صرخات أنثى

البارت الثامن

……… البارت الثامن ………..
………#صرخات_أنثى ……...
......…. #بقلمي_شمس……..

قررت بعد مااهتم ولا اباوع المهند او اي احد غيره اني حاليا مخطوبه ..
والي يهمني دراستي ومستقبلي وحبيب روحي حسين ..

مر اليوم عادي .. اريد اطلع وجاي امشي القسم علياء
شفت سخص واگف گبالي ويبتسم ..
تالي اجه تقرب مني هذا حسين ..
بين مستغربه وبين فرحانه متوقعت ..
گال طلعت من وقت وگلت امر اشوفج استحي اجي للبيت ..
اجت علياء شافته انحرجت عرفتهم ع بعض ..
وهي صارت حمره من الخجل عود تستحي ام السان ..

افترينا شويه بالكليه ونسولف ونضحك وماحسينا ع الوقت الا اتأخرنا ..
واكيد هسا الفورت رايحه وخطيه علياء منتضرتني ..

حسين .. عادي اني اوصلكم وارجع ..
حنين .. ها زين .. لان اخاف اصعد تكسي وحدنا .
حسين..  يعني معقوله اخلي مرتي تروح وحدها .
حنين .. هههه ديله علياء خطيه هسا وحدها تنتظر
اجينا اخذنا علياء الي شبعتني الطريق كله تگرص وطلعنا
اجرنا تكسي ووصلنا للبيت ..

نزلنا .. دخلت علياء البيتهم . واحنه دخلنا للحديقه مالتنا
گال ماادخل راح ارجع للبيت ..
وعيب من عمو البارحه عقدنا واليوم اوصلج ..

لان يدري بأبويه عصبي .. باسني بخدي وراح ..
اني رجليه گامت تطبگ رجل ع رجل ..

اول مره احس بهيج شعور جسمي كله يرجف .. صحيح باسني بالعقد ..
بس هسا يختلف وحدنا وحسيت بيها ..

دخلت فرحانه .. ماادري هيج الحب حلو ..
حتى غدا متغديت . عود اني ام بطن واحب الاكل تالي بوسة حسين خلتني اشبع و انسى الاكل ..

بدلت ونمت ومر اليوم عادي بين دراسه وعشا وشغل ..
مر اسبوع واني عايشه بسعاده ..
مااشوف بالدنيا بس حسين ..
بابا التحق واخواني ملتهين بشغلهم .
واني دراسه ومحاظرات ..

الخميس العصر اجت علياء .. گالت مرت عمج ع التلفون
رحت اركض بعد مااخذت موافقه ماما .
سلمت عليها ..
گالت هذا حسين يريدج ..
گلبي گام يدگ حيل ..
الو
هلو يروحي شلونج
اني زينه انت شلونك ..
اني بخير مدام انتي بحياتي ..
هههههه
اگلج حبي .. باجر راح نروح الكربله واريدج ترحين وياي ومرت عمي تدري امي مخابرتها الصبح ماگالتلج ..

لا ماادري هاي منك اسمع ..
ها زين جا باجر انمر عليكم من الصبح ..

باجر اول زياره النا سويه ..
يله حبيبتي روحي مااخرج .. عيب من اهل علياء

باي ..
تعاي شنو باي ..
جا شأكول ..
گولي باي حبيبي حياتي احبك .. من انخطبنا لسا ماسمعت كلمه منج غزل ..

ههههه باي حبيبي احبك
اويلي بويه هههههه احبج اموت عليج ..
حنونه شيجيب باجر واصبر شلون ..

حنين .. هههه احبك
حسين .. وحق الله اموت عليج

رجعت للبيت عبالك طايره واضحك فاتحه حلگي متر
شافتني بنين .. گالت هذا حسين مو مرت عمج واضح

استحيت لان ماما صارت گبالي ..
ماما .. ها گلولج ع الزياره .. نسيت اگلج اني .
حظري روحج ونامي من وكت ..

انطفت الكهرباء وگعدنا نسوي عشا ومتاع ع الفانوس
بنين سوت عشا ..
واني سويت دولمه وكبه متاع ..
ماما گالت عيب نروح ادينا فارغه
وسويت كعك بالطريق ناكله ..

نمت من وكت وگعدت وي الاذان .. صليت وحظرت الغراض .. وسويت ترمز جاي ..
لان ادري مرت عمي ماتلحگ ..
لان ماعندها بنات بس ولد وحسين اكبرهم ..
يعني اني اول جنه ..

اجو دگ حسين الباب .. دخل شال الغراض ..
گال شنو شعندج هذا كله مسويته ..
لو مخليتها نشتري من المطعم ..

حنين .. امممم ضوگ اكلي وبعدين احكم ..
بالطريق طلعنا كعك وجاي صبيت الهم ..
فرح حسين .. ويگول يمه شوفي مرتي النادره
گلبها يعلم ادوخ اذا مااشرب جاي الصبح ..
لو الكعك عبالك اكل كاهي يخبل .

وكلها گامت تضحك اني وماما ومرت عمو بالورى گاعدين وحسين بالصدر  .. والسايق ابن عمتي مو غريب ..
يعني اخذنا راحتنا .
وصلنا فرشنا وزرنا وافترينا اني وحسين واشترالي اكسسوارات .. شافني اگلب بيهن احب هيج شغلات

لازم ايدي .. وعصرها حيل ..
گال حنونه مو تتركين ايدي بيوم .. خلينا هيج الحد الموت مانفترق ..
اني بهذولي الاسبوعين صرتي اغلى من روحي وعايش احلى حب وياج ..
وشوكت تصير عطله نصف السنه وتصيرين يمي وكل يوم اشوفج ..

اني بس ابتسم كلامه حلو ومااعرف شأرد عليه ..
رجعنا يمهم لگينا ماما ومرت عمو حظرن الغدا

گعدوا ياكلون ويمدحون بالطبخ ..
وخاصه الدولمه عجبتهم حيل ..

وحسين الجامد صاير جرئ ويتغزل .
واني استحي .. ومرت عمي تگول هذا حلالج لتستحين

حسين .. عمه شوكت يجي عمي اريد اخذ حنين ونعقد محكمه ..
فرحت بداخلي .. وگال ونريد نروح نشوف الغرف ونجهز
همه يخططون واني اتباوعله وودي احظنه وابوسه يخبل من يحجي وخاصه شرايين رگبته من يطلعن لبره من ياكل لو يحجي ..

سعادتي متنوصف وياه ..
رجعنا والايام تركض بسرعه .. وخاصه من يجي حسين .
اجه بابا ..
وثاني يوم رحنا جهزنا اوراقنا وخلصنا مصرف الدم .. واليوم الي بعده عقدنا محكمه وخلصنا جان بيومها عدنا امتحان ..
گتله حسين رجعني للكليه عندي امتحان الساعه 11ونصف ..

دخلت ركض وحسين راح ..
لگيت الاستاذ يريد يدخل .. همزين لحگت ..
امتحنت ومن الفرحه مااعرف شلون جاوبت ..
طلعت من الامتحان تعبانه ..
لان من المحكمه گبل للكليه والامتحان وعطشانه ..

اجت منى جايبه بيدها عصير  . 
گالت هاج مبين عليج تعبانه ..
گلتلها لا شكرا .. هسا رايحه اشتري ..
الحت عليه واصرت الا تاخذيه ترى ازعل..
احنه نعتبر صديقات وماكو فرق بينا ..
#بقلمي_شمس
يتبع….