخر..
سديته بسرعه .. ووجهي حار گمت اهفي بالسجل ..

اجت علياء ورحنا .. وصلنا للكليه كللها عرفت مخطوبه ويباركولي ..
مر من يمي مهند .
گال مبروك بس للاسف وهز ايده .. وابتسم وراح

استغربت من طريقه كلامه وشنو يقصد ..
نضراته واسلوبه يخوف ..
بس اني دايما اواجها ومااريد ابين اله خايفه ..

درت وجهي عنه وهملته .. شفت منى تباوعلي وتبتسم
ابد ماارتاحيت الها واحس وراها قصه ..
او عندها علاقه بمهند ..

وماگلت الاي احد عنه وعن تهديداته  ..
لان كلام امي لسا بأذني من تگول اختج دخلت وطلعت من الجامعه محد داسلها على طرف..
ماردت اجيب مشكله النفسي ..
#بقلمي_شمس
يتبع… .